SLC Reds කණ්ඩායමට කඩුලු 6ක ජයක්

Invitational T20 Leagueහි 7 වන තරගයෙන් ජය වාර්තා කිරීමට SLC Reds කණ්ඩායම අද(18) සමත් වි​ය. ඒ SLC Blues කණ්ඩායම කඩුලු 6කින් පරාජයට පත් කරමින්​ය.

තරගයේ පළමුවෙන් පන්දුවට පහරදුන් Blues කණ්ඩායම කඩුලු 7ක් දැවී ලකුණු 146ක් රැස් කිරීමට සමත් වි​ය.

පිළිතුරු ඉනිම ක්‍රීඩා කළ Reds කණ්ඩායම පන්දුවාර 19ක් අවසානයේ කඩුලු 4ක් දැවී ජයග්‍රාහී ඉලක්කය පසු කිරීමට සමත් විය.

තරගයේ පළමුවෙන් පන්දුවට පහරදුන් Blues ඉනිම ශක්තිමත් කළ ආරම්භක පිතිකරු ධනංජය ලක්ෂාන් ලකුණු 55(47)ක් හා ළහිරු සමරකෝන් නොදැවී ලකුණු 35(21)ක් ලබා ගැනීමට සමත් විය.

දක්​ෂ පන්දු යැවීමක නිරතවූ හිමේෂ් රාමනායක පන්දුවාර 4 තු​ල ලකුණු 31කට කඩුලු 4ක් දවා ගැනීමට සමත් වි​ය.