චතුරිකා ප්‍රියන්තිට සයුරුපුරින් නිවසක්

ජාතික හා ජාත්‍යන්තර මට්ටමේ බර ඉසිලීමේ ජයග්‍රහණ රැසක් ලැබූ චතුරිකා ප්‍රියන්ති ක්‍රීඩිකාව වෙත නව නිවසක් පිරිනැමීම නිවාස හා ඉදිකිරීම් අමාත්‍ය සජිත් ප්‍රේමදාස මහතාගේ ප්‍රධානත්වයෙන් අද (17දා) දින බත්තරමුල්ල, සෙත්සිරිපායේ පිහිටි නිවාස හා ඉදිකිරීම් අමාත්‍යංශ ශ්‍රවණාගාරයේදී සිදු කෙරිණි.

නිවාස හා ඉදිකිරීම් අමාත්‍යංශය යටතේ පවතින නාගරික ජනාවාස සංවර්ධන අධිකාරියට අයත් මොරටුව, අඟුලාන, ‘සයුරුපුර’ නිවාස ව්‍යාපෘතියෙන් මෙම නිවස ලබා දුන් අතර සියලු පහසුකම් සහිත මෙම නිවසෙහි වටිනාකම රුපියල් ලක්ෂ 32 කි.

වත්මන් රජය යටතේ ජාතික හා ජාත්‍යන්තර මට්ටමේ ජයග්‍රහණ ලැබූ ක්‍රීඩක ක්‍රීඩිකාවන් සඳහා නිවාස හා ඉදිකිරීම් අමාත්‍යංශය විසින් ලබා දුන් 20 වන නිවස මෙය වේ.