සූරියවැව ඇඳුම් ගැලවීම ගැන ක්‍රිකට් ආයතනය කනගාටු වෙයි

සිම්බාබ්වේ කණ්ඩායම සමග සූරියවැව මහින්ද රාජපක්ෂ ක්‍රීඩාංගණයේ පැවැති එක්දින තරගාවලියේදී තාවකාලික පදනම මත බඳවා ගත් සේවකයන්ගේ කලිසම් නැවතත් ඉල්ලීමේ සිදුවීම පිළිබඳ ශ්‍රී ලංකා ක්‍රිකට් ආයතනය සිය කනගාටුව ප්‍රකාශ කරයි.

එසේම සිද්ධිය සම්බන්ධයෙන් ක්‍රීඩාංගණ බලධාරීන්ගෙන් කරුණු විමසා ඇති බවත්, ඔවුන්ට එරෙහිව කටයුතු කරන බවත් ක්‍රිකට් ආයතනය නිකුත් කළ නිවේදනයේ දැක්වේ.

සිද්ධියෙන් අපහසුතාවට පත් සේවක පිරිසට යම් හානිපූර්ණයක් කිරීමටද විධායක කමිටුව තීරණය කර ඇතැයි ක්‍රිකට් ආයතනය නිකුත් කළ නිවේදනයේ දැක්වෙයි.