තමාගේ අධ්‍යාපන සුදුසුකම් සම්බන්ධයෙන් සමාජය තුළ මතුවූ ගැටලු කාරි තත්ත්වය මත තමන් කථානායක ධුරයෙන් ඉල්ලා අස්වීමට තිරණය කළ බව මන්ත්‍රි අශෝක රංවල මහතා නිවේදනයක් නිකුත් කරමින් පවසයි.

කොළඹ කොටස් වෙළඳපොලේ සමස්ත මිල දර්ශකය ඉතිහාසයේ ඉහළම අගය අද වාර්තා කළේය. ඒ අනුව අද දිනයේදි සමස්ත මිල දර්ශකය ඒකක 169.5කින් (සියයට 1.21කින්) ඉහළ ගොස් ඒකක 14 205ක් දක්වා ඉහළ ගියේය.

2024 වර්ෂයේ ගතවූ කාලය තුළ රැකියා සඳහා විදේශ ගතවූ ශ්‍රි ලාංකිකයින් ප්‍රමාණය ලක්ෂ 3 ඉක්මවා ඇති අතර, අද දින (2024.12.13) වන විට එම ප්‍රමාණය 300,162 ක් වේ.

’’කුමන තරාතිරමක කෙනෙක් වුවත් වරදක් කර ඇත්නම් ඊට අදාළ ක්‍රියා මාර්ග ගන්නවා’’ - ජනාධිපති අනුර කුමාර දිසානායක මහතා අවධාරණය කරයි... ’’ජනතාව අප කෙරෙහි තැබූ විශ්වාසය කුමන ආකාරයකින් හෝ පලුදු වීමට අප ඉඩ තබන්නේ නැහැ’’

බුද්ධ ශාසන, ආගමික හා සංස්කෘතික කටයුතු අමාත්‍යාංශය සහ සංස්කෘතික කටයුතු දෙපාර්තමේන්තුව මඟින් සංවිධානය කරනු ලබන කලාභුෂණ රාජ්‍ය සම්මාන ප්‍රධාන උළෙල පසුගියදා (12) වැනි දින පෙ.ව.10.00ට අමාත්‍ය ආචාර්ය හිනිදුම සුනිල් සෙනෙවිගේ ප්‍රධානත්වයෙන් අරලියගහ මන්දිරයේදී පැවැත්විනි.

ශ්‍රීපාද වන්දනා සමය තුළ මෙයට පෙර ගැසට් නිවේදන හයකින් පනවා තිබු රෙගුලාසි අනුව ශ්‍රී පාද මළුව , ගමන් මග ඇතුළු පරිශ්‍රයෙහි තාවකාලික නවාතැන් සැකසීම සහ පවත්වාගෙන යෑම , ගොඩනැගිලි ඉදිකිරීම , හිඟමන් ඉල්ලීම හා දීම, පොලිතින් බැහැර කිරීම, සංචාරක වෙළඳම, මත්පැන් දුම්වැටි ඇතුළු මත්ද්‍රව්‍ය වෙළඳාම,තබාගැනීම හා භාවිතය තහනම් බව ඇතුළු රෙගුලාසි මෙවරද බල පැවැත්වෙන බව මෙම ගැසට් නිවේදනයෙන් මහජනතාවට දැනුම් දී තිබේ.

යාපනය දිස්ත්‍රීක්කයේ පැතිරෙමින් යන උණ වෛරසය පිළිබඳව සොයා බැලීස සඳහා කොළඹ වසංගත රෝග විද්‍යා අංශයේ නිලධාරීන් පිරිසක් විසින් යාපනය සහ පේදුරුතුඩුව ප්‍රදේශයන් වෙතට ගොස් නිරීක්ෂණයක නිරත වෙමින් සෞඛ්‍ය බලධාරීන් හමු වී විශේෂ සාකච්ඡාවක නිරත වීය.

දිවයින පුරා ජාතික පාසල් 46 ක 2025 මාර්තු 31 දිනට පවතින විදුහල්පති තනතුරු පුරප්පාඩු පිරවීම සඳහා සුදුසු නිලධාරීන් තෝරා ගැනීමට අධ්‍යාපන අමාත්‍යාංශය අයදුම් පත් කැඳවයි.

ශ්‍රී ලංකා නාවික හමුදාව සහ ඉන්දීය නාවික හමුදාව අතර පැවැත්වෙන SLINEX - 2024, ද්විපාර්ශ්වික ඉන්දු - ලංකා නාවික අභ්‍යාසය 2024 දෙසැම්බර් මස 17 වැනි දින සිට 20 වැනි දින දක්වා ඉන්දියාවේ විසාකපට්නම් හිදී පැවැතිවීමට නියමිතව ඇති අතර, එම නාවික අභ්‍යාසයට සහභාගී වීම සඳහා ශ්‍රී ලංකා නාවික නෞකා සයුර නෞකාව 2024 දෙසැම්බර් මස 12 වන දින, හම්බන්තොට ජාත්‍යන්තර වරායෙන් දිවයිනෙන් පිටත් විය.

