ඉසිපතන අපරාජිකත්වය තවදුරටත් රඳවා ගනියි

සිංගර් අන්තර්පාසල් ලීග් රග්බි තරගාවවලියේ සිය අපරාජිකත්වය තවදුරටත් ඉදිරියට රැගෙන යාමට කොළඹ ඉසිපතන විදුහල සමත් විය. ඒ පළමු කාණ්ඩයේ ඒ කොටසේ ශාන්ත අන්තෝනි විදුහල සමගින් පැවති තරගයෙන්  ලකුණු 43-35 ක ජයක් හිමි කර ගනිමිනි. ඉතා තියුණු තරගයක් ලෙසින් පැවති මෙය  කොළඹ හැව්ලොක්ස් පිටියේදී පැවැත්විණි. තරගයේ පළමු අර්ධය අවසානයේදී ඉසිපතන විදුහල ලකුනු 24-13 ක් ලෙසින් ඉදිරියෙන් පසුවිය.

ජයග්‍රාහී ඉසිපතන විදුහල ගෝල දිනුම් 4 ක්, උත්සාහක දිනුම් 3 ක් ආධාරයෙන් ලකුනු රැස්කරද්දී ශා. අන්තෝනි විදුහල ගෝල දිනුමක්, උත්සාහක දිනුම් 5 ක් හා එක් දඩුවම් පහරක් ආධාරයෙන් සිය ලකුණු රැස් කල හ.

ඡායාරූප - ඕෂිත වරකපිටිය