විද්‍යා විදුහල පළමු ජයග්‍රහණය වාර්තා කරයි

වේල්ස් කුමර විදුහල පරදා මෙවර සිංගර් අන්තර්පාසල් ලීග් රග්බි තරගාවලියේ සිය පළමු ජයග්‍රහණය වාර්තා කිරිමට ගල්කිස්ස විද්‍යා විදුහල් කණ්ඩායම සමත් විය. ඒ ලකුණු 69-03 ක් ලෙසිණි. පළමු කාණ්ඩයේ ඒ කොටසේ තරගයක් ලෙස කොළඹ සී.ආර්. ඇන්ඩ් එෆ්.සී. පිටියේදී පැවති තරගයේ පළමු අර්ධයේදී ම වේල්ස් කුමර විදුහල් කණ්ඩායම සිය ග්‍රහණයට නතු කරගත් විද්‍යා ක්‍රීඩකයෝ එම අර්ධය නිමා කලේ ලකුණු 29-00 ක් ලෙසින් ඉදිරියෙන් සිටිමිනි.

කෙසේ වෙතත් දෙවැනි අර්ධයේදී තවදුරටත් සිය ග්‍රහණය දැඩි කළ  විද්‍යා ක්‍රීඩකයෝ එම අර්ධය තුළදී තවත් ලකුණු 40 ක් සිය ලකුණු පුවරුවට එක් කර ගත්තේ වේල්ස් කුමර ක්‍රීඩකයින් එක් දඩුවම් පහරකට පමණක් සීමා කරමිනි.

ජයග්‍රාහී විද්‍යා ක්‍රීඩකයෝ ගෝල  දිනුම් 7 ක් , හා උත්සාහක දිනුම් 4 ක් ආධාරයෙන් ලකුණු රැස් කර ගනිද්දී වේල්ස් කුමර ක්‍රීඩකයෝ එක් දඩුවම් පහරක් ආධාරයෙන් ලකුණු රැස් කළහ.

ඡායාරූප- ඕෂිත වරකපිටිය