ඉන්දීය විස්සයි20 තරගාවලියටත් මාලිංග නෑ
- 15 12 2017
- 20:35
- {{hitsCtrl.values.hits}} views
- රුවන් කාශ්‍යප
සංචාරක ශ්‍රී ලංකා කණ්ඩායම හා සත්කාරක ඉන්දීය කණ්ඩායම අතර පැවැත්වීමට නියමිත තරග තුනකින් සමන්විත විස්සයි20 තරගාවලියෙන් ලසිත් මාලිංග විවේක ගැන්වීමට කටයුතු කළ බව ශ්‍රී ලංකා ක්‍රිකට් ආයතනය නිවේදනය කරයි.
එම තරගාවලිය සඳහා එක්වන ශ්‍රී ලංකා සංචිතය අද (15දා) නිවේදනය කළ අතර කණ්ඩායමේ නායකත්වයට තිසර පෙරේරා නම්කර තිබේ.
ආබධයකින් අනතුරුව නැවතත් එක්දින තරගාවලියට එක්වූ අසේල ගුණරත්න හා කුසල් ජනිත් පෙරේරා සංචිතයට නම් කර තිබේ. කෙසේ වෙතත් මෑත කාලිනව විස්සයි20 පිටියේ තරමක දක්ෂතාවක් පෙන්නූ ඩිල්ෂාන් මුණවීර සංචිතයට ඇතුළත්ව නොමැත.
එසේම ඉන්දීය තරගාවලියේ මේ දක්වා කැපී පෙනෙන පන්දු යවන්නෙකු බවට පත්වූ සුරංග ලක්මාල්ද සංචිතයෙන් ඉවත්කර තිබේ.
විස්සයි20 සංචිතය - තිසර පෙරේරා (නායක), ඇන්ජලෝ මැතිව්ස්, උපුල් තරගංග, අසේල ගුණරත්න, කුසල් ජනිත් පෙරේරා, ධනුෂ්ක ගුණතිලක, සදීර සමරවික්‍රම, නිරෝෂන් දික්වැල්ල, දසුන් ශානක, චතුරංග ද සිල්වා, සචිත් පතිරණ, විශ්ව ප්‍රනාන්දු, ණුවන් ප්‍රදීප්, දුෂ්මන්ත චමීර, අකිල ධනංජය
popular news
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.
