එංගලන්ත වේගපන්දු යවන්නන්ගේ විශිෂ්ට පන්දු යැවීම හේතුවෙන් සංචාරක ඔස්ට්‍රේලියානු කණ්ඩායමට එරෙහිව දෙවැනි එක්දින තරගයෙන් නොතිබූ ජයක් හිමිකර ගැනීමට එංගලන්තයට හැකි විය. ඒ අනුව තරග තුනකින් යුත් තරගාවලිය තරග 1-1ක් ලෙස සමකිරීමට ඔවුන්ට හැකි විය.

බංග්ලාදේශය හා ශ්‍රී ලංකාව අතර පැවැත්වීමට නියමිත ක්‍රිකට් තරගාවලිය සඳහා ශ්‍රී ලංකාවට පැමිණීමට නියමිත බංග්ලාදේශ ක්‍රිකට් කණ්ඩායම සෞඛ්‍ය නිර්දේශ අනුව දින 14ක කාලයක් ස්වයං නිරෝධානයට ලක්විය යුතු බව ශ්‍රී ලංකා ක්‍රිකට් ආයතනය බංග්ලාදේශයට දන්වා තිබේ.

ටෙස්ට් ක්‍රිකට් තරගාවලියක් සඳහා මෙරට සංචාරය කිරීමට නියමිත බංග්ලාදේශ ක්‍රිකට් කණ්ඩායමට මෙරට සෞඛ්‍ය බලධාරීන් විසින් ලබාදී තිබෙන දින 14ක අනිවාර්යය නිරෝධායනයට එකඟ විය නොහැකි බව බංග්ලාදේශ ක්‍රිකට් ආයතනයේ සභාපති නස්මුල් හසන් ක්‍රික් ඉන්ෆෝ වෙබ් අඩවිය වෙත අදහස් දක්වමින් සඳහන් කරයි.

ඉදිරියේදී ක්‍රීඩකයා ව්‍යවසායකයෙක් කර ක්‍රීඩාව ආදායම් ලබන වෘත්තියක් බවට පරිවර්තනය කරන බව ක්‍රීඩා අමාත්‍ය නාමල් රාජපක්‍ෂ මහතා පැවසීය. අමාත්‍යවරයා මේ බව පවසා සිටියේ මෙම මස 26, 27 දිනවල ආරුගම්බේ වෙරළ තීරයේ පැවැත්වෙන රළ මත ලිස්සායෑමේ (Surfing) තරගාවලිය පිළිබඳ දැනුවත් කිරීම සඳහා පසුගියදා (11දා) පැවැති මාධ්‍ය හමුවේදී අදහස් දක්වමිනි.

ක්‍රිකට් තරගාවලියක් සඳහා එළඹෙන 27 වැනිදා දිවයිනට පැමිණීමට නියමිත බංග්ලාදේශ ක්‍රිකට් කණ්ඩායම මෙරටදී දින 14ක් අනිවාර්ය නිරෝධායනයකට යොමු විය යුතු බව ප්‍රධාන වසංගත රෝග විශේෂඥ වෛද්‍ය සුදත් සමරවීර මහතා අප කළ විමසුමකදී පැවසීය.

ක්‍රීඩා පාසල් සඳහා සිසුන් ඇතුළත් කිරීම, ක්‍රීඩා පාසල්වල පරිපාලන හා මූල්‍ය කටයුතු මෙන්ම ක්‍රීඩා පාසල් සංවර්ධනයට අදාළව ඉදිරියේ දී අධ්‍යාපන හා ක්‍රීඩා අමාත්‍යාංශයන්හි සම්බන්ධීකරණයෙන් ක්‍රියාත්මක විය යුතු ආකාරය සම්බන්ධයෙන් සියලු පළාත් හා කලාප අධ්‍යාපන බලධාරීන් හා ක්‍රීඩා පාසල් විදුහල්පතිවරුන් දැනුවත් කිරීමේ උපදෙස් ඇතුළත් චක්‍රලේඛයක් අධ්‍යාපන අමාත්‍යාංශය විසින් නිකුත් කර තිබේ.

ශ්‍රී ලංකා ක්‍රිකට් ආයතනය විසින් පවත්වනු ලබන ‘ලංකා ප්‍රිමියර් ලීග්’ ක්‍රිකට් තරගාවලිය නියෝජනය කිරීමේ අපේක්ෂාවෙන් විදෙස් ක්‍රීඩකයින් හාරසිය විසි දෙනෙකු (420) අයැදුම් කර තිබෙන අතර ඉන් 150 දෙනෙකු පමණ ක්‍රීඩක වෙන්දේසිය සඳහා සුදුසුකම් ලබා සිටිති.

ඉන්දීය හිටපු ක්‍රිකට් ක්‍රීඩක යුවරාජ් සිං යළි ක්‍රිකට් පිටියට පිවිසීමට තීරණය කර ඇත.

