බංග්ලාදේශයට පරාජය වීම ගැන සමාවක් දෙන්න බෑ

බංග්ලාදේශ ටෙස්ට් තරගාවලිය පරාජය වීම පිළිබඳව කිසිවෙකුටත් සමාවට කරුණු කිව නොහැකි බවත්, පරාජය පිළිබඳව කනගාටු වෙන බවත් ශ්‍රී ලංකා කණ්ඩායමේ නායක ඇන්ජලෝ මැතිව්ස් සඳහන් කරයි.

හෙතෙම මේ බව පැවසුවේ, ශ්‍රී ලංකාවේ සංචාරය කිරීම ආරම්භ කිරීම වෙනුවෙන් ක්‍රිකට් ආයතනය ඉදිරිපිට පැවැති උත්සවයේදීය.

ශූරයන්ගේ කුසාලනය ජයග්‍රහණය කිරීමට ශ්‍රී ලංකාවට හොඳ අවස්ථාවක් තිබෙන බවද මැතිව්ස් සඳහන් කළේය.

"මේක අත්‍යාවශ්‍ය තරගාවලියක්. ඊට ඉස්සෙල්ලා බංග්ලාදේශ තරගාවලිය ජයග්‍රහණය කරලා ඒ මානසිකත්වය එංගලන්තයට ගෙනියන්න බලාපොරොත්තු වෙනවා. කණ්ඩායම තරුණයි. නමුත් ඒ ගොඩක් අය එංගලන්තයට ගිහින් ක්‍රීඩා කර තිබෙනවා. හැමෝම වෘත්තීය ක්‍රීඩකයන්.

කුසලානය ලංකාවට ගෙන්න පුළුවන් නම් ඒ තමයි කරන්න තියෙන හොඳම දේ. ගිය මාස හයඅට ගත්තොත් යම්කිසි පසුබැසීමකට ලක්වුණා. නමුත් අපි විශ්වාස කරනවා මේ කණ්ඩායමත් සමග ජයග්‍රහණය කරන්න පුළුවන්.

බංග්ලාදේශයට එරෙහි ටෙස්ට් තරගාවලිය දිනන්න බැරිවුණ එක ගැන කනගාටුයි. සමාවක් දෙන්න බෑ. මේක හොඳ අවස්ථාවක් කරගෙන ඉදිරියට යන්න ඕන. බංග්ලදේශයට අපි පැරදුණේ පළමු අවස්ථාවට. නමුත් ක්‍රිකට් ඉවර නෑ."