සංගාගේ නායකත්වයෙන් යුත් MCC හා එසෙක්ස් තරගය ගාලු පිටියේදී

මාර්ලිබොන් ක්‍රිකට් සමාජය (MCC) හා එසෙක්ස් කණ්ඩායම අතර පැවැත්වෙන ශූරතා කවුන්ටි තරගය ශ්‍රී ලංකාවේදී පැවැත්වීමට තීරණය කර තිබේ.

සාම්ප්‍රදායිකව පැවැත්වෙන මෙම තරගය ශ්‍රී ලංකාවේ ගාලු ක්‍රීඩාංගණයේදී ලබන වසරේ මාර්තු මස 24 දා සිට 27 දා දක්වා පැවැත්වීමට නියමිතව තිබේ.

සාම්ප්‍රදායිකව පැවැත්වෙන මෙම තරගය එම්.සී.සී. කණ්ඩායම හා එංගලන්තයේ සිවුදින කවුන්ටි තරගාවලියේ ශූරතාව දිනාගත් කණ්ඩායම අතර පැවැත්වෙයි.

මෙම තරගයේදී එම්.සී.සී. කණ්ඩායමේ නායකයා ලෙස එම ක්‍රීඩා සමාජයේ සභාවති වන හිටපු ශ්‍රී ලංකා ක්‍රිකට් නායක කුමාර් සංගක්කාර කටයුතු කිරීමට නියමිතව තිබේ.

මෙම තරගාවලිය 2010 දක්වා ලෝඩ්ස් ක්‍රීඩාංගණයේදී පැවැතියත් පසුව එය විදෙස් රටවලද පැවැත්වීමට කටයුතු කළේය.