රාජ්‍ය සේවයේ බඳවා ගැනීම් ක්‍රියාවලිය සමාලෝචනය කරමින් අවශ්‍යතා, ප්‍රමුඛතා හා කාලරාමු හඳුනාගෙන ඒ් ආශ්‍රිතව අත්‍යාවශ්‍යයෙන්ම් සිදුකළ යුතු බඳවාගැනීම් 5,882ක් සිදුකිරීම සඳහා අග්‍රාමාත්‍ය ආචාර්ය හරී අමරසූරිය ඉදිරිපත් කළ යෝජනාවට කැබිනට් මණ්ඩලයේ අනුමැතිය හිමි වී තිබේ.

අභියාචනාධිකරණයට නව විනිසුරන් තිදෙනෙක් පත් කරනු ලැබ ඇති අතර, ඔවුහු ජනාධිපති අනුර කුමාර දිසානායක මහතා ඉදිරියේ ජනාධිපති ලේකම් කාර්යාලයේදී අද (11) දිවුරුම් දුන්‍හ.

ශ්‍රේණිගත වෛද්‍යවරුන්ගේ 2025 වසරට අදාළ වාර්ෂික ස්ථාන මාරුවීම් සඳහා මේ වනවිට අයදුම්පත් කැඳවා ඇති අතර, එම අයදුම්පත් බාරගැනීමේ අවසාන දිනය දීර්ඝ කර ඇති බව සෞඛ්‍ය හා ජනමාධ්‍ය අමාත්‍යාංශය නිවේදනය කර ඇත.

අධිවේගී මාර්ගයේ සිදුවන හදිසි අනතුරුවලදී ජීවිත ගලවා ගැනීම් සහ ගිනි නිවිම් සේවා කටයුතු සඳහා පෙරේදා (10) රාත්‍රියේ සිට නැවතත් පොලිස් විශේෂ කාර්ය බළකා නිලධාරීන් අනුයුක්ත කළ බව මාර්ග සංවර්ධන අධිකාරියේ අධ්‍යක්ෂක ජනරාල් එෆ්. එම්. පි. සූරිය බණ්ඩාර මහතා පැවසීය.

මෙම සතිය තුළ බටලන්ද කොමිෂන් සභා වාර්තාව පාර්ලිමේන්තුවට ඉදිරිපත් කිරීමට කැබිනට් මණ්ඩලය තීන්දු කළ බව කැබිනට් ප්‍රකාශක අමාත්‍ය නලිනද ජයතිස්ස මහතා පැවසීය.

එකම මාර්ගයක පොලිස් බල ප්‍රදේශ තුනක පැය හයකදී සිදුවූ රිය අනතුරු තුනකින් පුද්ගලයන් හය දෙනෙකු මියගොස් හතර දෙනකු තුවාල ලබා රෝහල්ගත කොට තිබේ.

ඊශ්‍රායල් රජය හා ශ්‍රි ලංකා රජය අතර ඇතිකර ගත් අවබෝධතා ගිවිසුම අනුව ශ්‍රි ලාංකිකයින් 6160 දෙනෙකු සඳහා ඊශ්‍රායලයේ ඉදිකිරීම් ක්ෂේත්‍රයේ රැකියා අවස්ථා හිමිවී තිබේ. එසේම 2025 වසරේ ජනවාරි සිට මේ දක්වා ගතවූ කාලය තුළ ශ්‍රි ලාංකික තරුණයින් 1082 දෙනෙකු ඊශ්‍රායලයේ ඉදිකිරීම් රැකියා සඳහා පිටත්ව ගොස් තිබේ.