ජාතික ජන බලවේග රජයේ කථානායක ඇතුළු සියලු මැති ඇමතිවරුන් මන්ත්‍රීවරුන්ගේ මහාචාර්ය තනතුරු, ආචාර්ය උපාධි, ඉංජිනේරු,වෛද්‍ය ආදී තනතුරු නාම ඇතුළු සියලු අධ්‍යාපන සුදුසුකම් පරීක්ෂා කිරීම සඳහා තේරීම් කාරක සභාවක් පත් කරන ලෙස පාර්ලිමේන්තුවට යෝජනාවක් ඉදිරිපත් කිරීමට එක්සත් ජාතික පක්ෂය සහ නව ප්‍රජාතන්ත්‍රවාදී පෙරමුණ තීරණයකට එළඹ ඇත.

රටේ මූල්‍ය පද්ධතියේ ශක්තිමත් කිරීම හා කාර්යක්ෂම කිරීමට අවශ්‍ය පියවර ගන්නා ලෙස ජනපතිගෙන් උපදෙස්

අභියාචනාධිකරණයේ සභාපති විනිසුරු නිස්සංක බන්ධුල කරුණාරත්න මහතා ශ්‍රේෂ්ඨාධිකරන විනිසුරුවරයෙකු වශයෙන් පත්කිරීම ප්‍රතික්ෂේප කරමින් ව්‍යවස්ථාදායක සභාව දුන් නිර්දේශය අභියෝගයට ලක් කරමින් නීතිඥවරයෙකු ගොනුකොට තිබූ මූලික අයිතිවාසිකම් පෙත්සම විභාගයට ගැනීම ප්‍රතික්ෂේප කල ශ්‍රේෂ්ඨාධිකරණය නඩු ගාස්තු වශයෙන් රුපියල් ලක්ෂ 20 මුදලක් රජයට සහ ව්‍යවස්ථාදායක සභාවට ගෙවීමට පෙත්සම්කාර නීතිඥවරයාට ඊයේ දොළහ නියෝග කළේය.

2024-2025 ශ්‍රි පාද වන්දනා වාරය ආරම්භ වන උදුවප් පොහො දින (14) ශ්‍රි පාද උඩ මළුව මල් වලින් සැරසිම සදහා විවිධ මල්පෙති ලක්ෂ තිහක් මෙවර උපයෝගි කරගන්නා බව නුගේගොඩ කස්ටම් ගෘප් ඔෆ් කොම්පැනි ආයතනයේ හිමිකරුවන් වන නිශාන්ත ද සිල්වා සහ නිලන්ත ද සිල්වා යන සහෝදරයින් දෙදෙනා පවසයි.

තන්තිරිමලේ, කුඩා මල්මඩුව ප්‍රදේශයේ පොල් ඉඩමකට ඇතුළු වී ඇති වන අලි රංචුවක්, එම ඉඩමේ තිබූ පොල් ගස් හාරසීයක් පමණ සම්පූර්ණයෙන් විනාශ කර දමා ඇති බව වාර්තාවේ.

ආණ්ඩුව විසින් ප්‍රකාශයට පත් කර තිබෙන නව සහල් මිලට සාපේක්ෂව වී කිලෝවක් සඳහාද කඩිනමින් නව මිලක් ප්‍රකාශයට පත් කළ යුතු බව ජාතික ගොවිජන එකමුතුව සඳහන් කරයි.

දකුණු පළාතේ ඇතැම් අස්වැසුම ප්‍රතිලාභීන්ට ඔවුන්ගේ ආධාර මුදල් ලැබෙන බැංකු ගීණුම් හිමි ශාඛාවේම රුපියල් මිලියන තුන හතරේ ස්ථාවර තැන්පතු ගිණුම් තිබෙන බව දකුණු පළාත් ඉඩම් කොමසාරිස් සේනක පල්ලියගුරුගේ මහතා ඊයේ (11) මාතර දිස්ත්‍රික් සංවර්ධන කමිටු රැස්වීමේ දී පැවසීය.

LANKA T10 ලීග් ක්‍රිකට් තරගාවලියේ මේ වන විට පැවැත්වෙන පළමු තරගය ,එනම් තරගාවලියේ සිව්වන වර්ෂාවෙන් බාධා එල්ල වී තිබේ.

