අන්තර්පාසල් සත් සාමාජික ශූරතාව නැවතත් ශා. තෝමසුවන්ට

ප්‍රභල ඉසිපතන විදුහල පරදමින් අන්තර්පාසල් සමස්ථ ලංකා (20 න් පහළ) සත් සාමජික රග්බි ශූරතාව හිිමි කර ගැනීමට  ගල්කිස්ස ශා. තෝමස් විදුහල සමත් විය. ඒ තරගාවලියේ ඊයේ (02) පැවති අවසන් මහා තරගයේදී ලකුණු 19-14 ක ජයක්  හිමි කර ගනිමිනි. ශා.තෝමස් මෙම සත් සාමාජික ශූරතාව හිමි කර ගත්තේ අඛණ්ඩව දෙවැනි වරට වීම විශේෂත්වයකි. කොළඹ තුරඟ තරග පිටියේදී පැවති තරගාවලියේ පලඟ ශුරතාව හිමි කර ගැණීමට ගල්කිස්ස විද්‍යා විදුහල ලකුණු 24-10 ක් ලෙස පරාජය කළ බම්බලපිටිය ශා. පීතර විදුහල සමත් වූ අතර බඳුන ශූරතාව හිමි කර ගත්තේ බොරැල්ල වෙස්ලි විදුහල ලකුණු 26-16 ක් ලෙස පැරදූ මරදාන ශා. ජෝශප් විදුහලයි.

මීට අමතරව මොරටුව විදුහල ලකුණු 19-14 ක් ලෙස පැරදූ පිළියන්දල  ම.ම.වි. තරගාවලියේ පලිහ  ශූරයින් ලෙස කිරුළු පැලඳූහ.

ඉසිපතන හා ශා. තෝමස් අතර පැවති කුසලාන අවසන් තරගයේ අවස්ථාවන්

ඉසිපතන විදුහල අනුශූරතාව  හිමිකරගනිමින්

ජයග්‍රාහී ශා.තෝමස් විදුහල

ඡායාරූප- ශමීර රාජපක්ෂ