පාර්ලිමේන්තුවේදී සංශෝධන සහිතව සම්මත කර ඉකුත් ජුනි 18 දිනෙන් සටහන් කර තිබූ පනතක් වූ 2024 අංක 33 දරණ රාජ්‍ය ණය කළමනාකරණ පනත අද (25) සිට බලාත්මක කර තිබේ.

පසුගිය රජයේ අමාත්‍යවරයෙකු නීතිවිරෝධි අයුරින් අත්සන් කරන ලද E-8 වීසා ගිවිසුම නිසා වසර 20ට අධික කාලයක් පුරා විශාල ශ්‍රි ලාංකික තරුණ පිරිසකට හිමිවූ E-9 වීසා කාණ්ඩයේ රැකියා අහිමිවීමේ අවධානමක් ඇති වී තිබෙන බවත්, නීතිවිරෝධි වීසා බලපත්‍ර නීත්‍යානුකූල කිරීමට කිසිඳු හැකියාවක් නොමැති බවත් ශ්‍රි ලංකා විදේශ සේවා නියුක්ති කාර්යාංශයේ සභාපති කෝශල වික්‍රමසිංහ මහතා සඳහන් කරයි.

අයි.පී.එල් 2025 ක්‍රීඩක වෙන්දේසිය සඳහා ශ්‍රී ලංකාවේ පන්දු යන ක්‍රීඩක විජයකාන්ත් වියස්කාන්ත් අද (25දා) ඉදිරිපත් කෙරිණි.

වනාතවිල්ලුව රාල්මඩුව ප්‍රදේශයේ ඉඩමක නිදන් සොයා කැණීම් කල සැකකරුවන් පස් දෙනෙකු වනාතවිල්ලුව පොලිසිය විසින් අද (25දා) අළුයම අත්අඩංගුවට ගත් බව කියයි.

උඩරට දුම්රිය මාර්ගයේ හාලිඇල සහ උඩුවර දුම්රිය ස්ථාන අතර දුම්රිය මාර්ගයට අද (25) දහවල් ගල්පර්වත පස්කදු කඩා වැටීමෙන් බදුල්ල කොළඹ කොටුව දුම්රිය ධාවනයට බාධා සිදුව ඇතැයි නාවලපිටිය දුම්රිය පාලක මැදිරිය පවසයි .

ඕස්ට්‍රේලියානු කණ්ඩායමට එරෙහිව පැවති පළමු ටෙස්ට් ක්‍රිකට් තරගයෙන් ලකුණු 295ක ජයක් අත් කරගැනීමට සංචාරක ඉන්දීය කණ්ඩායම අද(25දා) සමත් විය.

අමාත්‍යාංශ දෙකක් සඳහා ජනාධිපති අනුර කුමාර දිසානායක මහතා විසින් නව ලේකම්වරුන් දෙදෙනෙකු පත් කර තිබේ.

රුපියල් මිලියන එක්ලක්ෂ විසිපන් දහසක් වටිනා භාණ්ඩාගාර බිල්පත් වෙන්දේසියක් නොවැම්බර් 27 දා පවත්වන බව ශ්‍රී ලංකා මහ බැංකුව නිවේදනය කරයි.

හිටපු පොලිස්පති අර්නස්ට් පෙරේරා මහතාගේ මිණිබිරියගේ බොරැල්ල ඇල්විටිගල මාවතේ මැණින් ටවුන් මහල්නිවාස සංකීර්ණයේ නිවස බිඳ රුපියල් ලක්ෂ 31 කට ආසන්න රන් ආභරණ ඇතුළු දේපළ සොරාගත් පුද්ගලයෙකු අත්අඩංගුවට ගත් බව බොරැල්ල පොලිසිය කියයි.

පවතින මහා වැසි හමුවේ කතරගම මැණික් ගගේ ජලය බෙර පැහැ ගැන්වී ඇති බැවින් මැණික් ගඟට බැසිමෙන් වලකින ලෙස රුහුණු මහා කතරගම දේවාලයේ බස්නායක නිළමේ ඩිෂාන් ගුණසේකර මහතා බැතිමතුන් ගෙන් හා කතරගම ජනතාව ගෙන් ඉල්ලා සිටියි.

සේවක අර්ථ සාධක අරමුදල විසින් එම අරමුදලට රුපියල් මිලියන 12,755.09 ක මුදලක් අය කර ගැනීම සඳහා 2023 වර්ෂයේ ජනවාරි 01 වන දා සිට දෙසැම්බර් 31 දක්වා වර්ෂයක කාල සීමාව තුල බාහිර පෞද්ගලික ආයතනවලට එරෙහිව නඩු 14,096 ක් පවරා ඇති බව ජාතික විගණන කාර්යාලය මගින් 11-22 දින නිකුත් කරන ලද නවතම විගණන වාර්තාවකින් අනාවරණය වේ.

