එංගලන්ත ලැන්කෂයර් ක්‍රිකට් ලොක්කාත් කොරෝනාවට බිලි

එංගලන්තයේ සුප්‍රසිද්ධ ලැන්කර්ෂර් ප්‍රාන්ත ක්‍රිකට් කණ්ඩායමේ  සභාපති ඩේවිඩ් හොජ්කිස් කොරෝනා වෛරසය වැළඳීමෙන් ජීවිතක්ෂයට පත්වී ඇත. මියයන විට 71 හැවිරිදි වියේ පසුවන හොජ්කිස් 2017 වර්ෂයේ සිට ලැන්කෂයර් සභාපති ධුරය හොබවා ඇත.

එමෙන්ම දශක දෙකක පමණ සිට එම ක්‍රීඩා සමාජයේ විවිධ තනතුරුද ඔහු විසින් හොබව තිබේ. කෙසේ වෙතත් හොජ්කිස් පසුගිය සමයේදී විවිධ සෞඛ්‍ය ගැටළු වලින් පීඩා විදිබව විදෙස් මාධ්‍ය වාර්තා කරයි.

ලොව පුරාම පැතිරී යන කොරෝනා වෛරසයෙන් පීඩා විදින සංඛ්‍යාව අද වන විට ලක්ෂ 9 කට ආසන්න වී තිබූ අතර මරණ සංඛ්‍යාව හතලිස් දහස ඉක්මවීය.