මාධ්‍ය හමුවකදී දැක්වූ අදහස් වලින් ජාතීන් අතර සංහිඳියාවට බාධා කළ බවට චෝදනා කරමින් ත්‍රස්තවාදය වැළැක්වීමේ පනත යටතේ බස්නාහිර පළාත් හිටපු ආණ්ඩුකාර අසාත් සාලි මහතා අත්අඩංගුවට ගැනීමෙන් ඔහුගේ මූලික මිනිස් අයිතිවාසිකම් උල්ලංඝනය කර ඇතැයි තීන්දු කළ ශ්‍රේෂ්ඨාධිකරණය ඔහුට රුපියල් 75,000/-ක වන්දියක් ගෙවීමට රජයට නියම කළේය.

සමගි ජන බලවේගයේ නම් කිරීමට නියමිතව තිබූ ජාතික ලැයිස්තු මන්ත්‍රී ධුර සඳහා සිව් දෙනෙකු නම් කරමින් මැතිවරණ කොමිෂන් සභාවය ලිපියක් ​යොමු කර තිබේ.

ගෝනගංආර පොලිස් වසමට අයත් බුත්තල කතරගම මාර්ගයේ 36 සහ 37 කණුව අසලදී කතරගම වන්දනාවේ යමින් සිටි ලොරි රථයක් වන අලියෙකු විසින් පෙරළීමෙන් එහි සිටි කාන්තාවක් ලොරිරථයට යටවී මියගොස් ඇතැයි ගෝනගංආර පොලීසිය පවසයි.

මේ වසරේ දෙසැම්බර් මාසයේ පළමු වැනිදා සිට 8 වැනිදා දක්වා සංචාරකයන් 47175ක් පැමිණ තිබේ.

LANKA T10 ලීග් ක්‍රිකට් තරගාවලියේ තවත් තරග 03ක් අද (12දා) පැවැත්වීමට නියමිතව ඇත.

සමගි ජන බලවේගයේ ජාතික ලැයිස්තුව සම්බන්ධයෙන් වාරණ නියෝගයක් අද(12දා) නිකුත් කර ති​​බේ.

පෞද්ගලික ආනයනකරුවන් විසින් ආනයනය කරන ලද සහල් තොග අද සිට වෙළඳපොළට නිකුත් කිරිමට නියමිතව තිබේ. පෞද්ගලික ආනයනකරුවන් ඉන්දියාවෙන් ඇනවුම් කළ සම්බා හා සුදු කැකුළු සහල් තොගයක් ඊයේ වරායට පැමිණ ඇති අතර ඊයේ රාත්‍රීයේම ඉන් ටොන් 75ක් රේගුවන් නිදහස් කර තිබේ.

2024 වසරේ 11 – 30 දින වන විට සුරාබදු රුපියල් බිලියන 200 ඉක්මවූ ආදායමක් රැස්කිරීමට සමත්ව ඇතිබව සුරාබදු දෙපාර්ථමේන්තුව දැනුම් දී ඇත.

සොරුන් සහ වංචකයින් පලවා හරිමින් පාර්ලිමේන්තුව සුද්ද කිරීමේ තේමා පාඨයෙන් බලයට පැමිණි ජාතික ජන බලවේගයේ කථානායකවරයා ලෙස අග්‍රාමාත්‍යවරියේ යෝජනාවෙන් පත්කර ගෙන ඇත්තේ සිය ආචාර්ය උපාධිය වංචනිකව නිර්මාණය කර ගත් පුද්ගලයෙකු බව සමගි ජන බලවේගයේ අනුරාධපුර දිස්ත්‍රික් පාර්ලිමේන්තු මන්ත්‍රී රෝහණ බණ්ඩාර මහතා පවසයි.

හිටපු ජනපති මහින්ද රාජපක්ෂ මහතාගේ ආරක්ෂාවට යොදවා සිටි පොලිස් නිලධාරින් 116ක් එයින් ඉවත් කර පොලිසියේ රාජකාරි සඳහා යොදවා ඇතැයි වාර්තා වෙයි.

මුදල් අමාත්‍යවරයාගේ නියෝග මත සියලුම් සිල්ලරට මත්පැන් විකිණිමට අදාළව නව බලපත්‍ර නිකුත් කිරීම අත්හිටුවා තිබෙන බව සුරාබදු දෙපාර්තමේන්තුව සඳහන් කරයි.

රට විරුවන්ට බදු නිදහස්ව විද්‍යුත් වාහන 510 ක් ආනයනය කිරීමෙන් රජයට රුපියල් මිලියන1384 ක බදු ආදායමක් අහිමි වෙලා රට නොගිය අයටත් බලපත්‍ර දීලා අමාත්‍යාංශ ලේකම් ඇතුළු නිලධාරීන් බලය හා යෝජනාව අවභාවිතා කරලා යෝජනාවේ මුවාවෙන් වාහන ගෙන්වා විකිණීමේ ව්‍යාපාරයක් කරලා තවත් අක්‍රමිකතා රැසක් විගණනයෙන් හෙළිවෙයි