විවාහ මංගල්‍යයකට සහභාගී වී නැවත නිවෙස් බලා යමින් සිටි පිරිසක් රැගත් කැබ් රථයක් සහ ලොරි රථයක් 10 දින රාත්‍රී දඹුල්ල දිගම්පතහ අතරමැදී කඳවුර ආසන්නයේදී අනතුරකට ලක්ව එක් කාන්තාවක් මිය ගොස් තවත් නව දෙනෙක් තුවාල ලබා දඹුල්ල මූලිකරෝහලට ඇතුළත් කර ඇතැයි සීගිරිය පොලිසිය කියයි.

අහුංගල්ල, මරදාන ප්‍රදේශයේ යතුරු පැදියකින් පැමිණි නාඳුනන තුවක්කුකරුවන් දෙදෙනෙකු විසින් වෙඩි තැබීමකින් 54 හැවිරිදි අයෙක් තුවාල ලබා බරපතළ තත්ත්වයෙන් බලපිටිය රෝහලට ඇතුළත් කිරීමෙන් පසු ජීවිතක්ෂයට පත්ව ඇතැයි පොලීසිය සඳහන් කරයි.

ඇල්ල කරදගොල්ල මලිත්තගොල්ල ප්‍රදේශයේ සක්‍රීය වී ඇති නාය යාම දැනට පතිත වන ධාරානිපාත වර්ෂාවත් සමඟ තව දුරටත් සක්‍රීය වීම. නිසාවෙන් ඇල්ල වැල්ලවාය ප්‍රධාන මාර්ගය ට අනතුරුදායක තත්ත්වයක් උදා වී ඇති හෙයින් ආරක්ෂිත උපදෙස් ක්‍රියා මාර්ග ගන්නා ලෙසට අදාළ වගකිවයුතු සියලුම අංශ අද (10) පස්වරුවේ දැනුවත් කල බව ජාතික ගොඩනැගිලි පර්යේෂණ ආයතනයේ බදුල්ල දිස්ත්‍රික් ප්‍රධාන භූවිද්‍යඥ හර්ශනී පෙරේරා මහත්මිය පැවසුවාය .

සම්මානනීය පුවත්පත් කතුවරයකු මෙන්ම සිනමා ලේඛකයෙකු ලෙස දසක පහකට අධික කාලයක් මාධ්‍ය ක්ෂේත්‍රයේ නිරතව සිටි ඒ.ඩී. රංජිත් කුමාර මහතා අද (10දා) අභාවප්‍රාප්ත විය.

හිටපු ජනපති මෛත්‍රිපාල සිරිසේන මහතාට ශ්‍රී ලංකා නිදහස් පක්ෂයේ සභාපති ධූරයේ කටයුතු කිරීම තහනම් කරමින් කොළඹ දිසා අධිකරණය පසුගිය 24 වැනි දින නිකුත් කළ අතුරු නියෝගය නිෂ්ප්‍රභ කරන ලෙස ඉල්ලා

අයහපත් කාලගුණය සහ අධික වර්ෂාවත් සමග හටගත් අකුණක් වැදී වලස්මුල්ල මූලික රෝහලේ විශේෂිත ප්‍රතිකාර ඒකකයේ ගින්නක් හට ගෙන තිබේ.

දකුණු සහ මධ්‍යම ආසියානු කටයුතු පිළිබඳ අමෙරිකානු සහකාර රාජ්‍ය ලේකම් ඩොනල්ඩ් ලූ අද (10දා) දකුණු ආසියානු කලාපයේ සංචාරයක් ආරම්භ කිරිමට නියමිතය.

බස්නාහිර, සබරගමුව, දකුණ, නැවගනහිර, ඌව සහ උතුරු-මැද පළාත්වල සහ මාතවේ, මුලතිවු සහ කුරුණෑගල දිස්ත්‍රික්ක වල සවස් කාලවේදී හෝ රාත්‍රී කාලයේදී තැනින්තැන ගිගුරුම් සහිත වැසි සමග ප්‍රභල අකුණු ඇතිවීමේ වැඩි හැකියාවක් පවතී.

