පාකිස්තාන සංචාරයට කණ්ඩායම හෙට පිටත්වෙයි

පාකිස්තාන කණ්ඩායමේ සත්කාරකත්වය යටතේ මැදපෙරදිග පැවැත්වීමට නියමිත ක්‍රිකට් තරගාවලියට එක්වීම සඳහා ශ්‍රී ලංකා ක්‍රිකට් කණ්ඩායම හෙට (24දා) දිවයිනෙන් පිටත්ව යෑමට නියමිතය. දෙරට අතර තරග දෙකකින් යුත් ටෙස්ට් තරගාවලියෙන් තරගාවලිය අාරම්භ වීමට නියමිතය.

පළමු ටෙස්ට් තරගය 28 දා ආරම්භ වෙයි. දෙවැනි ටෙස්ට් තරගය ඔක්තෝබර ්6 දා ආරම්භවීමට නියමිතය. එම තරගය දිවා රාත්‍රී ටෙස්ට් තරගයක් ලෙසින් පැවැත්වෙන අතර ශ්‍රී ලංකා කණ්ඩායම ක්‍රීඩා කිරිමට නියමිත පළමු දිවා රාත්‍රී ටෙස්ට් තරගයද එය වෙයි.

ටෙස්ට් තරග දෙකට අමතරව එක්දින තරග පහක් හා විස්සයි20 තරග තුනක්ද පැවැත්වීමට නියමිතය. තෙවැනි විස්සයි20 තරගය ලාහෝර් නුවරදී පැවැත්වීමටත් මේ වන වි සැලසුම් සකස්කරමින් පවතී.