නාඋල පොලිස් වසමේ නාඋල බකමූණ මාර්ගයේ මොරගහකන්ද ප්‍රදේශයේදී නාඋල දෙස සිට බකමූණ දෙසට ධාවනය වූ කුඩා ලොරි රථයක් ඉදිරියෙන් ගමන් කල තවත් ලොරි රථයක පිටුපස ගැටීමෙන් අද (11) අළුයම් කාලයේ අනතුරක් සිදුව ඇත. අනතුරින් කුඩා ලොරි රථයේ රියදුරු හා එහි ගමන් ගත් කුඩා දරුවෙකු, පිරිමි පුද්ගලයින් 02 ක් හා කාන්තාවක් බරපතල තුවාල ලබා බකමූණ රෝහලට ඇතුලත් කිරීමෙන් පසු පිරිමි පුද්ගලයෙකු හා කාන්තාව මියගොස් ඇත.

බකමූණ පොලිස් වසමේ නාඋල ඇළහැර මාර්ගයේ අලිකන්ද ප්‍රදේශයේදී නාඋල දෙස සිට ඇළහැර දෙසට ධාවනය වූ කාර් රථයක් රියදුරුට පාලනය කර ගැනීමට නොහැකිව මාර්ගයෙන් ඉවතට පැන මාර්ග සංඥා කණුවක ද ගැටී මාර්ගය අසලින් ගලා බසින යෝධ ඇළට පෙරළී ඊයේ (10දා) අනතුරක් සිදුව ඇත.

කොළඹ කොටස් හුවමාරුවේ ලැයිස්තුගත සමාගම්හි අධ්‍යක්ෂවරියන්ගේ සංඛ්‍යාව 2024 වර්ෂයේදී පැවති සියයට 8.7ක අගයේ සිට 2025 වර්ෂයේදී සියයට 13.4ක් දක්වා සැලකිය යුතු ලෙස ඉහළ ගොස් ඇති බවත්, ශ්‍රී ලංකාව පුරා කළමනාකරණ සහ අධ්‍යක්ෂ මණ්ඩල තනතුරුවල කාන්තා නියෝජනය ඉහළ නැංවීම සඳහා වන කැපවීම ඒ හරහා පිළිබිඹු වන බවත් ලෝක බැංකු සමූහයේ සාමාජිකයෙකු වන ජාත්‍යන්තර මූල්‍ය සංස්ථාව (IFC) පවසයි.

වසර 178 ක් වූ ශ්‍රී ලංකා පොලිස් දෙපාර්තමේන්තු ඉතිහාසයේ රන් අකුරින් ලියැවෙන තවත් එක් සන්ධිස්ථානයක් සටහන් කරමින් පොලිස් ස්ථානාධිපති තනතුරු දෙකක් එකම කැදැල්ලක් යටට ලැබීමේ අපූරු පුවතක් වාර්තා වෙයි.

උතුරු, උතුරු-මැද, නැගෙනහිර හා ඌව පළාත්වලත් මාතලේ, නුවරඑළිය හා හම්බන්හතාට දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

එළැඹෙන පාසල් නිවාඩුවට හා මේ වන විට ක්‍රියාත්මක ශ්‍රී පාද වන්දනාවාරය වෙනුවෙන් විශේෂ දුම්රිය කිහිපයක් ධාවනයට එක් කිරීමට දුම්රිය දෙපාර්තමේන්තුව කටයුතු කර තිබේ.

ආකර්ෂණීය පොලී මුදලක් ලබා දෙන බවට මුහුණු පොත ඔස්සේ දැන්වීම් පළ කරමින් දිවයිනේ විවිධ ප්‍රදේශවල පුද්ගලයන් රවටමින් රු.ලක්ෂ 450කට ආසන්න මුදලක් වංචා ලෙස ලබා ගත් කාන්තාවක් ඊයේ (09දා) අත්අඩංගුවට ගෙන අද (10දා)අධිකරණයට ඉදිරිපත් කිරිමෙන් අනතුරුව මේ මස 18 වැනි දින දක්වා රක්ෂිත බන්ධනාගාරගත කිරීමට හැටන් මහේස්ත්‍රාත් එම්.ෆරුක්ඩීන් මහතා නියෝග කළේය.

