SLC Greys අපරාජිතව ඉදිරියට

Invitational T20 League 6 වැනි තරගයෙන් අද (16) ජය වාර්තා කිරීමට SLC Greys කණ්ඩායම සමත් වි​ය. ඔවුන් හමුවේ ලකුණු 16කින් පරාජයට පත් වූයේ SLC Blues කණ්ඩායමයි.

තරගයේ පළමුවෙන් පන්දුවට පහරදුන් SLC Greys කණ්ඩායම කඩුලු 4ක් දැවී ලකුණු 167ක් රැස් කළා.

ප්‍රවේගකාමී ඉනිමක් ක්‍රීඩා කළ ළහිරු ලකුණු 74ක් නොදැවී රැස් කළේ පන්දු 39කදී දැවැන්ත හයේ පහරවල් 5ක් හා හතරේ පහර 5ක් සමගින්​ය.

පන්දු යැවීමේ දී ධනංජය ද සිල්වා, සුරංග ලක්මාල්, මහීෂ් තීක්ෂණ හා ඩිල්ෂාන් මදුෂංක අතරේ එක් කඩුල්ල බැගින් බිද හෙලීමට සමත් වි​ය.

පිළිතුරු ඉනිම ක්‍රීඩා කළ SLC Blues කණ්ඩායමට නියමිත පන්දුවාර 20 අවසානයේ කඩුලු 7ක් දැවී ලබා ගත හැකි වූයේ ලකුණු 151ක් පමණයි.

Greys කණ්ඩායම අඛණ්ඩව ලැබූ 3 වැනි ජය මෙය වෙයි.