ශ්‍රී ලංකා ක්‍රිකට් කණ්ඩායමේ වේග පන්දු යවන ක්‍රීඩක ලසිත් මාලිංග පෞද්ගලික හේතුවක් නිසාවෙන් මෙවර අයි.පී.එල් තරඟාවලියෙන් ඉවත්ව තිබේ.

එංගලන්තය හා පාකිස්තානය අතර දෙවැනි විස්සයි 20 තරගයේ පාකිස්තාන ක්‍රීඩකයන් පිටිය මැද ක්‍රීඩා කරමින් සිටියදී, පුහුණුකරු මිස්බා-උල්-හක් පරාජිත මානසිකත්වයෙන් ක්‍රීඩාගාරයේ රැඳී සිටි ආකාරය පාකිස්තාන හිටපු නායක ඉන්සමාම්-උල්-හක්ගේ දැඩි දෝෂ දර්ශනයට ලක්ව තිබේ. ඔහු පවසන්නේ මිස්බාගේ ඍණාත්මක ප්‍රතික්‍රියා කණ්ඩායමේ අයහපතට බලපාන බවයි.

තරගාවලියේ පළමු තරගයට වර්ෂාවෙන් බාධා ඇතිවීම හේතුවෙන් අත්හැර දැමුණි. දෙවැනි තරගය එංගලන්තය ජයගත් අතර තෙවැනි තරගය පාකිස්තානය ජයගත්තේය.

ශ්‍රී ලංකා දැල්පන්දු සම්මේලනයේ නව සභාපතිනිය ලෙස නිතරගයෙන් පත්වීමට හිටපු දැල්පන්දු සභාපතිනී ලක්ෂ්මී වික්ටෝරියා මහත්මිය සමත් වූවාය.

ශ්‍රී ලංකා ක්‍රිකට් උප සභාපති තනතුරට ආචාර්ය ජයන්ත ධර්මදාස මහතා පත් කිරීමට ඊයේ (31දා) පැවති අතිවිශේෂ මහා සභා රැස්වීමකදී ශ්‍රී ලංකා ක්‍රිකට් ආයතනයේ සාමාන්‍ය සාමාජිකත්වය විසින් අනුමත කර ඇති බව ශ්‍රී ලංකා ක්‍රිකට් (ශ්‍රී ලංකා ක්‍රිකට්) නිවේදනය කරයි

තමන් සංසංදනය කළේ තිලකරත්න ඩිල්ෂාන් සමඟින් බවත්, ඩිල්ෂාන්ගේ ප්‍රහාරාත්මක වේගය තමන්ට වඩා වැඩි වූ නිසා තමන්ට කණ්ඩායමෙන් එළියට විසිවීමට සිදුවූ බවත් ජාත්‍යන්තර ශ්‍රී ලංකා හිටපු ආරම්භක පිතිකරු තරංග පරණවිතාන පවසයි. ඔහු සිය සමුගැනීම ගැන මාධ්‍ය දැනුම්වත් කිරීමක් පසුගිය සිකුරාදා (28දා) කොළඹ පී. සරා ඕවල් ක්‍රීඩාංගණයේදී පැවැති අතර, එහිදී ඔහු වැඩිදුරටත් පවසා සිටියේ හිටපු තේරීම් කමිටු සාමාජිකයෙකු වුමමනාවෙන්ම තමන්ව ටෙස්ට් ක්‍රිකට්වලට සීමාකළ බවයි.

ශ්‍රී ලංකා ක්‍රිකට් කණ්ඩායම නියෝජනය කරන ලද ඉදිරි පෙළ පිතිකරුවකු වන තරංග පරණවිතාන සිය අන්තර්ජාතික ක්‍රිකට් පිටියෙන් සමුගැනීම ප්‍රකාශයට පත් කර තිබේ. ඒ පිළිබඳව තරංග විසින් ශ්‍රී ලංකා ක්‍රිකට් ආයතනය වෙත නිල වශයෙන් දැනුම් දී ඇත.

දැඩි සෞඛ්‍ය මාර්ගෝපදේශ හා අධීක්ෂණය යටතේ තෝරාගත් පාසල් ක්‍රීඩා වහාම ආරම්භ කිරිමට ක්‍රීඩා අමාත්‍යාංශය හා සෞඛ්‍ය අමාත්‍යාංශය අතර එකඟතාවකට පැමිණ තිබේ.

දේශීය පළමු පෙළ ක්‍රිකට් තරගවලිදී ක්‍රීඩකයෙකු ඉනිමක රැස්කළ ඉහළම ලකුණු සංඛ්‍යාව වාර්තා කිරීමට දිනේෂ් චන්දිමාල් සමත්ව තිබේ.