අනිවාර්ය නිවාඩු යවා සිටින පොලිස්පති දේශබන්ධු තෙන්නකෝන් මහතා සොයා අපරාධ පරීක්ෂණ දෙපාර්තමේන්තුවේ නිලධාරීන් පිරිසක් ඊයේ (09දා) මධ්‍යම රාත්‍රී කතරගම මහ දේවාලයේ බස්නායක නිලමේ ඩිෂාන් ගුණසේකර මහතාගේ මාලිම්බඩ පිහිටි මහ ගෙදර සෝදිසියට ලක් කර ඇත.

මීට වසර දහ අටකට පෙර නොච්චියාගම ළිඳවැව දේවාලය අසල වංගු සහිත මාර්ගයේ නොසැලකිලිමත්ව හා අපරීක්ෂාකාරී ලෙස කැබ් රථයක් පදවා එම මාර්ගය්ම නිවැරදි දිශාවේ ගමන් කරමින් සිටි තිදරු මවකගේ හප්පා ඇයට බරපතළ තුවාල සිදු කොට අබාධිත තත්වයට පත් කළ බවට අධිකරණය හමුවේ වරදකරුවෙකු වූ රියදුරෙකුට එම තිදරු මවට මුදලින් රුපියල් ලක්ෂ විසි අටක වන්දියක් සහ නඩු ගාස්තු ගෙවන ලෙස අනුරාධපුර දිසා විනිසුරු සම්පත් හේවාවසම් මහතා නියෝග කළේය.

කොළඹ නුවර ප්‍රධාන මාර්ගයේ වරකාපොළ අඹේපුස්ස 59 කණුව අසල ඊයේ (09දා) රාත්‍රී පෞද්ගලික බස් රථයක් හා ත්‍රීරෝද රථයක් මුහුණට මුහුණ ගැටීමෙන් සිදුවූ අනතුරකින් ත්‍රීරෝද රථයේ ගමන් ගත් පුද්ගලයන් දෙදෙනෙකු මිය ගොස් තවත් දෙදෙනෙකු බරපතල තුවාල ලබා රෝහල් ගත කළ බව වරකාපොළ පොලිසිය පවසයි.

වත්මන් ආණ්ඩුව බලයට පත් වී මාස පහමාරක් වන විට ආණ්ඩුව ලබා ගත් ණය ප්‍රමාණය රුපියල් බිලියන 5,156 ක් වන බවත් මෙම මුදල් වලින් කල කාර්ය භාරය කුමක්දැයි රටට හෙළි කිරීම ආණ්ඩුවේ වගකීම බවත් පිවිතුර හෙළ උරුමය නායක නීතිඥ උදය ගම්මන්පිල මහතා පවසයි.

2023 පළාත් පාලන මැතිවරණයට පස්සර හා ලුණුගල ප්‍රාදේශිය සභා සඳහා ඉදිරිපත්වීමට බදුල්ල සහකාර මැතිවරණ කාර්යාලයේ තැම්පත් කළ ඇප මුදල් එවකට සමගි ජන බලවේගයේ පස්සර ආසනය නියෝජනය කළ සංවිධායක හිටපු රාජ්‍ය ඇමති වඩිවේල් සුරේෂ් මහතා පසුගියදා අපේක්ෂකයින්ට නොදන්වා රුපියල් 70500ක මුදලක් ලබාගෙන අතුරුදන්ව ඇතිබවට අපේක්ෂකයෝ චෝදනා කරති.

හිටපු ජනාධිපති රනිල් වික්‍රමසිංහ මහතා ඇතුළු පිරිසකට එරෙහිව ගොනු කර තිබූ පෙත්සමක් විභාග කරන ත්‍රිපුද්ගල ශ්‍රේෂ්ඨාධිකරණ විනිසුරුව මඩුල්ලෙන් විනිසුරුවරියක් ඉල්ලා අස්වී තිබේ.

නව අධ්‍යාපන ප්‍රතිසංස්කරණ 2026 වසරේ දී දියත් කිරීමට කටයුතු කරන බව අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍ය, අග්‍රාමාත්‍ය හරිනි අමරසූරිය පැවසීය.

