තොරතුරක් ඇත්නම් දැනුම් දෙන්න

ලෙබනනයේහා ජෝර්දානයේ රැකියා සඳහා පිටත්ව ගොස් සිටින කාන්තාවන් දෙදෙනෙකු පිළිබඳ කිසිදු තොරතුරක්නොමැති අතර, ඔවුන් පිළිබඳ තොරතුරක් ලබාගැනීම සඳහා ශ්‍රී ලංකා විදේශ සේවා නියුක්ති කාර්යාංශය මහජන සහාය පතයි.

මෙසේ තොරතුරු අවශ්‍යව ඇත්තේ මොරටුව, කටුබැද්ද, 1 වැනි පටුමග, අංක 757/7 ලිපිනයෙහි පදිංචිව සිටි සෙල්ලපෙරුමගේ සුමිත්‍රා නිල්මිණි ප්‍රනාන්දු නමැති අය හා ඕපනායක, පහළ ඉලුක්කුඹුර ලිපිනයෙහි පදිංචිව සිටි පෙරුමාල් කාලිඅම්මා නැමැති අය සම්බන්ධ තොරතුරුය.

සුමිත්‍රා නිල්මිණි ප්‍රනාන්දු නම් කාන්තාව 2013 වසරේ ජූලි මස 09 වැනිදා ලෙබනනය බලා පිටත්ව ගොස් තිබේ. මේ වනවිට ඇය සම්බන්ධයෙන් කිසිදු තොරතුරුක් නොමැත.

පෙරුමාල් කාලිඅම්මා නම් කාන්තාව 2007 වසරේ නොවැම්බර් මස 17 වැනිදා ජෝර්දානය බලා පිටත්ව ගොස් ඇති අතර, මේ වනවිට ඇය සම්බන්ධයෙන්ද කිසිදු තොරතුරක් නොමැත.

මෙම කාන්තාවන් පිළිබද තොරතුරු දන්නා අයෙකු වේ නම් විදේශ සේවා නියුක්ති කාර්යාංශයේ විදේශ සම්බන්ධතා අංශයේ 0112864100 යන දුරකථන අංකයට දැනුම් දෙන ලෙස එම කාර්යාංශය ඉල්ලා සිටියි.