මෙවර පාර්ලිමේන්තුවට ජාතික ජනබලවේගයෙන් තේරී පත්වූ මන්ත්‍රීවරුන් 159දෙනාගේ වැටුප් ජාතික ජනබලවේගයේ පොදු අරමුදලට බැර කිරීමට සියලුම මන්ත්‍රීවරුන්, අමාත්‍යවරුන් හා නියෝජ්‍ය අමාත්‍යවරුන් එකඟතාව පළ කර තිබේ.

ශ්‍රී ලංකාවේ දෙවන විශාලතම වනෝද්‍යානය වන මාදුරුඔය ජාතික වනෝද්‍යානයේ තිබී, ශ්‍රී ලංකාවේ මෙතෙක් හමුනොවුණු බිම්මල් විශේෂ වර්ග දෙකක් සොයාගත් බව මාදුරුඔය ජාතික වනෝද්‍යානයේ හෙනානිගල පිවිසුම් කාර්යාලයේ වන සත්ත්ව අඩවි ආරක්ෂක කුමාරසිරි විජේකෝන් මහතා සඳහන් කරයි.

වටවල ප්‍රදේශයේදී අද (25දා) ලංගම බස්රථයක් සහ පෞද්ගලික බස් රථයක් එකිනෙක ගැටීමෙන් අනතුරක් සිදුව තිබේ.

මෙරටට සීනි ආනයනය කිරීම සඳහා 2023 වර්ෂයේ ජනවාරි 01 වනදා සිට දෙසැම්බර් 31 දක්වා කාලසීමාව තුළ රුපියල් මිලියන එක් ලක්ෂ හතළිස් දෙදහස් තුන්සිය එකක මුදලක් වැයකොට ඇති බැව් ශ්‍රී ලංකා මහ බැංකුව විසින් නිකුත් කර ඇති කාර්ය සාධක වාර්තාවක් මගින් නොවැම්බර් මස 22වන දින අනාවරණය කරයි.

පස්සර පොලිස් වසමේ පේරාපදණිය - චෙංකලඩි මාර්ගය (බදුල්ල - බිබිල) මාර්ගයේ කිලෝමිටර් 143 හා 144 කණු අතර ප්‍ර දේශයේ මාර්ගයට පස් කඳු කඩා වැටීම හේතුවෙන් එම මාර්ගයේ රථවාහන ගමනය නවතා දමා තිබුණි.

විදුලිබල මණ්ඩලය මේ වන විට ලාභ ලබන ආයතනයක් නිසා සේවකයන්ට ප්‍රසාද දීමනාවක් ලබා දෙන ලෙස විදුලිබල මණ්ඩල සභාපතිවරයාගෙන් ලිඛිතව ඉල්ලා සිටි බව ලංකා විදුලි සේවක සංගමය සඳහන් කරයි.

2025 ඉන්දීය ප්‍රිමියර් ලීග තරගාවලියට අදාළ ක්‍රීඩක වෙන්දේසියේදි ශ්‍රී ලංකා ක්‍රීඩකයන් දෙපළක් වන මහීෂ් තීක්ෂණ හා වනිඳු හසරංග රාජස්ථාන් රෝයල්ස් කණ්ඩායම විසින් මිලට ගත්තේය.

ඉදිරියේදී ඇති විය හැකි අයහපත් කාලගුණ තත්ත්වය නිසා ජල මූලාශ්‍ර 12 ක ගංවතුර තත්ත්වයක් ඇති විය හැකි හෙයින් ඒ පිළිබඳව අවධානය යොමු කර කටයුතු කරන ලෙස වාරිමාර්ග දෙපාර්තමේන්තුව ඉල්ලා සිටියි.

ශ්‍රී ලංකා නාවික හමුදාව සහ මාලදිවයින් වෙරළ ආරක්‍ෂක බළකාය අතර සාර්ථක බුද්ධි තොරතුරු වුවමාරු කර ගැනීමක ප්‍රථිපලයක් ලෙස, අයිස් මත්ද්‍රව්‍ය (Crystal Methamphetamine) ක්‍රිලෝ ග්‍රෑම් 344 ක පමණ තොගයක් සහ කොකේන් මත්ද්‍රව්‍ය ක්‍රිලෝ ග්‍රෑම් 124 ක පමණ තොගයක් රැගත් මෙරට බහුදින ධීවර යාත්‍රාවක් සමඟ සැකකරුවන් පස් දෙනෙකු (05) 2024 නොවැම්බර් මස 23 වන දින, මාලදිවයින් වෙරළ ආරක්‍ෂක බළකාය මඟින් අත්අඩංගුවට ගැනීමට සමත්වී ඇත.

