ජාතික පොලිස් කොමිෂන් සභාවේ අනුමැතිය අනුව ජ්‍යෙෂ්ඨ පොලිස් අධිකාරිවරුන් 11 දෙනෙකුට වහාම ක්‍රියාත්මක වන පරිදි ස්ථාන මාරුවිම් ලබාදිමට පොලිස් මූලස්ථානය කටයුතු කර තිබේ.

ඡන්ද විමසීම 2023.03.09 දින කැඳවනු ලැබ එදින පැවැත්වීමට නොහැකිවූ සහ කල්තබා ඇති ඇතැම් පළාත් පාලන ආයතන සම්බන්ධයෙන් අලුතින් නාම යෝජනා කැඳවා අලුතින් ඡන්ද විමසීම පැවැත්වීමට විධිවිධාන සැළැස්වීමට අදාළ 2024 පළාත් පාලන ආයතන ඡන්ද විමසීම (විශේෂ විධිවිධාන )පනත සඳහාවූ පනත් කෙටුම්පත රාජ්‍ය පරිපාලන ,පළාත් සභා සහ පළාත් පාලන අමාත්‍යාංශය මගින් ගැසට් නිවේදනයක් මගින් ප්‍රකාශයට පත්කර ඇත.

පොලීසිය මගින් ආරම්භ කර ඇති බස්රථ පරීක්ෂාවේ ක්‍රමවේදයට විරෝධය පා දීප ව්‍යාප්ත පෞද්ගලික බස් වර්ජනයක් සිදුකරන බව ඊයේ දිනයේදී වාර්ථා විය.

දේශීය තිරිඟු පිටි සමාගම් දෙකෙහි තිරිඟු පිටි මිල සහ මාගරින් සඳහා පනවා ඇති බදු රජය මැදිහත් වී අඩු කරන්නේ නම් පාන් ගෙඩියක් රුපියල් 10කින් සහ සෙසු බේකරි නිෂ්පාදන රුපියල් 10ත් 05ත් අතර මිලකින් අඩු කරන බව සමස්ත ලංකා බේකරි හිමියන්ගේ සංගමයේ සභාපති එන්.කේ. ජයවර්ධන මහතා පවසයි.

මහනුවර දිස්ත්‍රික් හිටපු පාර්ලිමේන්තු මන්ත්‍රීවරයකු සහ රාජ්‍ය අමාත්‍යවරයෙකු වූ ලකී ජයවර්ධන මහතා අභාවප්‍රාප්ත වී තිබේ. ඒ මහතා අඟහරුවාදා (07) රාත්‍රී ඔහුගේ නිවසේ ඇද වැටීමකට ලක්ව ප්‍රතිකාර සඳහා මහනුවර ජාතික රෝහලට ඇතුළත් කිරීමෙන් පසු අභාවප්‍රාප්ත වී තිබේ.

සංචාරක ශ්‍රි ලංකා කණ්ඩායම හා සත්කාරක නවසීලන්ත කණ්ඩායම අතර පැවැත්විමට නියමිත දෙවැනි එක්දින තරගයේ කාසියේ වාසිය දිනාගත් ශ්‍රි ලංකා කණ්ඩායම මුලින්ම පන්දු යැවිමට තිරණය කළේය. තරගයට වර්ෂාවෙන් බාධා ඇතිවිම හේතුවෙන් තරගය පන්දුවාර 37කට සිමා කර තිබේ.

ජනපති අනුර කුමාර දිසානායක මහතාගේ චීන සංචාරය ලබන 14දා ආරම්භ කිරීමට නියමිතව තිබේ. සිව් දින නිල සංචාරයක් වන මෙම සංචාරයට අමාත්‍යවරුන් වන බිමල් රත්නායක හා විජිත හේරත් යන මහත්වරුන්ද එක්වීමට නියමිතය.

මෝටර් රථ ආනයනය, බදු ප්‍රතිසංස්කරණ සහ ඩිජිටල්කරණය පිළිබඳ ජනාධිපතිවරයා සහ මුදල් අමාත්‍යංශ නිලධාරීන් අතර සාකච්ඡා වත්මන් අභියෝග මධ්‍යයේ වුවද ජනතාවට ලබා දෙන ප්‍රතිලාභ ඉහළ නැංවීමට ජනපතිගේ අවධානය

රට පුරා පාසල් පද්ධතිය තුළ ඉංග්‍රීසි ,විද්‍යාව ගණිතය ,ඇතුළු ප්‍රධාන විෂයන් සඳහා ගුරුවරු 30,000කට ආසන්න සංඛ්‍යාවක පුරප්පාඩු පවතින බව අධ්‍යාපන අමාත්‍යාංශය සඳහන් කරයි. අධ්‍යාපන අමාත්‍යාංශය සඳහන් කරන්නේ මෙම පුරප්පාඩු සඳහා පියවරෙන් පියවර ගුරුවරු බඳවා ගැනීමට ඉදිරියේදී කටයුතු කරන බවයි.