යුධ හමුදා පිළ වෙනුවෙන් දිනේෂ් චන්දිමාල් සිය මංගල ත්‍රිත්ව ශතයක වාර්තා කරයි.

එංගලන්ත වේග පන්දු යවන ක්‍රීඩක ජේම්ස් ඇන්ඩර්සන් ලෝකයේ ටෙස්ට් කඩුලු 600ක් දවාගත් පළමු වේග පන්දු යවන්නා ලෙස වාර්තා අතරට එක්විය.

ශ්‍රී ලංකා ටෙස්ට් කණ්ඩායමේ දඟපන්දු යවන ක්‍රීඩක දිල්රුවන් පෙරේරා සිය පළමු පෙළ තරග දිවියේ කඩුලු 800 සීමාව ඉක්මවීමට සමත් විය. ඒ මේ දිනවල පැවැත්වෙන අන්තර් සමාජ ක්‍රිකට් තරගවාරයේ ඊයේ (25දා) ආරම්භ වූ එන්.සී.සී. හා කෝල්ට්ස් අතර තරගයේදීය.

ලෝකයේ වේගවත්ම මිනිසා මෙන්ම අට වතාවක් ඔලිම්පික් රන් පදක්කම්ලාභී උසේන් බෝල්ට් කොවිඩ් 19 වෛරසය සම්බන්ධයෙන් ධනාත්මක වී තිබේ.

ලිස්බන්, (ෂින්හුවා) - පැරිස් සෙන්ට් ජර්මේන් කණ්ඩායම ගෝල 1-0 ලෙස පරජය කරමින් යූ.එෆ්.ඒ. ශූරයන්ගේ කුසලානය ජයග්‍රහණය කිරීමට බයන් මියුනිච් කණ්ඩායම සමත්විය.

ශ්‍රී ලංකා පාපන්දු සම්මේලනයේ මෙහෙයවීමෙන් පැවැත්වෙන වැන්ටේජ් සභාපති කුසලාන පාපන්දු තරගාවලියේ ප්‍රථමයෙන්ම අවසන් පූර්ව වටයට පිවිසීමට කොළඹ ජාවාලේන් හා පානදුර නිව්ස්ටාර් කණ්ඩායම් සමත් වූහ. ඒ තරගාවලියේ අර්ධ අවසන් පූර්ව වටයේ තරගවලින් ජයග්‍රහණය වාර්තා කරමිනි. මෙම තරග ද්විත්වයම ඊයේ (23දා) කොළඹ සුගතදාස ක්‍රීඩාංගනයේදී පැවැත්විණි.

“පාසල් ක්‍රීඩාව දියුණු කරන්න ඕනෑ. අපි ක්‍රීඩා කවුන්සිලය පත්කළා. ඉදිරි කාලයේදී අපි බලාපොරොත්තු වෙනවා රටේ ජාතික ක්‍රීඩා ප්‍රතිපත්ති, ක්‍රීඩා පනත සංශෝධනය කරන ගමන් කෙටි කාලීන, මධ්‍ය කාලීන සහ දිගු කාලීන ක්‍රීඩා සැලැස්මක් රට තුළ නිර්මාණය කරන්න. මේ වන විටත් එහි වැඩ කටයුතු ක්‍රීඩා කවුන්සිලයෙන් ආරම්භ කර තිබෙනවා”

ජාතික ක්‍රීඩා සභාවේ සභාපතිවරයා ලෙස ශ්‍රී ලංකා ක්‍රිකට් කණ්ඩායමේ හිටපු නායක මහේල ජයවර්ධන ක්‍රීඩා අමාත්‍ය නාමල් රාජපක්ෂ විසින් පත් කර තිබේ.

ක්‍රීඩා කුසලතාවන්ට ප්‍රමුඛතාව දෙමින් ක්‍රීඩා පාසල්වලට දරුවන් ඇතුළත් කිරීමට පියවර ගන්නා බව ක්‍රීඩා හා තරුණ කටයුතු අමාත්‍ය නාමල් රාජපක්ෂ මහතා පවසයි.

පිට පළාත් තුළ ක්‍රිකට් ක්‍රීඩාව සංවර්ධනය කිරීම සහ ගුණාත්මක භාවය ඉහළ දැමීමේ අරමුණ ඇතිව ජාතික මට්ටමේ සියළුම පහසුකම්වලින් සමන්විත ක්‍රිකට් ක්‍රීඩාංගණ 6 ක් වසරක් තුළ සංවර්ධනය කිරීමට ශ්‍රී ලංකා ක්‍රිකට් ආයතනය පියවර ගෙන තිබේ.

