මැතිව්ස්ට දිල්ලි කණ්ඩායමේ ස්ථානය අහිමිවෙයි

ඉන්දිය ප්‍රිමියර් ලීග තරගාවලිය යටතේ දිල්ලි ඩෙයාඩෙවිල්ස් කණ්ඩායම හා කොල්කටා නයිට් රයිඩර්ස් කණ්ඩායම අතර අද (28දා) පැවැති තරගයේදි දිල්ලි කණ්ඩායමට ක්‍රීඩා කරන ඇන්ජලෝ මැතිව්ස්ගේ ස්ථානය අහිමි වූයේය. කොල්කටා ඊඩ්න් ගාඩ්න්ස් ක්‍රීඩාංගණයේ පැවැති තරගයෙන් කොල්කටා කණ්ඩායමට කඩුලු හතක පහසු ජයක් හිමිවිය.

තරගයේ මුලින්ම පන්දුවට පහරදුන් දිල්ලි කණ්ඩායම පන්දුවාර 20දී කඩුලු 6ට ලකුණු 160ක් රැස්කිරීමට සමත්වූයේය.ආරම්භක පිතිකරු සංජු සැම්සන් (60), ෂෙරෙයාස් අයියර් (47) දෙවැනි කඩුල්ල සඳහා ලකුණු 75ක වේගවත් සබඳතාවක් ගොඩනැංවූහ.

ලකුණු 161ක ජයග්‍රාහී ඉලක්කයක් හඹාගිය කොල්කටා කණ්ඩායම පන්දුවාර 16.2කදි කඩුලු තුනක් පමණයක් වැය කර එය පසුකර ගියේය. නායක ගෞතම් ගාම්භීර් (71), රොබින් උතප්පා (59) අර්ධ ශතක රැස්කරමින් කොල්කටා කණ්ඩායම ජයග්‍රහණය කරා රැගෙන ගියමහ. තරගාවලියේ 32 වැනි තරගය ලෙසින් මෙය පැවැත්විණ.