සංගාගෙන් අඛණ්ඩ ශතක දෙකක්

එංගලන්ත පළමු පෙළ සිවුදින තරගාවලියට සරේ කණ්ඩායම නියෝජනය කරමින් ක්‍රීඩා කරන කුමාර් සංගක්කාර මිඩ්ල්සෙක්ස් කණ්ඩායමට එරෙහිව පැවැත්වෙන තරගයේදී ඉනිම දෙකේදී ශතක දෙකක් වාර්තා කිරීමට සමත්විය.

පළමු ඉනිමේදී ලකුණු 114ක් හා දෙවැනි ඉනිමේදි ලකුණු 116* නොදැවී ඔහු රැස්කරගෙන සිටියි. අද (22දා) තරගයේ අවසන් දිනය වන අතර එය ලෝඩ්ස් පිටියේදී පැවැත්වෙයි.

ඒ අනුව පළමු පෙළ සිවුදින තරගාවලියේදී සිවුවැනි තරගය ක්‍රීඩා කරන සංගා ශතක හතරක් සමගින් ලකුණු 588ක් රැස්කරගෙන සිටියි. ඔහු සමස්ත ලකුණු සටහනේ පසුවෙන්නේ දෙවැනි ස්ථානයේය.