ආසියා කුසලාන තරගාවලියේ ලංකාවේ අදියර සඳහා ප්‍රවේශ පත්‍ර අලෙවිය අද

පාකිස්ථාන ක්‍රිකට් පාලක මණ්ඩලය විසින් සත්කාරකත්වය සපයනු ලබන 2023 ආසියානු කුසලාන තරඟාවලියේ ශ්‍රී ලංකාවේ පැවැත්වෙන තරග සඳහා ප්‍රවේශපත්‍ර අලෙවියේ පළමු අදියර අද (17) පකිස්ථානු සම්මත වේලාවෙන් මධ්‍යහන 12 සිට (ශ්‍රී ලංකා වේලාවෙන් ප.ව. 12:30) ආරම්භ වන බව ආසියානු ක්‍රිකට් කවුන්සිලය කියයි.

ප්‍රවේශපත්‍ර pcb.bookme.pk හරහා ලබා ගැනීමට අවස්ථාව තිබේ. ශ්‍රී ලංකාවේ පැවැත්වෙන තරග සඳහා ප්‍රවේශපත්‍ර අලෙවියේ දෙවන අදියර අගෝස්තු 17 වන දින PST සවස 6:30 ට (ශ්‍රී ලංකා වේලාවෙන් ප.ව. 7:00) ආරම්භ වන අතර, සැප්තැම්බර් 2 වන දින පාකිස්තානය සහ ඉන්දියාව අතර පැවැත්වීමට නියමිත තරඟයද මේ සඳහා ඇතුළත් වේ.

අවසන් මහා තරගය ඇතුළුව මුළු තරග 9ක් ශ්‍රී ලංකාවේදී පැවැත්වීමට නියමිතය.