2024 යල කන්නයේදී වී අලෙවි මණ්ඩලය විසින් මිලදී ගෙන අම්පාර ,පරගහකැලේ ගබඩාවේ එක්රැස් කර තිබූ කීරි සම්බා වර්ගයේ වී කිලෝග්‍රෑම් 119,699 ක තොගයක් ටෙන්ඩර් පදනමින් වී මෝල් හිමියන්ට විකිණීමට වී අලෙවි මණ්ඩලය සැරසෙයි.

ගම්පහ දිස්ත්‍රික්කයේ දරුවන් අතර මානසික අවපීඩනය (Depression) මත සියදිවි නසා ගැනීමේ වැඩි වීමක් පවතින බවත්, මේ සම්බන්ධයෙන් විශේෂ අවධානයක් යොමු කිරීම විය යුතු බවත් දිස්ත්‍රික් සම්බන්ධීකරණ කමිටුවේදී ප්‍රකාශ විය.

ජාත්‍යන්තරය හමුවේ ශ්‍රී ලංකාවේ ප්‍රතිරූපය ඔසවා තැබීම තානාපතිවරු සතු වගකීමක් ද්විපාර්ශ්වික සබඳතා ශක්තිමත් කිරීම සහ විදේශගත සේවක සුබසාධනය වෙත විශේෂ අවධානය යොමු කරන්න - නව රාජ්‍ය තාන්ත්‍රිකයින් පත් කරමින් ජනපති පවසයි

විදේශ සත්වෝද්‍යාන හා සිදුකල සත්ව හුවමාරු වැඩ සටහන් යටතේ දෙහිවල ජාතික සත්වෝද්‍යානය වෙත ඉන්දුනීසියාවේ ජාතික සත්වෝද්‍යානයෙන් පරිත්‍යාගයක් ලෙස ලැබුන අකී සහ යූපෝ නැමැති ඔරංඔටන් යුවලට දාව 2009 වසර දෙහිවල ජාතික සත්වෝද්‍යානය තුලදී උපත ලද ’’ සකීපෝ ’’ නම් අවුරුදු 15 ක් වයස මේ වනවිට ලංකාවේ සිටි එකම ඔරංඔටන් සත්වයා ඉකුත් (06) වනදින අසනීප තත්වයෙන් සිට පශු වෛද්‍ය ප්‍රතිකාර ලබමින් සිට සුවය ලබා හදිසියේ මියගොස් ඇතැයි සත්වෝද්‍යානය ඉහල නිලධාරියකු පැවසීය.

සහල් ආනයනය කිරීමේ වැඩසටහන යටතේ ඊයේ දිනය වන විට ශ්‍රී ලංකාවට සහල් මෙට්‍රික් ටොන් 106000ක් ආනයනය කර ඇති බව කැබිනට් ප්‍රකාශක අමාත්‍ය නලින්ද ජයතිස්ස මහතා පැවැසීය.

නීතිවිරෝධිව කොරියාවේ රැඳි සිටින්නන් ගෙන්වීමට වහා කටයුතු කරනවා.

ලංකාවේ කුකුළු මස් චීනයට අපනයනය කිරීමට අදාළ ක්‍රියාපටිපාටිය සම්බන්ධයෙන් වූ ගිවිසුම අත්සන් කිරිමට කැබිනට් අනුමැතිය ලැබී තිබේ.

පාකිස්තානු නාවික හමුදා විද්‍යාපීඨයේ පුහුණුව සාර්ථකව සම්පූර්ණ කළ, මධ්‍ය නිලධාරී ටීඑම්අයිවී තෙන්නකෝන්, 2025 ජනවාරි මස 04 වැනි දින පැවති විසිර යාමේ පෙළපාලියේදී, විශිෂ්ඨතම මධ්‍ය නිලධාරියාට හිමි සම්මානනීය අසිපත හිමි කර ගැනීමට සමත් විය.

නුවරඑළය රෝහලේදී අක්ෂි සැත්කම් වලට භාජනය වීමෙන් අනතුරුව අන්ධභාවයට පත්වූ රෝගීන්ට රුපියල් ලක්ෂ 2.5 සිට රුපියල් ලක්ෂ 10ක් දක්වා වන්දි ප්‍රදානය කිරීමට කැබිනට් අනුමැතිය ලැබී තිබේ.

ශ්‍රී ලංකාවේ ’’Clean Sri Lanka’’ වැඩසටහන සඳහා සහාය ලබා දෙන බවට JICA පොරොන්දු වෙයි

මොනරාගල දිස්ත්‍රික් මහ රෝහලට විශාල අඩුපාඩුවක්ව පවතින හෘද රෝග ඒකකයක් ඉඳිකිරීමට ඓතිහාසික රුහුණු කතරගම මහා දේවාලයේ බස්නායක නිලමේ තැන්පත් ඩිෂාන් වික්‍රමරත්න ගුණසේකර මහතා තීරණයකර ඇත.

