රුපියල් කෝටි දහයකට අධික වටිනාකමින් යුතු නවීනතම ජංගම දුරකථන තොගයක් , නීතිවිරෝධී ලෙස මෙරටට ගෙන ආ ගුවන් මගියෙකු ද සමග 04/04 දින උදෑසන කටුනායක ගුවන් තොටුපොළ රේගු නිලධාරීන් පිරිසක් විසින් අත් අඩංගුවට ගෙන තිබේ .

ජනාධිපති අනුර කුමාර දිසානායක මහතාගේ ආරාධනයකට අනුව තෙදින රාජ්‍ය සංචාරයක් සඳහා ඉන්දියානු අග්‍රාමාත්‍ය නරේන්ද්‍ර මෝදි මහතා අද (04දා) සන්ධ්‍යාවේදී මෙරටට පැමිණීමට නියමිතය.

ඉන්දිය අග්‍රාමාත්‍ය න‍රේන්ද්‍ර මෝදි මහතාගේ ශ්‍රී ලංකා සංචාරය තුළදී ඔහු සංචාරය කිර‍ි‍ට නියමිත ප්‍ර දේශවල සිටින වීදි සුනඛයින් හා යාචකයින් ඉවත් කිර‍ිමට කටයුතු කරන බවට පළවන වාර්තා අසත්‍ය බව පොලිස් මූලස්ථානය කියයි.

එක්සත් ජනපද නව තීරු බදු ක්‍රමය පිළිබඳව ගතයුතු ක්‍රියාමාර්ග සොයා බලා රජයට නිර්දේශ ඉදිරිපත් කිරීම සඳහා පත් කළ කමිටුව සහ ජනාධිපති අනුර කුමාර දිසානායක මහතා අතර හමුවක් ඊයේ (03) පස්වරුවේ ජනාධිපති කාර්යාලයේදී සිදු විය.

දිවයිනේ බොහෝ ප්‍රෙදේශවල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි.

අලුත් අවුරුදු සමයේදී මගී ජනතාවට අවශ්‍ය වන පරිදි බස් සේවා පවත්වා ගෙන යන බව ලංකා පෞද්ගලික බස් හිමියන්ගේ සංගමය සඳහන් කරයි.

මේ වසරට අදාළ පහ වසර ශිෂ්‍යත්ව විභාගය අගෝස්තු මස 10වන දින පැවැත්වීමට සැලසුම් කර තිබෙන බව විභාග දෙපාර්තමේන්තුව සඳහන් කරයි.

ගාල්ල මහ නගර සභාව මගින් හිටපු නාගරික මන්ත්‍රීවරුන් 22දෙනෙකු සඳහා රුපියල් දහතුන් ලක්ෂ අනූදහස් අටසිය අනූඑකක් (1,390,891) වටිනා ලැප්ටොප් සහ ටැබ් පරිගණක 22ක් ලබා දී තිබුණද, එම උපකරණ නැවත නගර සභාව වෙත භාරදී නොතිබූ බව ජාතික විගණක කාර්යාලය මගින් අප්‍රේල් මස 02වැනි දින නිකුත් කර ඇති නවතම විගණක වාර්තාවකින් අනාවරණය වී ඇත.

2025 දකුණු කොරියානු භාෂා ප්‍රවීණතා විභාගය සඳහා අයදුම්කරුවන් ලියාපදිංචිය තවමත් ආරම්භ කර නොමැති බැවින්, කොරියානු භාෂා ප්‍රවීණතා විභාගයට ලියාපදිංචි කරන බවට අන්තර්ජාලය ඔස්සේ සංසරණය වන දැන්වීම ව්‍යාජ එකක් බව ශ්‍රී ලංකා විදේශ සේවා නියුක්ති කාර්යාංශය සඳහන් කරයි.

පානීය ජල බෝතල් සඳහා පාලන මිලක් නියම කරමින් පාරිභෝගික කටයුතු අධිකාරිය විසින් ගැසට් නිවේදනයක් නිකුත් කර තිබේ.

ඉන්ධන දීමනාව වැටුපට එක්කර තිබියදී උතුරුමැද පළාත් සභා මුදලින් රුපියල් ලක්‍ෂ 80කට අධික ඉන්ධන ලබාගැනීමේ චෝදනාවන්ට වරදකරුවන් කරමින් තමන්ට පැනවු දඬුවම් වලින් තමන් නිදොස් කොට නිදහස් කරන්නැයි ඉල්ලා උතුරුමැද පළාත් සභාවේ හිටපු මහ ඇමති එස්.එම්. රංජිත් මහතා සහ ඔහුගේ ණෑනා වන ශාන්ති චන්ද්‍රසේන මහත්මිය අභියාචනයක් අද (03) ඉදිරිපත් කළහ.

