තෙවැනි එක්දින තරගයේ ජයත් පාකිස්තානයට

ශ්‍රී ලංකා කාන්තා කණ්ඩායම හා පාකිස්තාන කාන්තා කණ්ඩායම අතර පැවැති තෙවැනි එක්දින තරගයද පහසුවෙන්ම ජය ගැනීමට සංචාරක පාකිස්තාන කණ්ඩායම සමත්විය.

ඒ අනුව දෙරට අතර පැවැති තරග තුනකින් සමන්විත එක්දින තරගාවලිය 3-0ක් ලෙස පාකිස්තානය ජය ගත්තේය. රංගිරි දඹුල්ල ජාත්‍යන්තර ක්‍රිකට් ක්‍රීඩාංගණයේ පැවැති තෙවැනි එක්දින තරගයෙන් පාකිස්තානය ලකුණු 108ක පහසු ජයක් වාර්තා කළේය.

තරගයේ මුලින්ම පන්දුවට පහරදුන් පාකිස්තාන කණ්ඩායම ලකුණු පන්දුවාර 50 අවසානයේදී කඩුලු 9ට ලකුණු 215ක් රැස්කිරීමට සමත්විය. ලකුණු 216ක ඉලක්කයක් හඹා ගිය ශ්‍රී ලංකා කණ්ඩායම ලකුණු 107කට සීමා කිරීමට පාකිස්තනය සමත්විය.