දිවයිනේ විවිධ ආගමික උත්සව පැවැත්වෙන ස්ථාන වලට ගොස්, කාන්තාවන්ගේ රන්මාල කොල්ල කෑමේ නිරත සංවිධානාත්මක කාන්තා අපරාධ කල්ලියක සාමාජිකාවන් දෙදෙනෙකු ඊයේ(27දා) හෙරොයින් මත්කුඩු සහ රන් මාලයක් සමග අත්අඩංගුවට ගත් බව අනුරාධපුර මූලස්ථාන පොලිසිය පවසයි.

මිතුරන් සිව් දෙනකු අතර පැවැති මත්පැන් සාදයකදී ’’කොන්ද පණ නැහැ’’ යැයි කියූ කතාවක් දුරදිග යාමෙන් පරාළයකින් හිසට පහර දීමෙන් බරපතල තුවාල ලද පුද්ගලයකු දින 6 කට පසු මිය ගිය බව අගලවත්ත පොලිසිය කියයි.

සමගි ජන බලවේගයේ අනුරාධපුර දිස්ත්‍රික් පාර්ලිමේන්තු මන්ත්‍රී ඉෂාක් රහුමාන් මහතා ජනාධිපති රනිල් වික්‍රමසිංහ මහතාට සහය පළ කරමින් ගාල්ලේ ඊයේ පැවැති එක්ව ජයගමු වෙිදිකාව⁣ට ගොඩවිය.

තරුණයන් පිරිසක් මෝටර් රථයකින් ගමන් කරමින් සිටියදී කොල්ලුපිටිය ප්‍රදේශයේදී කොල්ලුපිටිය පොලිසියේ නිලධාරීන් පිරිසක් මෝටර් රථය නවතා පරීක්ෂා කිරීමේදී කොස්තාපල් වරයෙකු විසින් මෝටර් රථයට ගංජා දමා තරුණයන් අත්අඩංගුවට ගැනීමට ගිය බව කියන කොල්ලුපිටිය පොලිසියට අනුයුක්ත කොස්තාපල්වරයෙකුගේ වැඩ තහනම් කර ඇත.

ඉන්දිය පන්දු යවන්නන් හමුවේ ශ්‍රී ලංකා පිතිකරුවන් සිය කඩුලු පූජා කිරිමේ වරද හේතුවෙන් දෙරට අතර පැවැති පළමු විස්සයි20 තරගයෙන් ඉන්දීය කණ්ඩායම 888 ජයක් වාර්තා කිරිමට සමත්වූහ.

ඉන්දියාව හා ශ්‍රී ලංකාව අතර පල්ලෙකැලේ පිටියේ පැවැත්වෙන පළමු විස්සයි20 තරගයේ පළමුවෙන් පන්දුවට පහරදුන් ඉන්දීය කණ්ඩායම කඩුලු 7ට ලකුණු 213ක් රැස්කරමින් ලංකාවට ලකුණු 214 දැවැන්ත ඉලක්කයක් ලබාදුන්නේය.

ඉන්දිය කණ්ඩායම සමගින් පල්ලෙකැලේ පිටියේ පැවැත්වෙන පළමු විස්සයි20 තරගයේ කාසියේ වාසිය දිනා ගත් ශ්‍රී ලංකා කණ්ඩායම මුලින්ම පන්දුවට පහරදිමට ඉන්දියාවට ආරාධනා කළේය.

මගේ අරමුණ සියලුදෙනා එක් කර ගනිමින් රට දිනවීමයි. කිසිවිටෙක මා අභියෝග හමුවේ පැන ගියේ නැහැ : මා කථා කරමින් නොසිට වගකීම ඉටු කළා. රට ඉදිරියට ගෙන යන බවට ජනතාවට දුන් පොරොන්දුව ද ඒ අයුරින්ම ඉටු කරනවා. ජාත්‍යන්තර මූල්‍ය අරමුදල සමඟ එකඟ වී ඇති රාමුවෙන් බැහැරව කටයුතු කරන බව යමෙකු පවසන්නේ නම් ඔවුන් පවසන්නේ රට අවදානමේ හෙළන අසත්‍යයක් – “එක්ව ජය ගමු – අපි ගාල්ල” ජන හමුව අමතමින් ජනපති පවසයි.

සැප්තැම්බර් 21 දා පැවැත්වෙන ජනාධිපතිවරණයේදී තමන්ට නියමිත ඡන්ද මධ්‍යස්ථානයේදී තම ඡන්දය පාවිච්චි කිරීමට නොහැකි වෙතැයි සාධාරණ බියක් ඇති ඡන්ද හිමියන්ට වෙනත් ඡන්ද මධ්‍යස්ථානයකට ගොස් ඡන්දය ප්‍රකාශ කිරීමට පහසුකම් සලසා ගත හැකි බව මැතිවරණ කොමිෂන් සභාව නිවේදනය කරයි.

