ලෝක කුසලානයට නායකයා ලෙස යයිද දන්නේ නෑ

- 9 07 2017 - 07:45 - {{hitsCtrl.values.hits}} views - . .

2019 ලෝක කුසලාන තරගාවලියට තමන් නායකයා ලෙස එක් වෙයිද නොදන්නා බවත් පන්දු යැවීමේ අංශයෙන් කණ්ඩායමේ විශාල ගැටලුවක් තිබෙන බවත් නායක ඇන්ජලෝ මැතිව්ස් සූරියවැවදි ඊයේ (08දා) පැවැසිය. ඒ සිම්බාබ්වේට එරෙහි තරගය පරාජය වීමෙන් පසුව පැවැති මාධ්‍ය හමුවේදීය.

“අවසන් තරගයට යද්දී නායකයෙක් ලෙස මට ලොකු පීඩනයක් තිබෙනවා. හොඳට පිතිකරණයේ යෙදිලා තරග ජයග්‍රහණය කරන්න පුළුවන් කම තිබියදීත් පන්දු යවන්නෝ හොඳට පන්දු යැව්වේ නෑ. මේ තරගයේදීත් පළමු තරගයේදීත්.

සිම්බාබ්වේ කණ්ඩායමත් එක්ක අපි මීට වඩා හොඳට ක්‍රීඩා කරන්න ඕන. ලකුණු 300ක් ගහලා පරිදිනවානම් ලොකු අඩුපාඩුවක් තිබෙනවා. 2019 ලෝක කුසලානයට නායකයා ලෙස මම යයිද දන්නේ නෑ. පන්දු යැවීමේ අංශයෙන් ලොකු ගැටලුවක අපි ඉන්නවා. මේකට ඉක්මනින්ම විසඳුමක් හොයාගන්න වෙනවා.”