නීතිවිරෝධී ලෙස මෙරටට ආනයනය කරමින් රේගුව වෙත තීරු බදු නොගෙවා , කටුනායක ගුවන් තොටුපොළෙන් කිසිවක් ප්‍රකාශ කිරීමට නොමැති ’’ හරිත මාවත’’ ( Green Channel ) ඔස්සේ පිට කර ගෙන යමින් තිබූ රුපියල් එක් කෝටි තිස් ලක්ෂයක් පමණ වටිනා විදේශීය නිෂ්පාදිත විස්කි බෝතල් සහ දුම්වැටි තොගයක් සමග ඒවා රැගෙන ආ ව්‍යාපාරිකයන් තිදෙනකු ද 05/09 දින රාත්‍රී කටුනායක ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් විසින් අත් අඩංගුවට ගෙන තිබේ .

විදේශගතව සිට්න සංවිධානාත්මක අපරාධකරුවෙකු හා මත්ද්‍රව්‍ය ජාවාරම් කරුවකු වන අහුන්ගල්ලේ පදිංචිකරුවෙකු වූ ආබ්‍රෙව් හෙවත් බබා ගේ පියා වන 54 හැවිරිදි කලුහත් කීර්තිසේන ආබ්‍රෙව් නැමැත්තාට වෙඩි තබා ඝාතනය කළ ඝාතකයන් දෙදෙනා පැමිණි බවට සැක කෙරෙන යතුරු පැදිය බාන්වැල්දූව ප්‍රදේශයේ කුරුඳු ඉඩමක ගිනි තබා තිබියදී අද පෙරවරුවේ සොයාගත් බව කොස්ගොඩ පොලීසිය කියයි.

ඩයනා ගමගේ මන්ත්‍රීවරියගෙන් හිස් වූ පාර්ලිමේන්තු මන්ත්‍රී ධුරය සඳහා හිටපු පාර්ලිමේන්තු මන්ත්‍රී මුජිබර් රහුමාන් මහතා අද (09) උදෑසන යළිත් දිවුරුම් දුන්නා.

බොරතෙල් බැරලයක මිල 2023 වර්ෂයේ ඔක්තෝම්බර් 01 වනදා වන විට ඇමරිකානු ඩොලර් බිලියන 82.28 දක්වා 17.0% කින් පහළ ගොස් ඇති බව 2024/05/06 දින නිකුත් කර ඇති වාර්ෂික ආර්ථික විවරණ බැංකු වාර්තාවේ සඳහන් වේ.

2023.01.01. සිට 2024.01.01 දක්වා කාලය තුළ මත්පැන් බලපත්‍ර 214ක් ලබා දී ඇති බවත්, එයින් බලපත්‍ර 147ක් ලබා දී ඇත්තේ සංචරක කර්මාන්තය සඳහා බවත් මුදල් රාජ්‍ය අමාත්‍ය රංජිත් සියඹලාපිටිය මහතා පැවසීය.

වසර 1900 ක ඉතිහාසයකට නෑකම් කියන පබ්බතාරාම සංකල්පයට අනුව සැකසූ පැරණි විහාර සංකීර්ණයක් හා වර්ග අඩි 400 – 500 පමණ විශාලත්වයකින් යුතු චෛත්‍යයක නටබුන් නාඋල - බඹරගහවත්තෙන් හමුවී ඇත.

ඇමෙරිකාවේ ස්ථාපිත විදෙස් තානාපති කාර්යාල රටේ සංස්කෘතිය හා ජීවන පසුබිම විදහාපාන ’’පාස්පෝට් DC 2024’’ සදහා මෙවර 5037ක වාර්තාගත ජනතාවක් ආකර්ශනය කර ගැනීමටශ්‍රී ලංකා තානාපති කාර්යාලය සමත්වූ බව ’’පාස්පෝට් DC වැඩසටහන’’ නිළ ලෙස ප්‍රකාශ කළේය.