යුරෝපා කවුන්සිලය විසින් එල්.ටි.ටී.ඊ. සංවිධානයට පනවා ඇති තහනම තවත් මාස 6කට දිගු කිරිමට එම කවුන්සිලය කටයුතු කර තිබේ.

ජනාධිපති රනිල් වික්‍රමසිංහ හා හිටපු අමාත්‍ය මෙන්ම පොදුජන පෙරමුණේ නිර්මාතෘ බැසිල් රාජපක්ෂ අතර ජනපති අපේක්ෂකත්වය හා ඉදිරියේදී ගොඩ නැගීමට නියමිත සන්ධානය පිළිබඳව දීර්ඝ සාකච්ඡාවක් පවත්වා තිබේ.

පාකිස්තාන කණ්ඩායම කඩුලු 3කින් පරාජයට පත් කරමින් මෙවර කාන්තා ආසියානු කුසලාන විස්සයි20 තරගාවලියේ අවසන් මහ තරගයට සුදුසුකම් ලබා ගැනිමට ශ්‍රී ලංකා කණ්ඩායම සමත්විය.

එළෙඹෙන ජනාධිපතිවරණය මැතිවරණ කොමසාරිස්වරයා විසින් ප්‍රකාශයට පත් කර ඇති බැවින්, එම කාලය තුල ජනාධිපති අපේක්‍ෂකයන්ගේ, පුරවැසියන්ගේ මෙන්ම සමස්ත රටේම ආරක්‍ෂාව උපරිම අයුරින් තහවුරු කිරීමට අවශ්‍ය සියලු පියවර ගන්නා ලෙස ආරක්‍ෂක රාජ්‍ය අමාත්‍ය ගරු ප්‍රමිත බණ්ඩාර තෙන්නකෝන් මැතිතුමා අද පාර්ලිමේන්තුවේදී ආරක්‍ෂක ප්‍රධානීන්ට උපදෙස් ලබා දුන්නේය.

ජනාධිපතිවරණය ප්‍රකාශයට පත් කෙරුණු අද දිනයේදී වත්මන් ජනාධිපති රනිල් වික්‍රමසිංහ මහතා ඇතුළු අපේක්ෂකයින් සිවු දෙනෙකු ජනාධිපතිවරණය සඳහා තරග වැදීමට ඇප මුදල් තැන්පත් කළ බව මැතිවරණ කොමිෂන් සභාව මාධ්‍ය නිවේදනයක් නිකුත් කරමින් කියා සිටී.

2024.07.22 දින සිට අද දින දක්වා (7/26) ගතවූ දින 5 ක කාලය තුළ විදෙස් රැකියා ජාවාරම් සිදුකළ වංචාකරුවන් දොළොස් දෙනෙකු ශ්‍රි ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ නිළධාරීන් විසින් අත්අඩංගුවට ගෙන තිබේ.

මෙහිදී අදහස් දැක් වූ සෞඛ්‍ය හා කර්මාන්ත අමාත්‍ය වෛද්‍ය රමේෂ් පතිරණ මහතා කියා සිටියේ කර්මාන්ත ක්ෂේත්‍රයේ සංවර්ධනය උදෙසා මහාචාර්ය සේනක බිබිලේ මහතා ආරම්භ කළ දේශීය ඖෂධ නිෂ්පාදනය මේ වනවිට විශාල වර්ධනයක් ලබා කර්මාන්ත ක්ෂේත්‍රයේ විශාල විප්ලවයක් සිදු කරමින් පවතින බවත්, ලබන වසරේ දේශීය ඖෂධ නිෂ්පාදනය 90% වැඩිකර ගත හැකි බවට තමා විශ්වාස කරන බවයි.

දේශීය බිත්තර නිශ්පාදකයන් විසින් බිත්තරයක මිල රුපියල් 38/- දක්වා පහත නෙදමන්නේනම් නැවත බිත්තර ආනයනයට කටයුතු කරනබවට වෙළඳ අමාත්‍ය නලින් ප්‍රනාන්දු පවසයි.

තවමත් පොලිස්පති ධූරය දරන්නේ හිටපු පොලිස්පති. ධූරය හිස් වෙලා නෑ. නොයෙක් නොයෙක් දේවල් අර්ථ නිරූපණය කරනවා. ඒ වගේම පොලිස්පතිවරයා පත්කරනු ලැබූ ව්‍යවස්ථාදායක සභාව එම තීරණය කළ ආකාරය ගැන නොයෙක් වාදයන් කරුණු ඉදිරිපත් කරනවා

අති විශේෂ ගැසට් නිවේදනය මගින් අද දින ප්‍රකාශයට පත් කරන ලද සැප්තැම්බර් 21 දින පැවැත්වෙන ජනාධිපතිවරණයේ නාමයෝජනා බාර ගැනීමේ දිනය වූ අගෝස්තු 15 දිනයට පෙර දිනයේ දහවල් 12.00 ට පෙර අපේක්ෂකයන් විසින් ඇප මුදල් තැන්පත් කළ යුතු බව මැතිවරණ කොමිෂන් සභාව නිවේදනය කරයි.

