ක්‍රිකට් වාර්ශික කොන්ත්‍රාත්තුවට ක්‍රීඩකයන් 103ක්
දේශීය ක්‍රිකට් තරගාවලි සඳහා2017 - 2018 ක්‍රිකට් වාරයේ සහභාගි වන පළමු ශ්‍රේණියේ ක්‍රිකට් ක්‍රීඩකයන් සියයකට අධික පිරිසක් කොන්ත්‍රාත් ගිවිසුම්වලට ඇතුළත් කරගැනීමට ශ්‍රී ලංකා ක්‍රිකට් ආයතනය තීරණය කර තිබේ.
මෙම කොන්ත්‍රාත් ගිවිසුම් සඳහා ශ්‍රී ලංකා ක්‍රිකට් ආයතනය ආයෝජනයකරන මුදල රුපියල් ලක්ෂ 850ක් බව ක්‍රිකට් ආයතනය නිවේදනය කරයි.
කොන්ත්‍රාත් ගිවිසුම් සඳහා ක්‍රීඩකයන් තෝරාගෙන ඇත්තේ 2016 සහ 2017 ක්‍රිකට් වාරයටසහභාගිවූක්‍රීඩකයන් අතුරිනි.
2016-2017 ක්‍රිකට් වාරයේ ඉහළම දස්කම් දැක්වූ පළමු ශ්‍රේණියේ ක්‍රීඩකයන් විස්සක්, දේශීය තරගාවලි සඳහා සහභාගි වී උසස් දස්කම් පෙන්වීමට දිරිගැන්වීමක් ලෙස නැගී එන ක්‍රීඩකයන් විසිතුනක්, අවුරුදු 19න් පහළ ක්‍රීඩකයන් විසි නවයක්, හිටපු ජාතික ක්‍රීඩකයන් දාහතරක් සහ වත්මන් ජාතික කණ්ඩායමේ කොන්ත්‍රාත්තුවලට අයත් නොවන, එහෙත් මෑතකදී ශ්‍රී ලංකාව නියෝජනය කළ ක්‍රීඩකයන් දාහතක් වෙනුවෙන් කොන්ත්‍රාත් පිරිනැමෙයි.
ක්‍රීඩකයන් 103කට මෙම ප්‍රතිපාදන ලැබෙන බවත් ඔවුන්ගේ ක්‍රීඩා සමාජවලින් පිරිනැමෙන දීමනාවලට අමතරව මෙම ගෙවීම් කරන බවත් ක්‍රිකට් ආයතනය නිවේදනය කරයි.
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
