අතුරුගිරියේ ටැටූ මධ්‍යස්ථානයක සිදුවූ වෙඩි තැබීමට සම්බන්ධ සැකකරුවන් රටින් පිටව ගොස් තිබෙනවාද යන්න මෙතෙක් සිදුකළ විමර්ශනවලදී අනාවරණය වී නොමැති බව පොලිස් මාධ්‍ය ප්‍රකාශක නියෝජ්‍ය පොලිස්පති නීතිඥ නිහාල් තල්දූව මහතා සඳහන් කළේය.

මාතලේ මහවෙල මිල්ලවාන ප්‍රදේශයේ ඇතිවූ ඉඩම් ආරවුලක් දුරදිග යෑමෙන් ඇති වූ ගැටුමකින් නිවාඩු ලබා පැමිණ සිටි නාවික හමුදා සෙබලෙකු අද(17)දින මරණයට පත්ව ඇති බව මහවෙල පොලිසිය පවසයි.

එළැඹෙන ජනාධිපතිවරණය සඳහා ඉදිරිපත් වන අපේක්ෂකයින්ගේ මෙන්ම හිටපු ජනාධිපතිවරුන්ගේ පෞද්ගලික ආරක්ෂක විධිවිධාන

දේශබන්දු තෙන්නකෝන් මහතා පොලිස්පති ධූරයේ කටයුතු කිරීම වළකාලන අතුරු නියෝගය නිකුත් කරනු ලැබුවහොත් ජනාධිපති මැතිවරණයේදී ගැටලු සහගත තත්වයක් උද්ගත විය හැකි යැයි ජනාධිපති නීතිඥ රොමේෂ් ද සිල්වා මහතා ශ්‍රේෂ්ඨාධිකරණයට ඊයේ (17) දැනුම් දුන්නේය.

ණය ප්‍රතිව්‍යුහගත කිරීම ගැන ආරංචිය සුබ බව සඳහන් කළද රටේ ආර්ථිකය තිබෙනුයේ තවමත් පිහියෙහි දාරය මත බව සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පැවසීය.

ජාත්‍යන්තර මූල්‍ය අරමුදල 2024 වසරේ චීන ආර්ථික වර්ධන පුරෝකථනය 5% ක් දක්වා ඉහළ නංවයි. එම සංවිධානය සිය නවතම ‘ලෝක ආර්ථික දැක්ම’ වාර්තාව නිකුත් කරමින් ඊයේ (16) මේ බව පැවසීය.

රට ආර්ථික සහ සමාජයීය වශයෙන් නඟා සිටුවීමට ජනපති ගෙන යන වැඩපිළිවෙළට මහා සංඝරත්නයේ ආශිර්වාදය නිරතුරුවම හිමි වෙනවා – මල්වතු පාර්ශ්වයේ අනුනායක ආචාර්ය අතිපූජ්‍ය නියංගොඩ විජිතසිරි අනුනායක ස්වාමීන් වහන්සේ. ශාසනික වශයෙන් අර්බුද රැසක් නිර්මාණය වී තිබෙන යුගයක මෙවැනි ආයතනයක් විවෘත කිරීම ඉතා කාලෝචිත පියවරක් – අස්ගිරි පාර්ශ්වයේ නියෝජ්‍ය ලේඛකාධිකාරී අතිපූජ්‍ය නාරංපනාවේ ආනන්ද හිමිපාණන් වහන්සේ.

කාන්තා ආසියානු කුසලාන තරගාවලිය වෙනුවෙන් ක්‍රීඩා කරන ශ්‍රී ලංකා කාන්තා සංචිතය ක්‍රිකට් ආයතනය විසින් ප්‍රකාශයට පත්කර තිබේ. මෙහි නායකත්වය චමරි අතපත්තු නම් කර තිබේ. ආසියානු කුසලාන ක්‍රිකට් තරගාවලිය එළැඹෙන 19දා දඹුල්ලේදී ආරම්භ විමට නියමිතය.

රාජ්‍ය මූල්‍ය කළමනාකරණ (PFM) පනත් කෙටුම්පතෙහි අඩංගු කරුණු පිළිබඳ දීර්ඝ සාකච්ඡාවකින් අනතුරුව රජයේ මුදල් පිළිබඳ කාරක සභාව විසින් සලකා බලා අනුමත කරන ලදී.

ශ්‍රී ලංකාව රජය විසින් ශ්‍රී ලාංකිකයන්ට විද්‍යුත් ගමන් බලපත්‍ර ලබාදීමේ ක්‍රම වේදය ලබන වසරේ ජනවාරි 1 සිට ආරම්භ කිරීමට නියමිත බව ආගමන හා විගමන දෙපාර්තමේන්තුව පවසයි.