අම්බලන්ගොඩ මාදම්පේ දේවගොඩ මහ පාර අයිනේ දමා ගිය මාස දෙකක් පමණ වයැසැති සිගිත්තෙක් අද(10) උදේ සොයාගත් බව අම්බලන්ගොඩ පොලීසිය කියයි.

බදුල්ලේ සිට කොළඔ කොටුව දක්වා ධාවනය වූ 1008 මගී ප්‍රවාහන දුම්රියේ එන්ජිම පීලි පැනීම හේතුවෙන් ඇනහිට තිබු උඩරට දුම්රිය මාර්ගයේ ගමනා ගමන කටයුතු (10) දින උදෑසන 8.30 සිට යලි යථාතත්වයට පත්කල බව නාවලපිටිය දුම්රිය පාලක මැදිරිය පැවසීය.

රුපියල් දහ හත් කෝටි පනස් ලක්ෂයක් වටිනා ’’ හෂීෂ් ’’ මත්ද්‍රව්‍ය තොගයක් සිය ගමන් මල්ලේ සහවා ගෙන පැමිණි විදේශීය තරුණියක් 03/09 දින රාත්‍රී කටුනායක ගුවන් තොටුපොළ රේගු නිලධාරීන් පිරිසක් විසින් අත් අඩංගුවට ගෙන තිබේ .

ගම් වැදී සිටි වන අලින් තබ්බෝව අභය භූමිය දක්වා පළවා හැරීමේ මෙහෙයුමක් ලබන 15 වැනිදා සිට අප්‍රියල් මස 10 වෙනිදා දක්වා ක්‍රියාත්මක කිරීමට තීරණය කර ඇති බව පුත්තලම දිසා ලේකම් සුනන්ද හේරත් මහතා සදහන් පැවසීය.

ශ‍්‍රී ලංකා ඛනිජ තෙල් නීතිගත සංස්ථාවේ ශුද්ධ ලාභය 2024 වර්ෂයේ ජනවාරි මස 01 වැනි දා සිට ඔක්තෝබර් මස 30 දක්වා කාලසීමාවෙහිදී රුපියල් බිලියන 25.1 දක්වා 76% කින් අඩු වී ඇති බව පාර්ලිමේන්තුව වෙත ඉදිරිපත් කරනු ලැබූ අයවැය ආර්ථික හා මූල්‍ය තත්වය පිළිබඳ වාර්තාවෙන් අනාවරණය වේ.

කොළඹ අලුත් කඩේ අංක 5 අධිකරණයේ විත්ති කූඩුව තුළදී ඝාතනයට ලක් වූ පාතාල කල්ලි නායක ගනේමුල්ල සංජීව ඝාතනයේ ප්‍රධාන සැකකාරිය ලෙස හඳුනාගෙන සිටින ඉෂාරා සෙව්වන්දි’ ඉන්දියාවට පලා නොගිය බවට විශ්වාස කරන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිවේදී බුද්ධික මනතුංග මහතා පැවසීය.

නීතිඥ වෙස් ගෙන අධිකරණය වෙත ඇතුළු වී පාතාල කල්ලි නායක ගනේ මුල්ල සංජීව නමැත්තා ඝාතනය කිරිමේ සිද්ධියට අදාළව ඇසින් දුටු තවත් එක් ප්‍රබල සාක්ෂියක් වන එම අවස්ථාවේ අධිකරණයේ මූලාසනයේ සිටි ප්‍රධාන මහේස්ත්‍රාත්වරියගෙන්ද ප්‍රකාශ ලබා ගත් බව ජ්‍යෙෂ්ඨ පොලිස් නිලධාරියකු පැවසීය.

මාදම්පේ ගලහිටියාව ප්‍රදේශයෙ 9 රාත්‍රියේ බස් රථයක් සහ ත්‍රිරෝද රථයක් ගැටිමේන් සිදුවු අනතුරීන් තිදෙනෙකු මරණයට පත්ව ඇතිබව මාදම්පේ පොලිසිය කියයි.