2024 19න් පහළ ක්‍රිකට් ලෝක කුසලානය ලංකාවේදී

2024 වසරේදී පැවැත්වීමට නියමිත අවුරුදු 19න් පහළ එක්දින ලෝක කුසලාන තරගාවලිය ශ්‍රී ලංකාවේදී පැවැත්වෙන බව ජාත්‍යන්තර ක්‍රිකට් කවුන්සිලය ප්‍රකාශ කරයි.

2024 -2027 වසර තුළ අවුරුදු 19න් පහළ ක්‍රිකට් තරගාවලි පිළිබඳ කාලසටහනද මේ සමගාමිව ජාත්‍යන්තර ක්‍රිකට් කවුන්සිලය මගින් ප්‍රකාශයට පත් කළේය.

ශ්‍රී ලංකාවේ අවසන් වරට 19න් පහළ ලෝක කුසලාන තරගාවලියක් පවත්වා ඇත්තේ 2006 වසරේදීය.

2026 ලෝක කුසලාන තරගාවලිය සිම්බාබ්වේ හා නැම්බියවේදි පැවැත්විමට නියමතය. එසේම 2025 අවුරුදු 19න් පහළ කාන්තා විස්සයි20 ලොක කුසලාන තරගාවලිය මැලේසියාවේදී හා තායිලන්තයේදි පැවැත්වෙයි.

එසේම 2027 වසරේ පැවැත්වීමට නියමිත 19න් පහළ කාන්තා ලෝක කුසලාන විස්සයි20 තරගාවලිය බංග්ලාදේශයේදී හා නේපාලයේදී පැවැත්වීමට නියමිතය.