මාවනැල්ල බුදු පිළිමවලට හානි කළ සැකකරුවෙක් අත්අඩංගුවට

මාවනැල්ලේ ප‍්‍රසිද්ධ ස්ථාන වල බුදු පිළිමවලට හානි කළ එක් සැකකරුවෙක් කඩුගන්නාව මාවනැල්ල සිමාවේ ඇති  දිදුරුවත්ත මං සංධියක බුදු පිළිමයකට හානි කිරීමට සූදානම් වන විට ප‍්‍රදේශවාසි තරුණයන්ගේ ග්‍රහණයට ගෙන තිබේ.

එම සැකකරු මාවනැල්ල පොලීසියට භාර දි ඇති අතර එහි සිටි තවත් අයෙක් පැන ගොස් තිබේ.

මෙම සිද්ධිය මුල් කරගනිමින් ජනතාව අතර නොසන්සුන් වතාවරණයක් ඇති විමේ ඉඩකඩක් ඇති බව පවසා විශේෂ කාර්ය බළකා සෙබළුන් හා පොලීසිය මගින් ප‍්‍රදේශයේ ආරක්ෂාව තහවුරු කර තිබේ.

සිද්ධිය සම්බන්ධයෙන් බෞද්ධ ආගමික නායකයින් එක්ව මාවනැල්ල බෙලිගම්මන පොත්ගුල් විහාරස්ථානයේදී සාකච්ඡාවක්ද පැවැත්වීය.

මාවනැල්ල හෙම්මාතගම විජය බණ්ඩාර