ඉන්දීය කාන්තා කණ්ඩායම ශ්‍රී ලංකාවේ සංචාරයක

එක්දින තරග තුනක් හා විස්සයි20 තරග පහක් සඳහා සහභාගි වීමට ඉන්දීය කාන්තා කණ්ඩායම එළඹෙන සැප්තැම්බර් මස 07දා ශ්‍රී ලංකාවේ සංචාරයක නිරතවීමට නියමිතව තිබේ.

එක්දින තරගාවලියෙන් දෙරට අතර තරග සංචාරය ආරම්භ වන අතර, එහි පළමු තරගය සැප්. 11 වැනිදා ගාල්ල ජාත්‍යන්තර ක්‍රීඩාංගණයේදී පැවැත්වේ. එම ක්‍රීඩාංගණයේදීම දෙවැනි තරගය සැප්. 13 වැනිදා හා අවසන් එක්දින තරගය සැප්. 16 වැනිදා කටුනායක, හලාවත මේරියන්ස් (නිදහල් වෙළෙඳ කලාප) ක්‍රීඩාංගණයේදී පැවැත්වේ.

දෙරට අතර විස්සයි20 තරග ආරම්භ කරමින් පළමු තරගයද කටුනායකදී සැප්. 19දා පැවැත්වේ. දෙවැනි තරගය සැප්. 21දා කොළඹ කොල්ට්ස් ක්‍රීඩාංගණයේදී හා තෙවැනි හා සිවුවැනි තරග පිළිවෙළින් සැප්. 22 හා 24 දිනවල කොළඹ සී.සී.සී. ක්‍රීඩාංගණයේදී පැවැත්වේ. අවසන් විස්සයි20 තරගය සැප්. 25දා කටුනායකදී පැවැත්වීමට සැලසුම් කර තිබේ.

විශ්ව මුදියන්සේ