මත්ද්‍රව්‍ය වලට ඇබ්බැහි වූවන් පුනරුත්ථාපන කිරීමේ වැඩසටහන යටතේ ක්‍රියාත්මක සූවසාර කැදැල්ල ප්‍රජාපාදක ප්‍රතිකාර පුනරුත්ථාපන වැඩසටහන හේතුවෙන් පොලිස් ස්ථානාධිපතිවරුන්ගේ සිට පහළ ශ්‍රේණියේ සියලුම නිලධාරීන් දැඩි අපහසුතාවයට පත්ව අන්ත අසරණ වී ඇතැයි දැනගන්නට ඇත.

සියලුම මාර්ගවල පවතින අනාරක්ෂිත තත්ත්වයන් සම්බන්ධයෙන් අදාල ආයතන වගකිවයුතු බවත් එම අනාරක්ෂිත තත්ත්වයක් හේතුවෙන් අනතුරක් සිදුවුවහොත් අදාල ආයතනයට නීතිය ක්‍රියාත්මක කෙරෙනු ඇති බවත් ගම්පහ පොලිස් අධිකාරී තිස්ස සේනානායක මහතා , ගම්පහ කොට්ඨාස මාර්ග ආරක්ෂක කමිටුවේදී පැවසීය.

ඉඩම් ප්‍රතිසංස්කරණ කොමිෂන් සභාව සතු ඉඩම් වල පදිංචිය හා බුක්තිය ලබාදීමේ ක්‍රමවේදය නැවත සමාලෝචනය කර සරල බවට පත් කිරීමට කාරක සභාවෙන් නිර්දේශයක් ඉඩම් ප්‍රතිසංස්කරණ කොමිෂන් සභාව විසින් පතල් සඳහා දැනට ලබා දෙන පර්චස් 1ක භුමි ප්‍රමාණය වැඩි කිරීමට නිර්දේශ - පර්චස් එකකට අයකරනු ලබන බදු මුදල් සංශෝධනය කිරීමටත් කාරක සභාවෙන් යොජනා 2010 ට පෙර ඉඩම් ප්‍රතිසංස්කරණ කොමිෂන් සභාවේ ඉඩම්වල පදිංචි වූ අනවසර පදිංචි කරුවන්ට ඔප්පු ලබාදීමේ දී එය 2021 වසර ට පෙර දක්වා ලෙස

පේරාදෙණිය විශ්ව විද්‍යාලයේ පුස්තකාලය සතුමහා වංශය පුස්තකයලෝක උරුමයක් ලෙස නිල වශයෙන් ප්‍රකාශයට පත් කිරීම යුනෙස්කෝ සංවිධානයේ අධ්‍යක්ෂ ජෙනරාල් අවුඩ්‍රේ ඔසේලේ මහත්මියගේ ප්‍රධානත්වයෙන් එම පුස්තකාල පරිශ්‍රයේදී සිදු කෙරුණි.

මේ හේතුවෙන් රෝහලට පැමිණෙන බොහෝ පිරිසකට විකල්ප මාර්ගයක් නොමැති බැවින් නිසි විසදුමක් කඩිනමින් ලබාදෙන ලෙස ඔවුහූ ඉල්ලා සිටී.

රාජ්‍යතාන්ත්‍රික මට්ටමින් නීත්‍යානුකූල ලිපියක් ලබා දෙන්නේ නම් මත්ද්‍රව්‍ය ජාවාරම්කරුවකු මෙන්ම පාතාල නායකයෙකු වන කන්ජිපානි ඉම්රාන් ලංකාවට ගෙන ඒමේ හැකියාව තමන්ට තිබෙන බව හිටපු පොලිස් පරීක්ෂක දුමින්ද ජයතිලක මහතා පවසයි.

ශ්‍රී ලංකාව හා ඉන්දියාව අතර ශ්‍රි ලංකාවේදි පැවැත්වීමට නියමිත විස්සයි20 තරගාවලිය සඳහා ඉන්දිය විස්සයි20 කණ්ඩායමේ නායකත්වය සූර්ය කුමාර් යාදව්ට ලබාදිමට ඉන්දියාව තීරණය කර තිබේ.

බහුතර කුඹුරුවලින් මේ වනවිට ලැබෙන අස්වැන්න හෙක්ටයාරයකට මෙට්‍රික් ටොන් 1 සිට 2.5 දක්වා වන බවත් එසේමඑම ප්‍රමාණය ගොවීන්ට නිෂ්පාදන වියදම හෝ ආවරණය කර ගැනීමට කිසිසේත් ප්‍රමාණවත් නොමැති බවත් කෘෂිකර්ම හා වැවිලි කර්මාන්ත අමාත්‍යාංශය අනාවරණය කරගෙන තිබේ.

