බංග්ලාදේශය ටෙස්ට් තරඟ 100යි

ශ්‍රී ලංකාව සහ සංචාරක බංග්ලාදේශ කණ්ඩායම අතර හෙට (15දා) පී. සරවනමුත්තු ක්‍රීඩාංගණයේදී ඇරඹෙන දෙවන ටෙස්ට් ක්‍රිකට් තරගය බංග්ලාදේශ කණ්ඩායමේ සියවැනි ටෙස්ට් තරගයයි.

මේ හේතුවෙන් ශ්‍රී ලංකා ක්‍රිකට් ආයතනය බංග්ලාදේශ කණ්ඩායමට සුබපැතීම සඳහා විශේෂ උත්සවයක් සංවිධාන කර ඇති අතර, ඒ සඳහා බංග්ලාදේශ ක්‍රිකට් සභාපති නෂ්මුල් හසන් මහතාද එක්වෙයි.

බංග්ලාදේශයේ සුවිශේෂී අවස්ථාවක් ශ්‍රී ලංකාව හා බෙදාගැනීමට ලැබීම ගැන තමන් සතුටු වන බවත්, ඒ තුළින් දෙරට අතර සුහදත්වය වර්ධනය කරගත හැකි බවත් ශ්‍රී ලංකා ක්‍රිකට් සභාපති තිලංග සුමතිපාල මහතා සඳහන් කරයි.

බංග්ලාදේශ කණ්ඩායමට 1998 වර්ෂයේදී ටෙස්ට් ක්‍රිකට් වරම් හිමිවන අතර, ඒ සඳහා පැවැති නිලවරණයේදී ශ්‍රී ලංකාව බංග්ලාදේශයට සිය ඡන්දය ලබාදී තිබේ. බංග්ලාදේශ කණ්ඩායමේ පළමු ටෙස්ට් ක්‍රිකට් තරගය ගාල්ල ක්‍රිකට් ක්‍රීඩාංගණයේදී පවත්වා තිබේ.