ක්ලීන් ශ්‍රී ලංකා වැඩසටහන යටතේ පොලිසිය සිදු කරන බස් රථ පරීක්ෂාවකදී එහි රියැදුරු විසින් සිදුකළ වැරදි තුනක් සම්බන්ධයෙන් පොලිසිය ලබාදුන් දඩ කොළයකට විරෝධය පළ කරමින් මගීන් මහමග බස්සවා මාර්ග බලපත්‍ර කොන්දේසි උල්ලංඝනය කරමින් හරවා ගිය බස් රථයේ මාර්ග බලපත්‍රය වහාම ක්‍රියාත්මක වන පරිදි තාවකාලිකව අවලංගු කිරීමට පියවර ගත් බව බස්නාහිර පළාත් මාර්ගස්ථ මගී ප්‍රවාහන අධිකාරියේ සභාපති විශ්‍රාමික කොමදෝරු ගාමිණී ජාසිංහ මහතා පවසයි.

රාජ්‍ය ආයතන වෙතින් ඉවතලන කඩදාසි වාලච්චේන කඩදාසි කම්හල වෙත ලබාදීමට අදාළ යෝජනාවට කැබිනට් අනුමැතිය ලැබී තිබේ.

කටුනායක ගුවන් තොටුපොළ අවට ප්‍රදේශයේ 01/07 දින අලුයම පැවති ඝන , දැඩි මීදුම් තත්වය නිසා , එහි ගොඩ බැස්සවීමට පැමිණි ගුවන් යානා 04 ක ගුවන් නියමුවන්ට , කටුනායක ගුවන් තොටුපොළ ධාවන පථය නිසියාකාරව නොපෙනීම නිසා , මත්තල සහ ඉඉන්දියාවේ ත්‍රිවේන්ද්‍රම් ගුවන් තොටුපොළ වෙත යොමු කිරීමට පියවර ගත් බව ගුවන් තොටුපොළ කාර්යය භාර නිලධාරීවරයා පැවසීය.

යාපනය දිස්ත්‍රීක්කයෙ පැතිරී ගිය මී උණ රෝගය වව්නියාව සහ කිලිනොච්චිය දිස්ත්‍රීක්යන්හීද හිස ඔසවා ඇති අතර කිලිනොච්චිය දිස්ත්‍රීක්කයේ රෝගීන් දෙදෙනෙකු ගෙවුණ සතිය තුළදී මිය ගොස් ඇතැයි කිලනොච්චිය ප්‍රාදේශීය සෞඛ්‍ය සේවා අධ්‍යක්ෂක වෛද්‍ය එන්. විනෝදන් මහතා පැවසීය.

චීනයේ අද(07දා) අලුයහ හටගත් රික්ටර් මාපක 7.1ක භූ කම්පනයක් හේතුවෙන් පුද්ගලයන් 53 දෙනෙකු ජීවිතක්ෂයට පත්ව තිබේ.

මෙරට තේ කර්මාන්තයේ ඵලදායිතාවය ඉහළ නැංවීමේ අරමුණින් මේ වසරේදී එම කර්මාන්තයේ යෙදෙන වගා කරුවන්,කම්හල් හිමියන්,නිෂ්පාදකයින් සහ අපනයන කරුවන් සඳහා මූල්‍ය සහනාධාර ලබාදීමේ ව්‍යාපෘති රැසක් ක්‍රියාත්මක කරන බව ශ්‍රී ලංකා තේ මණ්ඩලය පවසයි.

අද දින අළුයම් කාලයේදි ගල්කිස්ස පොලිස් වසමේදි නිවසක සිටි පුද්ගලයන් දෙදෙනෙකුට යතුරු පැදියකින් පැමිණි තුවක්කරුවන් දෙදෙනෙක්ද සිදුකළ වෙඩි තැබිමකින් පුද්ගලයෙක් ජිවිතක්ෂයට පත්ව ඇතැයි පොලීසිය කියයි.

ප්‍රශ්න පත්‍ර කලින් පිටවීමේ සිද්ධියක් සම්බන්ධයෙන් උතුරු මැද පළාතේ පාසල්වල 2024 වර්ෂයට අදාළව මේ දිනවල පැවැත්වෙන අවසන් වාර විභාගයේ, 11 ශ්‍රේණියේ විභාග කටයුතු තාවකාලිකව නතර කල බව උතුරු මැද පළාත් අධ්‍යාපන දෙපාර්තමේන්තුව පවසයි.

පාර්ලිමේන්තු මන්ත්‍රීවරු පිරිසක් සාවද්‍ය තොරතුරු ඉදිරිපත් කර ජනාධිපති අරමුදලින් මුදල් ලබාගෙන වංචා කිරීම පිළිබඳව කරන විමර්ශනයට අදාළව සහාය අවශ්‍ය වුවහොත් ඉල්ලන ලෙස කොටුව මහේස්ත්‍රාත් නිලුපුලී ලංකාතිලක මහත්මිය රහස් පොලිසියට ඊයේ (06) දැනුම් දුන්නාය.