මුම්බායි ජයමාවතට ගෙන ගිය මහේලට නව තනතුරක්

ශ්‍රී ලංකා කණ්ඩායමේ හිටපු සුපිරි පිතිකරු මහේල ජයවර්ධන බංග්ලාදේශ ප්‍රිමියර් ලීග් ක්‍රිකට් තරගාවලියට ක්‍රීඩා කරන කුල්නා ටයිටන්ස් කණ්ඩායමේ පුහුණුකරු තනතුරට පත් කොට ඇත. එම කණ්ඩායමේ පුහුණුකරු වූ ඔස්ට්‍රේලියානු ජාතික ස්ටුවර්ට් ලෝ බ.ඉ.කොදෙව් කණ්ඩායමේ පුහුණුකරු තනතුරට පත්වීම නිසා මහේලට මෙම තනතුර හිමිවී ඇත.

ඊයේ (26) පිරිනැමුණු මෙම තනතුරට අනුව ඉදිරි වසර දෙකක කාළයක් සඳහා මහේල මෙම තනතුරෙහි කටයුතු කරනු ඇත.

ශ්‍රී ලංකාවෙන් බිහිවූ විශිෂ්ඨ මට්ටමේ දකුණත් පිතිකරුවෙකු වන මහේල පළමුවරට පසුගිය ඉන්දීය ප්‍රිමියර් ලීග් තරගාලියේදී මුම්බායි ඉන්දියන්ස් කණ්ඩායමේ ප්‍රධාන පුහුණුකරු ලෙසින් කටයුතු කරමින් එම කණ්ඩායම තරගාවලියේ ශූරතාව දක්වා ගෙන යාමට කටයුතු කලේය.

එමෙන්ම මහේල කළක් එංගලන්ත ක්‍රිකට් කණ්ඩායමේ පිතිකරණ පුහුණුකරු ලෙසින්ද කටයුතු කලේය.