මාලිංග කැනඩාවට

කැනඩාවේදී පැවැත්වීමට නියමිත ග්ලෝබල් T20 කැනඩා  ක්‍රිකට් තරගාවලිය සඳහා ශ්‍රී  ලංකාවෙන් ලසිත් මාලිංග ඇතුළු ක්‍රීඩකයන් 04ක් ඇතුළත්ව සිටියි.  

ඒ අනුව ලසිත් මාලිංග, තිසර පෙරේරා, දසුන් ශානක සහ ඉසුරු උදාන මෙම තරගාවලිය නියෝජනය කරන ශ්‍රී ලංකා ක්‍රීඩකයන් අතරට  ඇතුළත්ව තිබේ.

මෙම තරගාවලිය සඳහා ජාත්‍යන්තර ක්‍රිකට් පිටියේ  සුපිරි ක්‍රීඩකයන් වන ඕස්ට්‍රේලියානු තරග තහනමකට ලක්ව සිටින  ක්‍රීඩකයන් වන ඩේවිඩ් වෝනර් සහ ස්ටිව් ස්මිත්ද ක්‍රීඩා කිරීමට නියමිත අතර , ක්‍රිස් ග්‍රෙල්, ඩැරන් සමී, ෂහීඩ් අෆ්‍රිඩි යන ක්‍රීඩකයන්ද ඇතුළත්ව සිටියි.

මෙම තරගාවලිය එළඹෙන 28 වැනිදා සිට ජූලි 15 දක්වා කැනඩාවේදී  පැවැත්වෙන අතර මේ සඳහා කණ්ඩායම් 06ක් තරගවැදීමට නියමිතය.