T20 ලෝක කුසලානය එක්සත් අරාබියේ සහ ඕමානයේ දී

2021 පන්දුවාර 20/20 ලෝක කුසලාන ක්‍රිකට් තරගාවලිය එක්සත් අරාබි එමීර් රාජ්‍යයේ දී සහ ඕමානයේ දී පැවැත්වීමට තීරණය කළ බව ජගත් ක්‍රිකට් කවුන්සලය නිවේදනය කර සිටියි.

මෙවර තරගාවලිය ඉන්දීයාවේ දී පැවැත්වීමට නියමිතව තිබූ නමුත්, එරට පවතින කොවිඩ් 19 වසංගත තත්ත්වය හේතුවෙන් තරගාවලිය ඉන්දියාවේ දී නොපැවැත්වීමට තීරණය කර තිබේ.

සියලු තරග එක්සත් අරාබියේ ඩුබායි, අබුඩාබි හා සාජා යන ක්‍රීඩාංගනවලදී මෙන්ම ඕමාන ක්‍රිකට් ඇකඩමි ක්‍රීඩාංගනයේ දී පැවැත්වීමට නියමිතයි.

2021 පන්දුවාර 20යි 20 ලෝක කුසලාන ක්‍රිකට් තරගාවලිය ඔක්තෝබර් 17 වනදා සිට නොවැම්බර් 14 වනදා දක්වා පැවැත්වෙන බව ද අයි.සී.සීය සඳහවන් කර සිටියේ​ය.