ඉන්දියාවට පරාද වුණත් මානසික මට්ටම හොඳයි - තිරී

ඉන්දියාව හා පැවැති ක්‍රිකට් තරගාවලිය ශ්‍රී ලංකා කණ්ඩායම පරාජයට පත්වුවත් ශ්‍රී ලංකා ක්‍රිකට් කණ්ඩායමේ මානසික මට්ටම පහතට නොගිය බවත්, කණ්ඩායම හොඳ මානසික මට්ටමක සිටින බවත් පාකිස්තානය වෙනුවෙන් නම් කළ ශ්‍රී ලංකා ටෙස්ට් සංචිතයේ උපනායත්වයට පත්වූ ළහිරු තිරිමාන්න සඳහන් කරයි.

ශ්‍රී ලංකා ක්‍රිකට් ආයතනයේ ෆේස්බුක් පිටුවට එක්කළ වීඩියෝවකින් ඔහු ඉහත අදහස් දැක්වූ අතර පසුගිය දින කිහිපයේදී ශ්‍රී ලංකා කණ්ඩායම හොඳින් පුහුණු වූ බවත් ඒවායේ ප්‍රතිඵල ඉදිරියට බලාගත හැකි බවත් ඔහු සඳහන් කරයි.

එසේම පාකිස්තාන තරගාවලිය වෙනුවෙන් නම් කළ ටෙස්ට් සංචිතය නවක මෙන්ම ජ්‍යෙෂ්ඨ ක්‍රීඩකයන්ගෙන් සමන්විත හොඳ කණ්ඩායමක් බවත් කණ්ඩායම ශක්තිමත්ව ක්‍රීඩා කර පාකිස්තානයට හොඳ තරගයක් දී ජයග්‍රහණය කරා යෑමට බලාපොරොත්තුවන බවත් ඔහු සඳහන් කරයි.