මිනිස් පරිභෝජනයට නුසුදුසු නරක් වී ගිය ආහාර ද්‍රව්‍ය විශාල ප්‍රමාණයක් කදාණ පොලිස් වසමේ පියෝ මාවතේ නිවසක ගබඩා කර තිබියදී ජාඇල මහජන සෞඛ්‍ය කාර්යාලය ට අයත් නිලධාරීන් පිරිසක් විසින් 09 දින සවස අත් අඩංගුවට ගෙන ඇති බව පොලිසිය පවසයි.

වසර 28කට පසුව විදුලි සංදේශ නියාමන පනත සංශෝධනය කිරීම සඳහා වන සංශෝධිත පනත් කෙටුම්පත හෙට දින (10) පාර්ලිමේන්තුවට ඉදිරිපත් කිරීමට කටයුතු කරන බව තාක්ෂණ රාජ්‍ය අමාත්‍ය කනක හේරත් මහතා පැවසීය.

ඩයනා ගමගේ මහත්මියගේ මන්ත්‍රීධුරය අහෝසි වීම හේතුවෙන් සමගි ජන බලවේගයේ හිස්වූ ජාතික ලැයිස්තු මන්ත්‍රීධුරය සඳහා නම් කළ මුජිබර් රහුමාන් මහතා මන්ත්‍රීවරයෙක් ලෙස පත්කර ඇති බව සඳහන් කරමින් මැතිවරණ කොමිෂින් සභාව විසින් අතිවිශේෂ ගැසට් නිවේදනයක් අද (09දා) නිකුත් කර තිබේ.

ඇමෙරිකාවේදී පැවැත්වීමට නියමිත විස්සයි20 ලෝක කුසලාන තරගාවලිය සඳහා ක්‍රීඩා කරන ශ්‍රී ලංකා සංචිතය ක්‍රිකට් ආයතනය විසින් ප්‍රකාශයට පත්කර තිබේ.

රටේ ජනතාව රැවටීමේ කාලය මෙම වසරේ අග අවසන් වන බවත්, ඒ අනුව රට දිනවන සත්‍ය ජයග්‍රශනය කරන බවත් විපක්ෂනායක සජිත් ප්‍රේමදාස මහතා පැවසීය.

තම දියණිය 52 වතාවක් දූෂණය කළත්, මාධ්‍ය ඒ බැව් කතා නොකරන්නේ ඇයිදැයි සුජිත් ප්‍රනාන්දු නොහොත් සිඟිති ප්‍රශ්න කළේය. ඊයේ කුලියාපිටිය මහේස්ත්‍රාත්වරයා විසින් ඔහුව රක්ෂිත බන්ධනාගාරගත කිරීමෙන් අනතුරුව බන්ධනාගාරය වෙත යමින් සිටියදී මාධ්‍යවේදීන් අමතා ඔහු එසේ ප්‍රශ්න කළේය.

නීති විරෝධී මාර්ග හරහා රුසියා - යුක්‍රේන යුද්ධය සඳහා ශ්‍රී ලංකාවේ ත්‍රිවිධ හමුදා විශ්‍රාමික සාමාජිකයින් යෙදවීමේ මිනිස් ජාවාරමට සම්බන්ධව තොරතුරු ලබාගැනීම වෙනුවෙන් ආරක්‍ෂක අමාත්‍යාංශය විශේෂ අංශයක් පිහිටුවා ඇති බව ආරක්‍ෂක අමාත්‍යාංශය නිවේදනය කරයි.

ඉන්දියානු ණය යෝජනා ක්‍රමය යටතේ ව්‍යාජ ලේඛන සකස් කර ප්‍රමිතියෙන් තොර ප්‍රතිදේහ එන්නත් රජයේ රෝහල්වලට බෙදා හැරීම මඟින් රුපියල් කෝටි ගණනක වංචා කිරීම සහ රෝගී ජීවීත අනාරක්‍ෂිත තත්වයකට පත් කිරීමේ සිද්ධිය සම්බන්ධයෙන් ජාතික ඖෂධ නියාමන අධිකාරියෙය් හිටපු ප්‍රධාන විධායක නිලධාරී වෛද්‍ය විජිත් ගුණසේකර මහතා රහස් පොලිසිය විසින් ඊයේ (08) රාත්‍රීයේදී අත්අඩංගුවට ගනු ලැබීය.

