කෝලි 19වැනි ශතකයත් ලබයි

- 27 02 2014 - 09:10 - {{hitsCtrl.values.hits}} views - සංජීව ධර්මසේන

සත්කාරක බංග්ලාදේශ කණ්ඩායම පරදා ආසියානු කුසලාන ක්‍රිකට් තරගාවලියේ මුහුණදුන් පළමු තරගයෙන් කඩුලු 6 ක පහසු ජයක් ලැබීමට ඉන්දීය කණ්ඩායම සමත්විය. බංග්ලාදේශ කණ්ඩායමෙන් එල්ල වූ ලකුණු 280 ක ඉලක්කය කඩුලු හතරක් පමණක් වැයකර 49 වැනි පන්දුවාරයේදී පසුකර යාමට ඉන්දීය කණ්ඩායම සමත්විය.

මෙම තරගාවලියේදී ඉන්දීය කණ්ඩායම මෙහෙයවන විරාත් කෝලි සිය එක්දින දිවියේ 19 වැනි ශතකය රැස් කිරීමට සමත්විය. තරගය ජයග්‍රහණය කිරීමට ඉන්දීය කණ්ඩායමට අවශ්‍ය පදනම සකස් කළ නායක විරාත් කෝලි අජින්ක්‍යා රහානේ සමග එක්ව තෙවැනි කඩුල්ල සඳහා ලකුණු 213 ක සබඳතාවක් ගොඩනැංවීය.

කාසියේ වාසිය දිනාගත් ඉන්දීය නායක විරාත් කෝලිගේ ඇරයුමෙන් පළමුව පන්දුවට පහරදුන් බංග්ලාදේශ කණ්ඩායම පන්දුවාර 50 අවසානයේ කඩුලු 7ක් දැවී ලකුණු 279 රුස්කිරීමට සමත්විය. නායකත්වයේ වගකීම් මැනවින් ඉටුකළ මුෂ්ෆීකර් රහීම් එක්දින ක්‍රිකට් දිවියේ දෙවැනි ශතකය වාර්තා කරමින් ඊයේ (26දා) ලකුණු 117 රුස්කිරීමට සමත්විය.