සමගි ජන බලවේගයේ ජාතික ලැයිස්තු මන්ත්‍රී ධුර පත් කිරීම සම්බන්ධයෙන් කිසිදු අර්බුදයක් නොමැති බවත්, එය නිසි කලට, නිසි ක්‍රමවේදයක් අනුව සිදු කරන බවත් සමගි ජන බලවේගයේ නායක, විපක්ෂනායක සජිත් ප්‍රේමදාස මහතා පැවසීය.

පාර්ලිමේන්තු මන්ත්‍රීවරුන්ට ලැබෙන වරප්‍රසාද වරදාන ඉදිරියේදී නොලැබී යන විට මාලිමාවෙන් හැර වෙනත් පක්ෂයකින් ඉදිරි මැතිවරණ සඳහා ඉදිරිපත් නොවනු ඇති බවත් මේ රජයේ පාලන කාලය හමාර වන විට එවැනි තත්ත්වයක් උද්ගත වනු ඇති බව කෘෂිකර්ම වාරිමාර්ග හා පශු සම්පත් අමාත්‍ය කේ.ඩී. ලාල් කාන්ත මහතා පවසයි.

ජාත්‍යන්තර පොලිසියේ අස්ථාන ගත වූ ලේඛනයෙහි සදහන් ගමන් බලපත්‍රයක් උපයෝගී කර ගෙන ශ්‍රී ලංකාව හරහා කැනඩාවට පළා යාමට තැත් කළ ඉන්දීය ජාතික තරුණියක ඇතුළු තවත් දෙදෙනෙකු 11/23 දින පස්වරුවේ කටුනායක ගුවන් තොටුපොළ ආගමන විගමන දෙපාර්තමේන්තු නිලධාරීන් පිරිසක් විසින් අත් අඩංගුවට ගෙන ආපසු පිටුවහල් කිරීම පියවර ගෙන තිබේ.

ජාතික ජන බල වේගයේ ජයග්‍රහණයට උතුරේ ජනතාව දායක වී තිබෙන්නේ විශාල බලාපොරොත්තු සමුදායක් සමඟ බවත්මීට පෙර කිසිදු පක්ෂයකට එම ජනතාවගේ විශ්වාසය දිනා ගැනීමට නොහැකි වූ බවත්මල්වතු පාර්ශවයේ මහනායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහා නා හිමියෝ පවසයි.

ඉන්දීය ප්‍රිමියර් ලීග ක්‍රීඩක වෙන්දේසියේදී මේ දක්වා ක්‍රීඩකයෙක් අලෙවි වූ ඉහළම වටිනාකම බවට රිෂාබ් පාන්ට් බවට පත්විය. ඒ ඔහුව ඉන්දීය රුපියල් කෝටි 27ක මිලකට ලක්නව් සුපර් ජයන්ට් කණ්ඩායම මිලදී ගැනීමත් සමගිනි.

ඉන්දීය ප්‍රිමියර් ලීග ක්‍රිකට් තරගාවලියට අදාළව මේ දක්වා පැවැත්වූ ක්‍රීඩක වෙන්දේසිවලදී වැඩිම මිලකට අලෙවි වූ ක්‍රීඩකයා බවට ඉන්දීය ක්‍රීඩකය ෂෙර්යාස් අයියර් වාර්තා අතරට එක්විය.

මිගමුව කලපුවේ ගමන් කරමින් තිබු කුඩා ධීවර යාත්‍රාවක් 24 දින දහවල් පෙරළි යාමෙන් එහි ගමන් කල පියා සහ දියණීයක් අතුරුදහන්ව ඇති බවත් මෙම යාත්‍රාවේ ගමන් කල ඉතිරි කතෝලික පියතුමේකු ඇතුළු පසු දෙනෙකු බේරා ගෙන ඇති බව මීගමුව මූලස්ථාන පොලිසිය පවසයි.

මේ අතර යාපනය දිස්ත්‍රීක්කයේ පිහිටි මාර්ග කිහිපය පැවති ගංවතුර තත්වයන් හේතුවෙන් කිඹුල්ලු මාර්ගවල පැමිණ ගෙවතුවල සිටියදී වනජීවි නිලධාරීන් සහ අසල්වසීන් විසින් ඔවුන් අල්ලා මුද හැරීමට කටයුතු කොට ඇති අතර ජනතාවට පරික්ෂාකාරීව සිටින ලෙසට දැනුම් දී ඇත.

2024 අ.පො.ස උසස් පෙළ විභාගය හෙට (25දා) ආරම්භ වේ.