ICC වාර්ෂික සමුළුව ශ්‍රී ලංකාවේදී

ජාත්‍යන්තර ක්‍රිකට් කවුන්සිලයේ (ICC) වාර්ෂික සමුළුව ලෝකයේ ක්‍රිකට් ක්‍රීඩා කරන රටවල් 108 ක නියෝජිතයන් 220 කගේ සහභාගීත්වයෙන් එළඹෙන 07/19 දින සිට 07/22 දින දක්වා ශ්‍රී ලංකාවේ පැවැත්වීමට කටයුතු සූදානම් කර තිබේ.

ආසියානු කළාපයේ පළමු වරට මෙම සමුළුව ශ්‍රී ලංකාවේ පැවැත්වෙන අතර මේ සදහා ලෝකයේ ක්‍රිකට් ක්‍රීඩා කරන අප්‍රිකානු, ඇමෙරිකානු , ආසියානු , නැගෙනහිර ආසියානු , ෆැසිපික් කළාපීය සහ යුරෝපා රටවල් නියෝජනය කරමින් නියෝජිතයන් ශ්‍රී ලංකාවට පැමිණ සහභාගී වීමට නියමිතය.

"Capitalizing on the Olympic Opportunity " එළඹෙන පැරිස් ඔලිම්පික් තරගාවලිය සදහා ලද අවස්ථාවෙන් උපරිම ප්‍රයෝජන ගනිමු , යන තේමාව යටතේ මෙම වාර්ෂික සමුළුව සංවිධානය කර තිබේ.

මේ සදහා ශ්‍රී ලංකා ක්‍රිකට් ආයතනය මගින්  අවශ්‍ය සම්පත් දායකත්වය ලබා දීම සිදු කෙරේ .