ධනුෂ්කගේ තහනම තරග තුනකට අඩුවෙයි

ආරම්භක පිතිකරු ධනුෂ්ක ගුණතිලකට එරෙහිව පනවා තිබූ තරග 6ක තහනම තරග තුනක් දක්වා අඩු කිරීමට ශ්‍රී ලංකා ක්‍රිකට් විධායක කමිටුව තීරණය කර තිබේ. ඒ ධනුෂ්ක වෙනුවෙන් සිංහල ක්‍රීඩා සමාජය යොමුකර අභියාචනාවක් සැලකිල්ලට ගනිමිනි.

ශ්‍රී ලංකා ක්‍රිකට් ආයතන ව්‍යවස්ථාවේ 30 වැනි වගන්තය කඩ කිරීම හෙතුවෙන් ධනුෂ්කට ජාත්‍යන්තර  තරග 6ක තහනමක් හා වාර්ෂික ගිවිසුමෙන් 20%ක දඩයක්ද පැනවීය.

කෙසේ වෙතත් අභියාචනය සැලකිල්ලට ගනිමින් තරග හයක තහනම තරග තුනක් දක්වා අඩුකර ඇති අතර දඩ මුදල අයකර ගැනීම එලෙසින්ම ක්‍රියාත්මක වෙනු ඇත.

කෙසේ වෙතත් තවත් වසරක කාලයක තුළ ධනුෂ්ක ව්‍යවස්ථාව උල්ලංඝණය වුවහොත් අත්හිටවූ තරග තහනම ක්‍රියාත්මක වෙනු ඇති බවද ක්‍රිකට් ආයතනය පවසයි.