පුත්තලම නගරයෙ ප්‍රධාන පෙලෙ පාසලක ගුරුවරයකුට පාසලේ ප්‍රධාන දොරටුව අසලදී සිසුවකු එල්ල කල පිහි ප්‍රහාරයකට ලක්ව ප්‍රතිකාර සදහා පුත්තලම මූලික රෝහලට ඇතුලත් කර ඇති බව පුත්තලම මූලස්ථාන පොලිසිය කියයි.

රුවන් ගුණසේකර මහතා වැඩ බලන පොලිස් මාධ්‍ය ප්‍රකාශකවරයා ලෙස පත්කර ඇත.

ජනාධිපති රනිල් වික්‍රමසිංහ මහතා 2024 ජනාධිපතිවරණය සඳහා ස්වාධීන අපේක්ෂකයෙකු ලෙස ඉදිරිපත්වීමට අදාළව මැතිවරණ කොමිෂන් සභාව වෙත ඇප මුදල් තැන්පත් කර තිබේ. ඔහු වෙනුවෙන් ජනාධිපති නීතිඥ රොනල්ඩ් සී. පෙරේරා මහතා ඇප මුදල් තැන්පත් කළේය.

ශ්‍රී ලංකාව තුළ ජන සංහාරයක් සිදුව ඇති බවට කැනඩා අග්‍රාමාත්‍ය ජස්ටින් ටෘඩෝ මහතා කළ චෝදනාව ප්‍රතික්ෂේප කරන බව ශ්‍රී ලංකා විදේශ කටයුතු අමාත්‍යාංශය නිවේදනයක් නිකුත් කරමින් පවසයි.

ජනාධිපතිවරණ ඡන්දය විමසීම ලබන සැප්තැම්බර් මස 21 වැනි දින පවත්වන බව සඳහන් කරමින් මැතිවරණ කොමිෂන් සභාව අති විශේෂ ගැසට් නිවේදනයක් ප්‍රකාශයට පත්කර තිබේ. ජනපති මැතිවරණය වෙනුවෙන් නාමයෝජනා භාර ගැනීම අගෝස්තු 15 වැනිදා සිදු කරන බව මැතිවරණ කොමිෂන් සභාව පවසයි.

අද (26) මධ්‍යම රාත්‍රියේ සිට ග්‍රෑම් 450 පාන් ගෙඩියක මිල රුපියල් 10 කින් මිල අඩු කරන බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පවසයි

ආණ්ඩුව නියෝජනය කරන කැබිනට් හා රාජ්‍ය අමාත්‍යවරුන් ඇතුළු මන්ත්‍රීවරුන් 30 දෙනෙකු පමණ අද (25) පාර්ලිමේන්තුවේදී හිටපු ජනාධිපති මහින්ද රාජපක්ෂ මහතා හමුවී විශේෂ සාකච්ඡාවක් පවත්වා තිබෙන බව දේශපාලන ආරංචි මාර්ග පවසයි.

ගෑන්ඩ්පාස් වදුල්ලවත්ත පුරදර සෙවණ මාල් නිවාස සංකීර්ණය ඉදිරිපිට තීරෝද රථයක් ඉලක්ක කර සිදුකල වෙඩි තැබීමකින් බරපතල තුවාල ලබා කොළඹ දැඩිසත්කාර ඒකකයේ ප්‍රතිකාර ලබමින් සිටි කාන්තාවද ඊයේ රාත්‍රී මිය ගොස් ඇතැයි ගෑන්ඩ්පාස් පොලිසිය කියයි

වසරකට අධික කාලයක් තිරප්පනේ පොලිස් වසම තුළ සැරිසරමින් සිටින පිරිපුන් දළ යුගලකින් සමන්විත අග්බෝ ඇතා නොපමාව ආරක්ෂිතව සුදුසු වනාන්තරයකට මුදා හැර සංරක්ෂණය කරන ලෙස අනුරාධපුර ප්‍රධාන මහේස්ත්‍රාත් සහ අතිරේක දිසා විනිසුරු නාලක සංජීව ජයසූරිය මහතා වනජීවී දෙපාර්තමේන්තුවේ අනුරාධපුර සහකාර අධ්‍යක්ෂවරයාට නියෝග කළේය.

රැකියා විරහිත සියලුම උපාධිධාරීන්ට රැකියා ලබා දෙන ලෙස ඉල්ලා අද (26දා) කොළඹ කොටුව දුම්රිය පොළ ඉදිරිපිටදී විරෝධතා ව්‍යාපාරයක් පැවැත්වීමට කටයුතු කරන බවද රැකියා විරහිත උපාධිධාරී සංගමය සඳහන් කරයි.