ගාල්ල බන්ධනාගාරයේ ජේලර්වරියක් විසින් එම බන්ධනාගාරයේම බන්ධනාගාර නියාමකවරියක් ඝාතනය කිරිම සදහා රැදවි කාන්තාවකට කොන්ත්‍රාත්තුවක් ලබාදුන් බව කියන සිද්ධියක් සම්බන්ධයෙන් විමර්ශනයක් ආරම්භ කර ඇති බව ගාල්ල පොලිසිය කියයි.

ශ්‍රී ලංකා නිදහස් පක්ෂයේ සභාපතිවරයා ලෙස අමාත්‍ය විජයදාස රාජපක්ෂ මහතාගේ පත්වීම බල රහිත කරන්නැයි ඉල්ලා පක්ෂයේ වැඩ බලන ප්‍රධාන ලේකම් පාර්ලිමේන්තු මන්ත්‍රී දුමින්ද දිසානායක මහතා පැවරු නඩුවෙන් ඉල්ලා ඇති වාරණය නිකුත් කරනවාද? නැද්ද? යන්න පිළිබඳ නියෝගය හෙට (15) ප්‍රකාශයට පත්කරන බව කොළඹ ප්‍රධාන දිසා විනිසුරු සඳුන් විතානගේ මහතා අද (14) දැනුම් දුන්නේය.

මෙම වසරේදී පුජා භූමි 20ක් ගැසට් මගින් ප්‍රකාශය කිරීමට අපේක්ෂා කරන බව ජාතික භෞතික සැලසුම් දෙපාර්තමේන්තුව පවසයි. එම දෙපාර්තමේන්තුව පවසන්නේ මේ වසරේ මේ වනවිට පූජා භූමි 09ක් ගැසට් කර ඇති බවයි.

කුසල් මෙන්ඩිස් සහ අසිත ප්‍රනාන්දුට එක්සත් ජනපදයට යාමට මෙතෙක් වීසා බලපත්‍ර ලැබී නොමැති බව වාර්තා වනවා. කෙසේවෙතත් සංචිතයේ සෙසු ක්‍රීඩකයන් අද උදෑසන ඩුබායි හරහා නිව්යෝර්ක් බලා පිටත්ව ගිය නමුත් වීසා ප්‍රමාදය හේතුවෙන් මෙන්ඩිස් සහ ප්‍රනාන්දුට ඔවුන් හා එක්වීමට නොහැකිවී ඇති බව වාර්තාවනවා.

ඉතා ප්‍රබල මාධ්‍යයක් වන සමාජ මාධ්‍ය හරහා නව ක්‍රමවේද ඔස්සේ නිවැරදි තොරතුරු ජනගත කිරිම මගින් රෝගය සම්බන්ධ නිවැරදි දත්ත, තොරතුරු සහ දැනුම්වත්භාවය ලබාදීම මෙහි මූලික අරමුණ වන අතර, රෝගය සම්බන්ධව පවතින වැරදි මත නිවැරදි කර ඉතා ඉක්මණින් සැඟවී සිටින රෝගීන් ප්‍රතිකාර සදහා යොමු කිරිමට අපේක්ෂා කරන අතර ම රෝගීන් සමාජයෙන් කොන් කිරීම අවම කිරිම තුලින් ඔවුන්ට යහපත් මානසික වටපිටාවක් නිර්මාණය කිරීම ද තවත් ඉළක්කයකි.

දකුණු සහ මධ්‍යම ආසියානු කටයුතු පිළිබඳ ඇමෙරිකානු සහකාර රාජ්‍ය ලේකම් ඩොනල්ඩ් ලූ මහතා ජනපති හමු වෙයි මෙරට සංචාරයක නිරත දකුණු සහ මධ්‍යම ආසියානු කටයුතු පිළිබඳ ඇමෙරිකානු සහකාර රාජ්‍ය ලේකම් ඩොනල්ඩ් ලූ (Donald Lu) මහතා ඊයේ (13) පස්වරුවේ ජනාධිපති කාර්යාලයේ දී ජනාධිපති රනිල් වික්‍රමසිංහ මහතා හමු විය.