ලංකාවෙන් ඇමෙරිකාවට 2024 දී ඩොලර් මිලියන 3,000ක් වටිනා භාණ්ඩ අපනයනය කළත් ඇමෙරිකාවෙන් ආනයනය කර තිබෙන්නේ ඩොලර් මිලියන 368ක් වටිනා භාණ්ඩ විතරයි. ඒ අනුව ඇමෙරිකාවට ලංකාව සමග ඩොලර් මිලියන 2,632ක අවාසිදායක වෙළඳ පරතරයක් තිබෙනවා. සමස්ත අපනයන වලින් ප්‍රතිශතයක් ලෙස වෙළඳ පරතරය බැලුවොත් ඒ කියන්නේ වෙළඳ පරතය වන 2,632 අපනයන වටිනාකම වන 3,000 බෙදලා සීයෙන් වැඩි කලොත් පිලිතුරු 87.87%. ඒ නිසා ඒක 88%ක් ලෙස ගත්තා. දැන් ඒ අගයෙන් 50% තමයි බදු ප්‍රතිශතය වෙන්නේ. 88% කි

පාර්ලිමේන්තු මන්ත්‍රී නාමල් රාජපක්ෂ මහතා නීතිඥභාවය ලබාගැනීම සඳහා නීති විද්‍යාලයේ විභාගයට මුහුණ දීමේදී වංචාවක් කර ඇද්ද? ඔහු නීතිඥභාවය ලබාගෙන ඇත්තේ වංචනික අන්දමින්ද? යන්න පිළිබඳ නීති විද්‍යාලයේ ලේඛන පරීක්ෂා කරබලා අධිකරණයට කරුණු වාර්තා කරන ලෙස කොළඹ ප්‍රධාන මහේස්ත්‍රාත් තනූජා ලක්මාලි මහත්මිය රහස් පොලිසියට අද (03) නියම කළාය.

අද (3) දහවල් පතලක වැඩ කරමින් සිටි පුද්ගලයින් දෙදෙනෙකු පස්වලට යටවි මියගොස් ඇතිබව ඇලපාත පොලිසිය පවසයි.

අනුර කුමාර ජනාධිපතිතුමාට කියනව මාව ආයි හිරේ දාන්න 10 සැරයක් දාන්න 15 සැරයක් දාන්න මට ප්‍රශ්නයක් නෑ. හැබැයි මගේ නෝනට අත තිබ්බොත්නම් මම කරන දේ මම දන්නවා

වැඩ තහනමකට ලක්ව සිටින පොලිස්පති දේශබන්දු තෙන්නකෝන් මහතා අප්‍රේල් 10 දක්වා දක්වා යළි රක්ෂිත බන්ධනාගාර ගත කිරීමට මාතර මහේස්ත්‍රාත් අධිකරණය නියෝග කර තිබේ.

හෙරොයින් මත්කුඩු ග්‍රෑම් 16කට අධික ප්‍රමාණයක් සන්තකයේ තබා ගැනීම සහ ජාවාරම් කිරීමේ චෝදනාවට වරදකරු කෙරුණු පුද්ගලයෙකුට කොළඹ මහාධිකරණය මරණීය දණ්ඩනය නියම කර තිබේ.

එක්සත් ජනපද ජනාධිපති ඩොනල්ඩ් ට්‍රම්ප් විසින් පනවන ලද නව අන්‍යෝන්‍ය තීරු බදු හේතුවෙන් පැන නැඟිය හැකි ගැටලු පිළිබඳව ගැඹුරින් අධ්‍යයනය කර රජයට නිර්දේශ ඉදිරිපත් කිරීම සඳහා ජනාධිපති අනුර කුමාර දිසානායක මහතා විසින් කමිටුවක් පත් කර ඇත.

සිංහල හා හින්දු අලුත් අවුරුද්ද වෙනුවෙන් හා දිර්ඝ සති අන්ත නිවාඩුව වෙනුවෙන් විශේෂ දුම්රිය සේවා ක්‍රියාත්මක කිරිමට දුම්රිය දෙපාර්තමේන්තුව පියවර ගෙන තිබේ. ඒ අනුව එම දුම්රිය සේවා එළැඹෙන 10 දා සිට ක්‍රියාත්මක වෙයි.

