ඉෂාන් බණ්ඩාර බොක්සිං අවසන් පූර්ව තරගයකට

ඔස්ට්‍රේලියාවේ ගෝල්ඩ් කෝස්ට් හි පැවැත්වෙන පොදු රාජ්‍ය මණ්ඩලීය ක්‍රීඩා තරගාවලියේදී බොක්සිං ක්‍රීඩාවෙන් ශ්‍රී ලංකාවට තවත් පදක්කමක් හිමිවීමට නියමිතය. ඒ පිරිමි කිලෝ ග්‍රෑම් 52 බර පංතියෙන් තරග කළ ඉෂාන් බණ්ඩාර අවසන් පූර්ව තරගයට සුදුසුකම් ලැබීම හේතුවෙනි.

අවසන් පූර්ව තරගයේදී ඔහු ජයගත හොත් රන් හෝ රිදී පදක්කම හිමිකර ගැනීමට හැකිවන අතර පරාජයට පත්වුවහොත් ලෝකඩ පදක්කම  හිමිවෙයි.

ඉෂාන් බණ්ඩාර අර්ධ අවසන් පූර්ව තරගයේදී ලෙසෝතෙහි තාබෝ මොලේෆී පරාජයට පත්කරමින් අවසන් පූර්ව තරගයට සුදුසුකම් ලබාගත්තේය. අවසන් පූර්ව තරගය අනිද්දා (13දා) ඉන්දියාවේ ගෞරව් සෝලාංකි හා පැවැත්වීමට නියමතය.

කිලෝ ග්‍රෑම් 52 බර පංතියෙන් ඉෂාන් තරග කළ අතර ඔහු අවසන් පූර්ව තරගය පරාජයට පත්වුවත් ලෝකඩ පදක්කම හිමි අතර ජයග්‍රහණය කළහොත් රන් හෝ රිදී පදක්කමට යෑමට අවස්ථාව පවතී.