සිම්බාබ්වේ තරගාවලිය සම කරයි

(UPDATE) සත්කාරක ශ්‍රී ලංකා කණ්ඩායම ඩක්වර්ත් ලුවිස් න්‍යායට අනුව කඩුලු 4කින් පරාජයට පත්කරමින් දෙරට අතර පැවැති සිවුවැනි එක්දින තරගය ජයගැනිමට සිම්බාබ්වේ කණ්ඩායම සමත්විය. ඒ අනුව තරගාවලිය 2-2 ක් ලෙස සමකිරීමටත් සිම්බාබ්වේ කණ්ඩායම සමත්විය.

වර්ෂාව හේතුවෙන් සිම්බාබ්වේ කණ්ඩායමට පන්දුවාර 31කදී ලකුණු 219ක ඉලක්කයක් හිමි වූ අතර එය පන්දුවාර 29.2කින් කඩුලු 6ක් පමණක් වැය කර පසුකර යෑමට සිම්බාබ්වේ කණ්ඩායම සමත්විය.

  මුලින්ම පන්දුවට පහරදුන් ශ්‍රී ලංකා පිතිකරුවන් පන්දුවාර 50 තුළදී කඩුලු 6කට ලකුණු 300ක් රැස්කරමින් සිම්බාබ්වේ කණ්ඩායමට ලකුණු 301ක ඉලක්කයක් ලබාදුන්නේය. නිරෝෂන් දික්වැල්ල හා ධනුෂ්ක ගුණතිලක පළමු කඩුල්ලට සාර්ථක ලකුණු 209ක සබඳතාවක් ගොඩ නැගීමට සමත්වූහ.

සංචාරක  සිම්බාබ්වේ කණ්ඩායම හා සත්කාරක ශ්‍රී ලංකා කණ්ඩායම අතර සූරියවැව මහින්ද රාජපක්ෂ ක්‍රීඩාංගණයෙ පැවැත්වෙන සිවුවැනි එක්දින තරගයේ කාසියේ වාසිය දිනා පළමුව පන්දුවට පහරදෙමින් සිටින ශ්‍රී ලංකා ආරම්භක පිතිකරුවෝ සාර්ථක ආරම්භයක් ගෙන සිටිති.

පන්දුවාර 11ක් අවසානයේදී කිසිවෙකු නොදැවී ඔවුහු ලකුණු 68ක් රැස්කරගෙන සිටිති. නිරෝෂන් දික්වැල්ල ලකුණු 43ක් හා ධනුෂ්ක ගුණතිලක ලකුණු 19ක් රැස්කරගෙන නොදැවී කඩුල්ලේ රැදී සිටිති.