දැනට පවතින 1973 ක්‍රීඩා පනත වෙනුවට නව ක්‍රීඩා පනතක් හඳුන්වාදීමට අවධානය යොමුව ඇති බව ක්‍රීඩා හා තරුණ අමාත්‍ය නාමල් රාජපක්ෂ මහතා සඳහන් කරයි.

නව රජයේ තරුණ හා ක්‍රීඩා අමාත්‍යවරයා ලෙස පත්කෙරුණු නාමල් රාජපක්ෂ මහතා සිය අමාත්‍යධුරයේ අද (18දා) රාජකාරී ආරම්භ කළේය.

තමන් ක්‍රීඩා අමාත්‍යවරයා විදියට පූර්ණ කාලය කැප කරන්නෙ පාසල් ක්‍රීඩාව සංවර්ධනය කරන්න බවත් විශේෂයෙන්ම ක්‍රීඩකයො හැදෙන්නෙ බිම් මට්ටමින් බවත් ඒ සදහා අඩු වයසින් අපි ක්‍රීඩකයන් හඳුනාගත යුතු බව ක්‍රීඩා හා තරුණ කටයුතු පිලිබඳ අමාත්‍ය නාමල් රාජපක්ෂ මහතා පවසයි.

ඉන්දියාවෙන් බිහිවූ තවත් විශිෂ්ඨ පිතිකරුවෙක් වන සුරේෂ් රයිනාද ජාත්‍යන්තර පිටියෙන් සමුගැනීමට තීරණය කර තිබේ.

ජාත්‍යන්තර ක්‍රිකට් පිටියේ එක්දින ලෝක කුසලානය, විස්සයි 20 ලෝක කුසලානය හා ශූරයන්ගේ කුසලානය දිනාගත් ලෝකයේ එකම නායකයා වන වන දෝනි ටෙස්ට් ක්‍රිකට් පිටියේද ඉන්දියාව ශ්‍රේණිගත කිරීම්හි ඉහළ ස්ථානයට ගෙන ආවේය.

ශ්‍රී ලංකා ක්‍රිකට් ඉතිහාසයේ විනිසුරුවරුන් වෙනුවෙන් කොන්ත්‍රාත්තුවක් ලබා දුන් පළමු අවස්ථාව ලෙසින් සනිටුහන්වනු ලබන මෙම කොන්ත්‍රාත් ලබාදීම කාණ්ඩ 3 ක් යටතේ සිදුකර තිබේ.

යුරෝපීය ක්‍රීඩා සමාජයන් අතර පැවැත්වෙන ප්‍රධානම හා දැවැන්තම පාපන්දු ලීගය වන ’’චැම්පියන්ස් ලීග්’’ පාපන්දු තරගාවලියේ අවසන් පූර්ව වටයේ තරග අද (12දා) ආරම්භ වේ.

අන්තර් සමාජ පළමුපෙළ ක්‍රිකට් තරගාවලියේ (තෙදින) සුපිරි අටදෙනාගේ වටයේ පැවති තරගයේ දෙවැනි දිනය වූ ඊයේ (11දා) දිනයේ ඇන්ජලෝ මැතිව්ස්ගේ ඉනිම කැපී පෙනුණු අතර, ඔහු සැරසන්ස් කණ්ඩායමට එරෙහිව පන්දු 262කට මුහුණදෙමින් නොදැවී ලකුණු 173ක් රැස්කිරීමට සමත් විය. පෙරේදා දිනට තරගය නතර කරන විට ඔහු ලකුණු 80ක් රැස් කරගෙන සිටියේය.

නිරෝධායන ක්‍රියාමාර්ග හේතුවෙන් ජාත්‍යන්තර ක්‍රීඩකයින් මෙරටට ගෙන්වා ගැනීම දුෂ්කර බැවින් අගෝස්තු 28 සිට ආරම්භ කිරීමට නියමිතව තිබූ ලංකා ප්‍රිමියර් ලීග් (LPL) කල් දමා තිබෙන බව වාර්තා වෙයි.

එංගලන්ත ක්‍රිකට් කණ්ඩායමේ තුන් ඉරියව් ක්‍රීඩක බෙන් ස්ටෝක්ස් පාකිස්තානය සමගින් පැවැත්වෙන ටෙස්ට් තරගාවලියේ ඉතිරි තරග ද්විත්වයට සහභාගි නොවන බව වාර්තා වේ.