බොරැල්ල සරණපාල හිමි මාවතේ නිවසක් වටලා සිදුකළ පරික්ෂාවේදී’’ කුඩු ශිරෝ’’ නමැති මහා පරිමාණ මත්ද්‍රව්‍ය ජාවාරම්කාරිය රුපියල් ලක්ෂ 80 කට ආසන්න මුදලක් තැන්පත්ව තිබූ බැංකු පොතක් , මත්ද්‍රව්‍ය සහ මුදල් තොගයක් සමග අත්අඩංගුවට ගත් බව කොළඹ අපරාධ කොට්ඨාසය කියයි.

මැදවච්චිය මහේස්ත්‍රාත් අධිකරණයේ සොරකමක් සම්බන්ධව විභාග වෙමින් පවතින නඩුවකට පසුගියදා(11දා) පැමිණි සැකකරුවෙකු නඩුව අවසන් වී, නිවස වෙත යමින් සිටියදී, අධිකරණය අසල නිවසක නවතා තිබූ, යතුරුපැදියක් සොරකම් කරගෙන ගොස් තිබියදී අත් අඩංගුවට ගත්බව මැදවච්චිය පොලිසිය පවසයි.

රට තුල විකිණෙන ආනයනික ප්ලාස්ටික් සහ කාඩ් බෝඩ් වෙසක් කූඩු නිසාවෙන් දේශීය වෙසක් කූඩු නිර්මාණකරුවන්ගේ නිෂ්පාදන විකුණා ගැනීමට දැඩි අපහසුතාවයක් පවතින බවත්, එමගින් රට තුල සිටින දරු පරපුරේ නිර්මාණශීලීතාවය, ඉවසීම සහ අවබෝධය වැනිදේ ඔවුන්ගේ සිත් වලින් මැකී ගොස් ඇති බව වෙසක් කූඩු නිෂ්පාදකයෝ පවසති.

සාමාන්‍ය පෙළ සිසුන් කණ්ඩායම් දෙකක ගැටුමට මවක් සම්බන්ධ වී අනුරාධපුර සහිරා විද්‍යාල විභාග මධ්‍යස්ථානය යුද පිටියක්. ගැටුමෙන් සහිරා විද්‍යාල කාර්යාලයේ දේපළවලට හානි. ගැටුමෙන් තුවාල වූ සිසුන් කිහිපදෙනෙකු අතර සිටි සිසුවෙකු ගිලන් රථයක් මාර්ගයෙන් අනුරාධපුර රෝහලට. විභාගය අතරමැද විවේක කාලයේදී , ආරක්ෂාව පතා සහ පැමිණිලි කිරීමට අනුරාධපුර පොලිසියට සිසු සිසුවියන් පිරිසක් දිව යති.

ග්‍රාම නිලධාරී හට ඉතිහාසයපුරා මේවන තෙක්ම සේවා ව්‍යවස්ථාවක් ලබා නොදීම හා ග්‍රාම නිලධාරී දීමනා ප්‍රමාණවත් නොවීම හේතුවෙන් දින 03 ක කාලයක් දිවයිනේ සියලුම ග්‍රාම නිලධාරීන් වෘත්තීය ක්‍රියාමාර්ගයක් ලෙස අද(14) දින සිට අසනීප නිවාඩු වාර්තා කර ඇත.

වැල්ලවාය පොලිස් වසමට අයත් ආනපල්ලම 03 කණුව ප්‍රදේශයේ නිවසකට අද (14දා) අලුයම ගම්වැදුණු අලිරංචුවකින් එක් අලියෙකු නිවසකට පහරදීමෙන් නිවසට දැඩි ලෙස අලාභහානි සිදුවී ඇති අතර නිවස තුළ සිටි කුඩා දරුවන් දෙදෙනෙකුට සහ තවත් අයෙකුට තුවාල සිදුවී ඇතැයි වැල්ලවාය පොලීසිය පවසයි.

