දෙවැනි තරගයට වර්ෂාවෙන් බාධා

ශූරයන්ගේ කුසලාන එක්දින තරගාවලිය යටතේ පැවැති දෙවැනි තරගය ඊයේ (02දා) ජය පරාජයෙන් තොරව අවසන්විණ. නවසීලන්ත කණ්ඩායම හා ඔස්ට්‍රේලියා කණ්ඩායම අතර එජ්බැස්ටන්හි පැවැති තරගය මෙසේ වර්ෂාව හේතුවෙන් අත්හැර දැමිණ.

පළමුවෙන්ම පන්දුවට පහරදුන් නවසීලන්ත ඉනිම පන්දුවාර 45 දී සියලු දෙනා දැවී ලකුණු 291ක් රැස්කළේය. නායක කේන් විලියම්සන් ශතකයක් රැස්කළේය.

වර්ෂාව හේතුවෙන් ඔස්ට්‍රේලියාවට තරගයේ ජයග්‍රහණය සඳහා පන්දුවාර 33කදී ලකුණු 235ක ඉලක්කයක් හිමිවිය.

කෙසේ වෙතත් පන්දුවාර 9ක් අවසන්වනවිට තරගයට වර්ෂාවෙන් බාධා ඇතිවීමත් සමගින් තරගය අත්හැර දැමීමට සිදුවිය. ඒ වන විට ඔස්ට්‍රේලියාව කඩලු තුනකට ලකුණු 53ක් රැස්කරගෙන සිටියේය.