අන්තර් ජාතික තරගවලදී ගෝල සියයක් සම්පූර්ණ කළ ලොව දෙවැනි ක්‍රීඩකයා බවට පත්වීමට පෘතුගාලයේ ක්‍රිස්ටියානෝ රොනාල්ඩෝ සමත්විය. ඒ ස්වීඩනයට එරෙහිව ගෝල ද්විත්වයක් රැස් කරමිනි.

රිය අනතුරක් සිදුකර පුද්ගලයෙකු ජිවිතක්ෂයට පත්කිරීමේ සිද්ධියට අදාළව පැමිණිලි පාර්ශවයට ඉතිරි රුපියල් ලක්ෂ 8 ක මුදල ලබාදෙන ලෙස පානදුර වැඩබලන මහේස්ත්‍රාත් ශ්‍රී ලංකා ක්‍රිකට් ක්‍රීඩක කුසල් මෙන්ඩිස්ට අද (09දා) නියෝග කර ති​බේ.

ජර්මනියේ පැවැති අන්තර්ජාතික මලල ක්‍රීඩා තරගයේදී මීටර් 100 කෙටිදුර ධාවන ඉසව්ව තත්ත්පර 10.16කින් නිම කරමින් නව ශ්‍රී ලංකා හා දකුණු ආසියා වාර්තාවක් පිහිටුවීමට ශ්‍රී ලංකාවේ යුපුන් අබේකෝන් සමත්ව තිබේ.

ශ්‍රී ලංකා ටෙස්ට් ක්‍රිකට් කණ්ඩායමේ ජ්‍යෙෂ්ඨ දඟපන්දු යවන්නා වන ඩිල්රුවන් පෙරේරාට කෝල්ට්ස් ක්‍රීඩා සමාජයෙන් විනය පරීක්ෂණයක් ආරම්භ කර ඇති බව වාර්තා වේ

නිලධාරීන් රණ්ඩු වූවාට ඊට ක්‍රීඩකයන් පලි නැති බවත්, ක්‍රීඩා අමාත්‍යවරයා ලෙස ගනුදෙනුව පවතින්නේ ක්‍රීඩකයන් සමග බවත් ක්‍රීඩා අමාත්‍ය නාමල් රාජපක්ෂ සඳහන් කළේය.

තරුණ හා ක්‍රීඩා අමාත්‍ය නාමල් රාජපක්ෂ මහතා අති විශේෂ ගැසට් නිවේදනයක් නිකුත් කරමින් මෙම අවලංගු කිරීම කර තිබේ.

ක්‍රීඩාව ප්‍රවර්ධනය කිරීම සඳහා ක්‍රීඩාඅමාත්‍යාංශය හා විජය ප්‍රවෘත්තිපත්‍ර සමාගම අතර නව අවබෝධතා ගිවිසුමට එළඹීම ක්‍රීඩා අමාත්‍ය නාමල් රාජපක්ෂ මහතාගේ ප්‍රධානත්වයෙන් සිදුවිය.

ශ්‍රී ලංකා ක්‍රිකට් ආයතනයේ මෙහෙයවීමෙන් පවත්වනු ලබන වයස අවුරුදු 23 න් පහළ අන්තර් සමාජ ප්‍රධානතම ක්‍රිකට් තරගාවලිය කණ්ඩායම් 26 කගේ සහභාගිත්වයෙන් සැප්තැම්බර් මස 16 වැනිදා ආරම්භ වේ. ඔක්තෝම්බර් මස 11 වැනිදා අවසන් වීමට නියමිත මෙම තරගාවලිය එක්දින තරගාවලියක් ලෙසින් පැවැත්වෙනු ඇත.

අවුරුදු 50ක් පැරණි ක්‍රීඩා පනත ඉදිරියට ගමන් යෑමට නොහැකි බැවින් නව ක්‍රීඩා පනතක් ගෙන එන බවත්, මේ වනවිට එහි මූලික කටයුතු සාකච්ඡා කරමින් සිටින බවත් ක්‍රීඩා අමාත්‍ය නාමල් රාජපක්ෂ පැවසීය.

තරගාවලිය නොවැම්බර් මස 14 වැනිදා සිට දෙසැම්බර් 06 වැනිදා දක්වා පැවැත්වෙනු ඇත.

ශ්‍රී ලංකා ක්‍රිකට් කණ්ඩායමේ වේග පන්දු යවන ක්‍රීඩක ලසිත් මාලිංග පෞද්ගලික හේතුවක් නිසාවෙන් මෙවර අයි.පී.එල් තරඟාවලියෙන් ඉවත්ව තිබේ.

