සුගතදාස ක්‍රීඩා සංකීර්ණය නවීකරණය කරයි

සුගතදාස ජාතික ක්‍රීඩා සංකීර්ණය නවීකරණය කිරීමට ක්‍රීඩා අමාත්‍යාංශයේ අවධානය යොමුව තිබේ. ඒ අනුව එම සංකීර්ණයට  සූර්යබල විදුලි උත්පාදක පද්ධතියක් සවි කිරීම, එළිමහන් ක්‍රීඩාංගණය සඳහා විදුලිය සපයනු ලබන කුළුණුවල විදුලිය සපයන වයර් හා අනෙකුත් නිර්මිතයන් අලුත්වැඩියා කිරීම, ප්‍රධාන ක්‍රීඩාගාරයේ ඇතුළත විදුලි ආලෝක පද්ධතිය හා ශබ්දවාහිනී පද්ධතිය නවීකරණය කිරීමට මේ හරහා කටයුතු කරනු ඇත. මේ සම්බන්ධයෙන් ක්‍රීඩා අමාත්‍ය දයාසිරි ජයසේකර මහතා ඉදිරිපත් කළ කැබිනට් පත්‍රිකාවට කැබිනට් මණ්ඩලයේ අනුමැතිය ලැබී ඇත.