මිරිහාන මාදිවෙල, සේනාලංකාදිකාරගම ප්‍රදේශයේ සිල්ලර බඩු විකිණීමේ වෙළඳසැලක් පවත්වාගෙන යන මුවාවෙන් හෙරෝයින් මත්ද්‍රව්‍ය විකිණීමේ නියැලුණු පුද්ගලයෙකු රුපියල් ලක්ෂ තුනකට ආසන්න වටිනා හෙරොයින් මත්කුඩු සමග අත්අඩංගුවට ගත් බව නුගේගොඩ කොට්ඨාස දූෂණ මර්දන ඒකකය පවසයි.

විදුලි බුබුළු එක්ලක්ෂ දස දහසක් පුවක් ගස් හාරසියයක් පළල අඩි 86 යි උස අඩි 82

ජාතික පාරිභෝගික අධිකාරිය විසින් සීනි, කිරි පිටි,ගෑස්, පොහොර, බිත්තර, කීරි සම්බා, බී ලූණු යන භාණ්ඩවල තොග සඟවාගෙන සිටි ලංකාවේ සියලුම වෙළෙඳුන් සම්බන්ධයෙන්,2023 ජනවාරි මාසයේ සිට කිසිඳු වැටලීමක් සිදුකර නොමැති බව, ජාතික විගණන කාර්යාලය මගින් නිකුත් කරන ලද නවතම විගණන වාර්තාවක සඳහන් වේ.

ශ්‍රී ලංකා ක්‍රිකට් කණ්ඩායම විස්සයි විස්ස ලෝක කුසලාන ශූරතා තරගාවලිය සදහා 05/14 දින උදෑසන කටුනායක ගුවන් තොටුපොළෙන් ඇමෙරිකා එක්සත් ජනපදය බලා පිටත්ව ගියහ .

උද්ධමනය හේතුවෙන් මෙරට එක් පවුලක් සඳහා මාසික පාරිභෝජන වියදම 2022 වර්ෂයට සාපේක්ෂව 2023 වර්ෂයේ දෙසැම්බර් මාසය වන විට රුපියල් 103,283 දක්වා 16.5%කින් ඉහළ ගොස් ඇති බව, ශ්‍රී ලංකා මහ බැංකුව විසින් නිකුත් කොට ඇති වාර්ෂික ආර්ථික විවරණ මහ බැංකු වාර්තාවේ සඳහන් වේ.

ඉල්ලීම් කිහිපයක් මුල් කර ගනිමින් අද(14දා) සිට දින 03 කාලයක් සියලුම රාජකාරිවලින් ඉවත්ව සිටීමේ වෘත්තීය ක්‍රියා මාර්ගයක් සිදුකරන බව ශ්‍රී ලංකා ග්‍රාම නිලධාරී සංගමය සඳහන් කරයි.

විජයදාස රාජපක්ෂ මහතා ශ්‍රී ලංකා නිදහස් පක්ෂ සාමාජිකතවය ලබා ගත්තේ යැයි පැවසුවද ඔහු වත්මන් ආණ්ඩුවේ අමාත්‍ය ධුරයක් හොබවන බැවින් ඔහු පාර්ලිමේන්තු මන්ත්‍රී ධුරය නියෝජනය කරන ශ්‍රී ලංකා පොදුජන පෙරමුණ විසින් ඊට අදාළ විනය ක්‍රියාමාර්ග ගැනීම සිදු නොකරනු ඇතැයි ’අද’ට වාර්තා වේ.

රජයේ විධායක නිලධාරීන්ට ඇති වී තිබෙන විසඳීම ප්‍රමාද කරන නිසා එයට විරෝධය පා ශ්‍රේණි 18 ක සේවය කරන නිලධාරීන් හෙට (15දා) සිට අකුරට වැඩ කිරිමේ වෘත්තීය ක්‍රියා මාර්ගයක් ආරම්භ කරන බව රජයේ විධායක නිලධාරීන්ගේ ඒකාබද්ධ කමිටුව සඳහන් කරයි.

ජංගම දුරකථනය ආරෝපණය කිරීමට යාමේදී විදුලි සැරවැදී පස් හැවිරිදි දැරියක මියගොස් ඇති බව පයාගල පොලිසිය පවසයි.

