ත්‍රිත්ව තවමත් අපරාජිත ගමනේ

මෙවර සිංගර් අන්තර්පාසල් ලීග් රග්බි තරගාවලියේ සිය අපරාජිකත්වය නැවතත් රැක ගැනිමට මහනුවර ත්‍රිත්ව විදුහල් කණ්ඩායම සමත් විය. ඒ තරගාවලියේ සහිරා විදුහල් කණ්ඩායම සමගින් පැවති තරගයෙන් ලකුණු 34-26 ක ජයක් හිමි කර ගනිමිනි. මෙම තරගය අද (13) මරදාන සහිරා විද්‍යාලයීය ක්‍රීඩාංගණයේදී පැවැත්වුනේ පළමු කාණ්ඩයේ පළමු බී කොටසේ තරගයක් ලෙසිනි.

තරගයේ ආරම්භයේ පටන් කණ්ඩායම් දෙකම දැඩි තරගකාරී ක්‍රීඩා විලාශයකින් තරග වැදුණු අතර ඒ අනුව පළමු අර්ධය නිමා වන විට ලකුනු තත්වය අතින් ඉදිරියෙන් සිටීමට ත්‍රිත්ව විදුහල සමත් විය.

කෙසේ වෙතත් දෙවැනි අර්ධය දැඩි වර්ෂාව මධ්‍යෙය් පැවති අතර ඒ හේතුවෙන් කණ්ඩායම් දෙකටම එතරම් හොඳින් සිය ක්‍රීඩා විලාශය විදහා දැක්විය නොහැකි විය.

ජයග්‍රාහී ත්‍රිත්ව විදුහල ගෝල දිනුම් 3 ක්, හා උත්සාහක දිනුම් 3 ක් ආධාරයෙන් සිය ලකුණු රැස් කළ අතර සහිරා විදුහල ගෝල දිනුම් 4 ක් හා උත්සාහක දිනුම් 3 ක් ආධාරයෙන් සිය ලකුණු රැස් කළහ.

ඡායාරූප- ඕෂිත වරකපිටිය