රටේ ඉදිකිරීම් ක්ෂේත්‍රයට වැලි නොමැති වීම ප්‍රධාන ප්‍රශ්නයක් බවට පත්ව ඇති නිසා පොළොන්නරුව මනම්පිටිය මහවැලි ගඟෙන් වැලිගොඩ දැමීමට නව වැලි තොටුපොලක් ආරම්භ කිරීමට ඉදිරියේදී කටයුතු කරන බව නිවාස ඉදිකිරීම් නියෝජ්‍ය අමාත්‍ය ටී.බි. සරත් මහතා සඳහන් කරයි.

කොළඹ සහ තදාසන්න ප්‍රදේශ වල වාසය කරන ජනතාවගේ සෙවනැල්ල එළඹෙන 04/07 දින දහවල් 12.12 ට මොහොතකට අතුරුදහන් වී යන බව තාරකා විද්‍යාඥ අනුර සී.පෙරේරා මහතා පැවසීය .

කොළඹ කොටුව සිට බදුල්ල බලා ධාවනය වෙමින් තිබූ අංක 1045 රාත්‍රි තැපැල් දුම්රිය අද (3) අලුයම හදිසි කාර්මික දෝෂයකට ලක්වී ගලබඩ දුම්රිය ස්ථානයේ අතරමග ඇණහිටීම නිසාවෙන් දුම්රිය මගීහු දැඩි අපහසුතාවට පත්ව සිටියහ.

2008 වසරේ සිට 2024 වසර දක්වා කාලය තුළ ජනාධිපති අරමුදලින් මුදල් ලබා ගැන‍ිමට අදා‍ළව හිටපු අමාත්‍යවරුන් හා පාර්ලිමේන්තු මන්ත්‍රීවරුන් විසි දෙනෙකු සම්බන්ධයෙන් අපරාධ පරීක්ෂණ දෙපාර්තමේන්තුව මගින් විමර්ශණයක් ආරම්භ කර ඇතැයි පොලීසිය කියයි.

ශ්‍රි ලංකාවෙන් ඇමෙරිකාවට ආනයනය කරන භාණ්ඩ සඳහා සියයට 44ක බද්දක් පැනවිමට ඇමෙරිකාවේ නව ජනපති ඩොනල්ඩ් ට්‍රම්ප් පරිපාලනය තිරණය කර තිබේ.

ඉන්දිය අග්‍රාමාත්‍ය නරේන්ද්‍ර මෝදි මහතාගේ මෙරට සංචාරය නිමිති කරගෙන හෙට (04දා) සවස6.00 සිට රාත්‍රි 10.00 දක්වා කටුනායක අධිවේගී මාර්ගය අවස්ථා කිහිපයකදී වසා තැබීමට කටයුතු කරන බව පොලීසිය සඳහන් කරයි.්‍

ගොවිපළවල්වලින් බිත්තරයක් මිලදී ගන්නා මිල රුපියල් 19ත් 25ත් අතර මුදලක් දක්වා පහත වැටී තිබෙන බවත්, එම වාසිය පාරිභෝගිකයන්ටත් ලැබිය යුතු බවත් සමස්ත ලංකා කුඩා කර්මාන්තකරුවන්ගේ සංගමය සඳහන් කරයි.

පළාත් පාලන ආයතන ඡන්ද විමසීමට අදාළව පොලිස් ස්ථානවලට පැමිණිලි හැත්ත එකක් ලැබී තිබෙන බව පොලිස් මාධ්‍ය කොට්ඨාසය සඳහන් කරයි.

මහරගම නාවින්න ශ්‍රී ලංකා ආයුර්වේද ඖෂධ සංස්ථාවේ සේවය කරමින් රුපියල් දෙකෝටි හත් ලක්ෂ තිස්එක්දහස් විසි හතරයි ශත පහළොවක (27,031,024.15) මුදලක් වංචා කිරීම සම්බන්ධයෙන් එහි කළමනාකරණ සහකාර ( ගිණුම් ) වරයෙකු හා ඔහුගේ බිරිඳ සහ සහෝදරිය ද අත්අඩංගුවට ගත් බව අපරාධ පරීක්ෂණ දෙපාර්තමේන්තුව කියයි.

ඓතිහාසික සබරගමු මහා සමන් දේවාලයේ පොලිස් මුරපොළේ ස්ථානාධිපතිවරයාගේ නිවස ඉදිරිපිටට ගිය කිහිපදෙනෙකු ඔහුට මරණීය තර්ජනය කිරීමේ සිද්ධියක් ගැන එම පොලිස් නිලධාරියා රත්නපුර මූලස්ථාන පොලීසියට පැමිණිල්ලක් කර තිබේ.