එංගලන්තය හා පාකිස්තානය අතර දෙවැනි විස්සයි 20 තරගයේ පාකිස්තාන ක්‍රීඩකයන් පිටිය මැද ක්‍රීඩා කරමින් සිටියදී, පුහුණුකරු මිස්බා-උල්-හක් පරාජිත මානසිකත්වයෙන් ක්‍රීඩාගාරයේ රැඳී සිටි ආකාරය පාකිස්තාන හිටපු නායක ඉන්සමාම්-උල්-හක්ගේ දැඩි දෝෂ දර්ශනයට ලක්ව තිබේ. ඔහු පවසන්නේ මිස්බාගේ ඍණාත්මක ප්‍රතික්‍රියා කණ්ඩායමේ අයහපතට බලපාන බවයි.

තරගාවලියේ පළමු තරගයට වර්ෂාවෙන් බාධා ඇතිවීම හේතුවෙන් අත්හැර දැමුණි. දෙවැනි තරගය එංගලන්තය ජයගත් අතර තෙවැනි තරගය පාකිස්තානය ජයගත්තේය.

ශ්‍රී ලංකා දැල්පන්දු සම්මේලනයේ නව සභාපතිනිය ලෙස නිතරගයෙන් පත්වීමට හිටපු දැල්පන්දු සභාපතිනී ලක්ෂ්මී වික්ටෝරියා මහත්මිය සමත් වූවාය.

ශ්‍රී ලංකා ක්‍රිකට් උප සභාපති තනතුරට ආචාර්ය ජයන්ත ධර්මදාස මහතා පත් කිරීමට ඊයේ (31දා) පැවති අතිවිශේෂ මහා සභා රැස්වීමකදී ශ්‍රී ලංකා ක්‍රිකට් ආයතනයේ සාමාන්‍ය සාමාජිකත්වය විසින් අනුමත කර ඇති බව ශ්‍රී ලංකා ක්‍රිකට් (ශ්‍රී ලංකා ක්‍රිකට්) නිවේදනය කරයි

තමන් සංසංදනය කළේ තිලකරත්න ඩිල්ෂාන් සමඟින් බවත්, ඩිල්ෂාන්ගේ ප්‍රහාරාත්මක වේගය තමන්ට වඩා වැඩි වූ නිසා තමන්ට කණ්ඩායමෙන් එළියට විසිවීමට සිදුවූ බවත් ජාත්‍යන්තර ශ්‍රී ලංකා හිටපු ආරම්භක පිතිකරු තරංග පරණවිතාන පවසයි. ඔහු සිය සමුගැනීම ගැන මාධ්‍ය දැනුම්වත් කිරීමක් පසුගිය සිකුරාදා (28දා) කොළඹ පී. සරා ඕවල් ක්‍රීඩාංගණයේදී පැවැති අතර, එහිදී ඔහු වැඩිදුරටත් පවසා සිටියේ හිටපු තේරීම් කමිටු සාමාජිකයෙකු වුමමනාවෙන්ම තමන්ව ටෙස්ට් ක්‍රිකට්වලට සීමාකළ බවයි.

ශ්‍රී ලංකා ක්‍රිකට් කණ්ඩායම නියෝජනය කරන ලද ඉදිරි පෙළ පිතිකරුවකු වන තරංග පරණවිතාන සිය අන්තර්ජාතික ක්‍රිකට් පිටියෙන් සමුගැනීම ප්‍රකාශයට පත් කර තිබේ. ඒ පිළිබඳව තරංග විසින් ශ්‍රී ලංකා ක්‍රිකට් ආයතනය වෙත නිල වශයෙන් දැනුම් දී ඇත.

දැඩි සෞඛ්‍ය මාර්ගෝපදේශ හා අධීක්ෂණය යටතේ තෝරාගත් පාසල් ක්‍රීඩා වහාම ආරම්භ කිරිමට ක්‍රීඩා අමාත්‍යාංශය හා සෞඛ්‍ය අමාත්‍යාංශය අතර එකඟතාවකට පැමිණ තිබේ.

දේශීය පළමු පෙළ ක්‍රිකට් තරගවලිදී ක්‍රීඩකයෙකු ඉනිමක රැස්කළ ඉහළම ලකුණු සංඛ්‍යාව වාර්තා කිරීමට දිනේෂ් චන්දිමාල් සමත්ව තිබේ.

යුධ හමුදා පිළ වෙනුවෙන් දිනේෂ් චන්දිමාල් සිය මංගල ත්‍රිත්ව ශතයක වාර්තා කරයි.

එංගලන්ත වේග පන්දු යවන ක්‍රීඩක ජේම්ස් ඇන්ඩර්සන් ලෝකයේ ටෙස්ට් කඩුලු 600ක් දවාගත් පළමු වේග පන්දු යවන්නා ලෙස වාර්තා අතරට එක්විය.