ෆාබ්‍රේස් නිදහස් කිරීම ගැන එංගලන්තයෙන් තුති

ශ්‍රී ලංකා ක්‍රිකට් කණ්ඩායමේ හිටපු පුහුණුකරු පෝල් ෆාබ්‍රේස් මහතා එංගලන්ත කණ්ඩායමේ සහාය පුහුණුකරු තනතුරට නිල වශයෙන් පත්කර ඇති බව විදෙස් මාධ්‍ය වාර්තා කළේය.

මේ පිළිබඳව නිවේදනයක් නිකුත්කර තිබෙන එංගලන්ත ක්‍රිකට් මණ්ඩලයේ ප්‍රධාන විධායක නිලධාරී ඩේවිඩ් කෝලියර් සඳහන් කරන්නේ එංගන්තයේ පුහුණුකරු තනතුර භාරගැනීම සඳහා ෆාබ්‍රේස් ශ්‍රී ලංකා ක්‍රිකට් ආයතනයෙන් නිදහස් කිරීම ගැන කෘතඥතාව ප්‍රකාශ කරන බවයි.

එසේම මේ පිළිබඳව අදහස් දක්වමින් ෆාබ්‍රේස්  සඳහන් කරන්නේ ශ්‍රී ලංකා ක්‍රීඩකයන්ගේ මෑතකාලීන දක්ෂතා පිළිබඳව තමන් සතුටු වූ බවත්, එංගලන්ත කණ්ඩායම සමග වැඩකිරීමට ලැබීම ගැන සතුටුවන බවත්ය.