ආජන්ටිනාව අවසන් 16 දෙනාගේ වටයට

පාපන්දු ලෝක කුසලානයෙන් ඉවතට විසි වීමේ අවධානමක පසුවූ ආජන්ටිනා කණ්ඩායම අවසන් 16 දෙනාගේ වටයේ සිය ස්ථානය තහවුරු කර ගැනීමට ඊයේ (26දා) සමත්වූයේය.

ඒ නයිජීරියාව සමග පැවැති තරගය ගෝල 2-1ක් ලෙස ජයගනිමිනි. තරගයේ පළමු අර්ධයේ ලියොනාල් මෙසී (14’) වාර්තා කළ ගෝලයත් සමගින් ඔවුන් තරගයේ පෙරමුණ ගත්තේය කෙසේ වෙතත් දෙවැනි අර්ධයේදී නයිජීරියා කණ්ඩායමේ මෝසේස් (51’) දඬුවම් පහරක් සාර්ථක කර ගනිමින් ගෝලයක් වාර්තා කිරීමට සමත්වීමත් සමග තරගය උණුසුම් විය.

කෙසේ වෙතත් ආජන්ටිනාවේ මාකොස් රොජෝ (86”) වාර්තා කළ ගෝලයත් සමගින් ආජන්ටිනාවට තරගයේ ජය හිමිවූ අතර ඔවුන් අවසන් 16 දෙනාගේ වටයට පිවිසීමටත් සමත්විය. මෙය ඩී කාණ්ඩයේ තරගයක් ලෙසින් පැවැත්විණ.

එම කාණ්ඩයේම අයිස්ලන්තය හා ක්‍රොඒෂියා කණ්ඩායම අතර පැවැති තරගයෙන් ගෝල 2-1ක ජයක් වාර්තා කිරීමට ක්‍රොඒෂියාව සමත්වීමත් සමගින් අයිස්ලන්තය තරගාවලියෙන් ඉවත්වූ අතර ක්‍රොඒෂියාව ඩී කාණ්ඩයමේ පෙරමුණ ගනිමින් අවසන් 16 දෙනාගේ වටයට පිවිසියේය.