ගුරු විදුහල්පතිවරුන්ට හා දෙමාපියන්ට ඇති වී තිබෙන ගැටලු විසඳීමට ආණ්ඩුව කටයුතු නොකරන නිසා මේ මස 22 වැනි දින සිට අකුරට වැඩ කිරීමේ වෘත්තීය ක්‍රියා මාර්ගයක් ආරම්භ කරන බව ගුරු විදුහල්පති වෘත්තීය සමිති සන්ධානය සඳහන් කරයි.

රජයේ රෝහල්වල තිබෙන සීටී ස්කෑන් යන්ත්‍ර 44න් යන්ත්‍ර 07 ක් මේ වන විට දෝෂවලට ලක් වී තිබෙන බවත්, මේ නිසා රෝගී ජනතාව දැඩිදුෂ්කරතාවන්ට පත්වන බවත් රජයේ විකිරණ විද්‍යා තාක්ෂණවේදීන්ගේ සංගමය සඳහන් කරයි.

නව විදුලි මිල සංශෝධනයත් සමඟ භාණ්ඩ හා සේවා ගාස්තු 20%කින් අඩු කළ හැකියි නව විදුලි මිල සංශෝධනයෙන් වැඩිම සහනයක් ලැබී තිබෙන්නේ ඒකක 90ට වඩා අඩුවෙන් පාරිභෝජනය කරන ජනතාවටයි.

මොරටුව ලක්ෂපතිය ප්‍ර දේශයේ පුද්ගලයකු කපා කොටා ඝාතනය කිරීමේ සිද්ධියට සැකපිට මරණකරුගේ බිරිඳ සහ ඇයගේ සොහොයුරා (16) අත්අඩංගුවට ගත් බව පොලිසිය පැවසීය.

අතුරුගිරිය ප්‍රදේශයේ ටැටු ආයතනයකදී වෙඩි තබා ඝාතකයය කළ සුරේන්ද්‍ර වසන්ත හෙවත් ක්ලබ් වසන්ත නමැත්තාගේ මෘත දේහය තැන්පත් කර තිබු බොරැල්ල මල්ශාලාවට අවස්ථා දෙකකදී තර්ජනාත්මක දුරකතන ඇමතුම් දීම සම්බන්ධයෙන් දුරකථන විශ්ලේෂණ වාර්තා කැඳවීමට කොළඹ අතිරේක මහේස්ත්‍රාත් හර්ෂණ කැකුණුවෙල මහතා බොරැල්ල පොලිසියට නියම කළේය.

අනුරාධපුර පූජා නගරයේ පිහිටි ’’වෙස්සගිරිය’’ වර්තමාන ඉසුරුමුණියේම කොටසක් බවට සාක්ෂි ලැබී ඇතැයි පුරාවිද්‍යා අධ්‍යක්ෂ ජනරාල් මහාචාර්ය ඩී. තුසිත මෙන්ඩිස් මහතා පැවසීය.

ජාත්‍යන්තර ක්‍රිකට් කවුන්සිලයේ (ICC) වාර්ෂික සමුළුව ලෝකයේ ක්‍රිකට් ක්‍රීඩා කරන රටවල් 108 ක නියෝජිතයන් 220 කගේ සහභාගීත්වයෙන් එළඹෙන 07/19 දින සිට 07/22 දින දක්වා ශ්‍රී ලංකාවේ පැවැත්වීමට කටයුතු සූදානම් කර තිබේ.

යෝජිත අධ්‍යාපන ප්‍රතිසංස්කරණ අනුව සෞන්දර්ය විෂයයන් සාමාන්‍ය අධ්‍යාපනයේ අත්‍යවශ්‍ය අංගයක් බව අධ්‍යාපන අමාත්‍යාංශය නිවේදනයක් නිකුත් කරමින් පවසයි.

ජපානයේ නගෝයා විශ්ව විද්‍යාලය මගින් මෙරට වෛද්‍ය පරිපාලකයින් හට වසරක පුහුණු ශිෂ්‍යත්වයක් ලබාදීමට කැමැත්ත පළ කරයි.

මෙම දිනවල ළමයින් අතර උණ සමග කැස්ස හෙම්බිරිසා තත්ත්වයන් වැඩිවී ඇතැයිද, ඉන්ෆ්ලුවෙන්සා රෝගීන්ද වැඩි වීමක් දක්නට ඇතැයිද කොළඹ රිජ්වේ ආර්යා ළමා රෝහලේ ළමා රෝග විශේෂඥ වෛද්‍ය දීපාල් පෙරේරා මහතා සඳහන් කරයි.

මඩකලපුව, කාත්තාන්කුඩි පොලිස් වසමට අයත් පූනොචිමුණ ගම්මානයේ නිවසක පිපිරීමක් සිදුව තිබෙනවා.