කුලියාපිටියේ සුසිත් ජයවංශ ඝාතනය සම්බන්ධයෙන් සැකපිට අත් අඩංගුවට ගෙන රිමාන්ඩ් බන්ධනාගාරගත කර සිටි සිඟිති ඇතුළු සැකකරුවන් මේ මස 27 දක්වා යළිත් රක්ෂිත බන්ධනාගාරගත කරන්නැයි කුලියාපිටිය මහේස්ත්‍රාත් රන්දික ලක්මාල් ජයලත් මහතා අද (13දා) නියම කළේය.

පන්දුවාර විස්සයි 20 ලෝක කුසලාන ක්‍රිකට් තරගාවලිය සඳහා පිටත්ව යන ශ්‍රී ලංකා ක්‍රිකට් කණ්ඩායමට ජනපතිගෙන් සුබපැතුම් ආසියාතික රග්බි ශූරතාවලිය ජයග්‍රහණය කළ ශ්‍රී ලංකා රග්බි කණ්ඩායමද ජනපති හමු වෙයි.

යුක්තිය මෙහෙයුමට අදාළව විශේෂ රාජකාරී සඳහා යොදවා සිටියදී ලැගුම්හලක සිටි යුවළකගෙන් අල්ලස් මුදල් ලබා ගැනීම සම්බන්ධයෙන් අත්අඩංගුවට ගත් පොලිස් නිලධාරීන් දෙදෙනාගේ රාජකාරි වැඩ තහනමට ලක් කළ බව පොලිස් මූලස්ථානය කියයි.

අවිස්සාවේල්ල දිසා විනිසුරු නිල රාජකාරී යොදවා සිටි පොලිස් කොස්තාපල්වරයෙකු මත්පැන් පානය කර මාර්ගයේ රැඳී සිටියදී අත්අඩංගුවට ගත් බව අවිස්සාවේල්ල පොලිසිය කියයි.

ශ්‍රී ලංකා නිදහස් පක්ෂයේ නව සභාපතිවරයා ලෙස විජයදාස රාජපක්ෂ මහතා ඊයේ (12) දින පත් කර ගැනීමට සහ විධායක සභාව විසින් ගත් තීරණවලට බාධා කිරීම සියලු පාර්ශවයන්ට වළක්වාලමින් වාරණ නියෝගයක් කඩුවෙල දිසා අධිකරණය අද (13) නිකුත් කළේය.

ආණ්ඩුක්‍රම ව්‍යවස්ථාවේ හා ජනාධිපතිවරණ පනතේ දක්වා ඇති නිශ්චිත කාලවකවානු අනුව මෙවර ජනාධිපතිවරණය ද පැවැත්වීම හා දින නියම කිරීම සිදු කෙරෙන අතර එය කිසිසේත් හදිසියේ රජය ගත් තීරණයක් නොවන බවත් අය-වැය මගින් මුල දී ම ඒ සඳහා මුදල් ප්‍රතිපාදන ද වෙන් කර ඇති නිසා ජනාධිපතිවරණය පැවැත්වීම වෙනුවෙන් මූල්‍ය ගැටලු‍වක් මතු විය නොහැකි බවත් අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පවසයි.

ශ්‍රී ලංකාව ආසන්න පහල වායුගෝලයේ කැළඹිලි ස්වභාවයක් වර්ධනය විම හේතුවෙන් දිවයින පුරා වැසි තත්වයේ වැඩි වීමක් හෙට (14) බලාගපොරොත්තු වන බව කාලගුණ විද්‍යා දෙපාර්තමේන්තුව කියයි.

පසුගිය ජනවාරී 21වන දින අධිවේගී මාර්ගයේ බෙලිඅත්ත පිවිසුම ආසන්නයේදී අපේ ජනබල පක්ෂයේ නායක සමන් පෙරේරා ඇතුලු පුද්ගලයින් පස් දෙනෙකු වෙඩි තබා ඝාතන සිද්ධියේ මෙරටින් පලාගිය සැක කරුවන් දෙදෙනෙක් ඉන්දියාවේදී අත්අඩංගුවට ගත් බව අපරාධ පරීක්ෂණ දෙපාර්තමේන්තුව සඳහන් කරයි.