යුක්තියේ මෙහෙයුමේදී ගංජා සමග අත්අඩංගුවට ගත් සැකකරුවෙකු ලවා ගංජා ඔතාගෙන පානය කළ බව කියන බෙලිඅත්ත පොලිසියේ පොලිස් නිලධාරින් පස්දෙනකුගේ රාජකාරී වැඩ තහනමට ලක් කිරීමට තංගල්ල ජ්‍යෙෂ්ඨ පොලිස් අධිකාරීවරයා විසින් පියවර ගෙන ඇතැයි පොලිස් මූලස්ථානයේ ජ්‍යෙෂ්ඨ පොලිස් නිලධාරියෙකු පැවසීය.

ගෙවුනු සතියක කාලයක් තුලදී යාපනය දිස්ත්‍රීක්කයට බලපෑ අධික උෂ්ණත්වය හේතුවෙන් යාපනය ශික්ෂණ රෝහලේ නේවාසිකව ප්‍රතිකර ලැබූ රෝගීන් සිව් දෙනෙකුට තාප ආගාතය බලපෑම හේතුවෙන් මිය ගොස් ඇතැයි ඒම රෝහලේ විශේෂ වෛද්‍යවරුන් පෙන්වා දෙයි.

ජනාධිපතිවරයා තොරපත් කර ගැනීම පිළිබඳ පනතේ දැක්වෙන විධිවිධානවලට යටත්ව ජනාධිපතිවරණයේ ඡන්ද විමසීම සඳහා නාමයෝජනා කැඳවිම නියමිතකාල සීමාව තුළදී සිදුකරන බව මැතිවරණ කොමිෂන් සභාව සඳහන් කරයි.

’’අනගාරික ධර්මපාලතුමා කිව්වා ටයිකෝඩ් දාගත්ත කළු සුද්දෝ තවම ලංකාවේ ඉන්නවා කියලා, ඒ කියමන හරියට හරි ඔය අහු උනේ, තව ඉන්නවා පාර්ලිමේන්තු ඔය වගේ කළු සුද්දෝ, මේ අය අපේ රටේ පුරවැසියෝ නෙමෙයි, ඒ වුනාට අපේ පාර්ලිමේන්තුවට ඇවිල්ලා වරදාන වරප්‍රසාද භුක්ති විදිනවා නීති විරෝධීව, පුරවැසිකම තියෙන්නේ පිට රටක. ඒ උනාට ලංකාවේ මිනිස්සුන්ගේ බදු සල්ලි වලින් මොවුන් ජීවත් වෙනවා’’

පදිංචි නිවසේ කාමර දෙකකට ද ගිනි තබා තිබු බවත් සැරයන්වරයා ගේ සිරුර එල්ලෙමින් තිබු ස්ථානය යටින් ටයර් හය හතක් තිබු බවත් පොලීස් නිලධාරියෙකු කීය.

රුපියල් එක් කෝටි හතලිස් ලක්ෂයක් පමණ වටිනා ග්‍රෑම් 75 ක් පමණ බරැති රන් මාළ දෙකක් , ගුවන් තොටුපොළ මගීන්ගේ භාණ්ඩ ප්‍රවාහනය සදහා භාවිතා කරන ට්‍රොලි කරත්තයක සගවා ගෙන , නීතිවිරෝධී ලෙස කටුනායක ගුවන් තොටුපොළෙන් පිටතට රැගෙන යාමට තැත් කළ ඉන්දීය ජාතිකයෙකු 05/09 දින අලුයම අපරාධ පරීක්ෂණ දෙපාර්තමේන්තු නිලධාරීන් විසින් අත් අඩංගුවට ගෙන තිබේ.