සියම් මහා නිකායේ මල්වතු විහාර පාර්ශ්වයේ මහානායක අනුනායක ස්වාමීන්දුවර ප්‍රමුඛ විංශත්වර්ගික කාරක සංඝ සභාවේ පුර්ණ අනුමැතියෙන් ස්විට්සර්ලන්තයේ ප්‍රධාන සංඝනායක පදවිය , ජිනීවා බෞද්ධ විහාරයේ හා හෝකන්දර ශ්‍රී විජයානන්ද ධර්මායතනයේ ප්‍රධාන ආචාර්ය පුජ්‍ය තවලම ධම්මික නාමියන්වෙත ධර්ම කීර්ති ශ්‍රී ජාත්‍යන්තර භාෂා විශාරද යන ගෞරව නාමය සහිතව පිරිනමා තිබේ.

ණය ගෙවීමට නොහැකි වුණොත් නැවතත් පෝලිම් යුගයකට ගමන් කළ හැකි බවත්, 2028 දී ණය ගෙවීම ආරම්භ කළ යුතු බවත් හිටපු ජනාධිපති රනිල් වික්‍රමසිංහ මහතා පැවසීය. ’’එල් බෝඩ්’’පාර්ලිමේන්තුවක් පත් වුව හොත් රටේ විශාල අර්බුදයක් ඇතිවීමට ඉඩ ඇති බවද ඔහු සඳහන් කළේය. ගෑස් සිලින්ඩරයෙන් තරග වදින නව ප්‍රජාතන්ත්‍රවාදී පෙරමුණේ අවසන් ජනරැලිය අමතමින් මරදානයේදී අද (11දා) පැවති රැස්වීමේ දී ඔහු එසේ පැවසීය.

2028 වසරේ දී ණය ගෙවීම ආරම්භ කිරීමේ දී ගෙවිය යුතු ණය පංගුව ඉක්මවා යන ආර්ථිකයක් මෙරට තුළ ඇති කරන බව ජනාධිපති අනුර කුමාර දිසානායක මහතා පැවසුවේය. ඒ සඳහා අවශ්‍ය ආර්ථික සැලසුම් සැලසුම් සකස් කර ඇති බව ද ජනාධිපතිවරයා කීවේය.

අනුරාධපුර පොලිස් කොට්ඨාසයට අයත් ගිරානේගම පොලීසිය මගින් අත්අඩංගුවට ගත් සැකකරුවන් පිරිසකට පොලිස් සිර මැදිරිය තුළ සූදු ක්‍රීඩාවේ (බූරු ගැසීමේ) නිරත වීමට අවස්ථාව සලසා දී, සිර මැදිරිය තුළ මත්පැන් පානය කිරීමේ සිද්ධියක් සම්බන්ධයෙන් ගිරානේගම පොලිසියේ ස්ථානාධිපතිවරයා ඇතුළු පොලිස් නිලධාරීන් තිදෙනෙකු අද (11දා) අත්අඩංගුවට ගත් බව අනුරාධපුර කොට්ඨාස අපරාධ විමර්ශන අංශය පවසයි.

උපයාගත් ආකාරයේ හෙළි කළ නොහැකි අන්දමේ විශාල වත්කම් ප්‍රමාණයක් තමන් සතු කරගෙන ඇතැයි කියන අවුරා ලංකා සමාගමේ සභාපති විරාජ් තාඹුගල නමැත්තා සහ කෙටිකලකින් රුපියල් කෝටි ගණනක් මුදල් ඉපයූයේ යැයි කියන පියුමි හංසමාලි නමැත්තිය රජයට ආදායම් බදු නොගෙවීම සම්බන්ධයෙන් කරන විමර්ශනවල ප්‍රගතිය වහාම අධිකරණයට වාර්තා කරන ලෙස කොළඹ අතිරේක මහේස්ත්‍රාත් බණ්ඩාර ඉළංගසිංහ මහතා දේශීය ආදායම් කොමසාරිස්වරයාට අද (11දා) නියෝග කළේය.

BRICS සාමාජිකත්වය සඳහා ශ්‍රී ලංකාව ඉදිරිපත් කළ අයදුම්පත ප්‍රතික්ෂේප කර ඇති බවට පළ වූ පුවත් ශ්‍රී ලංකා විදේශ කටයුතු අමාත්‍යංශය විසින් ප්‍රතික්ෂේප කර තිබේ. විදේශ කටයුතු අමාත්‍යාංශය සඳහන් කළේ, ඔක්තෝබර් 07 වැනිදා අමාත්‍ය මණ්ඩලය විසින් අනුමත කළ පරිදි ශ්‍රී ලංකාව BRICS සහ නව සංවර්ධන බැංකුවේ සාමාජිකත්වය සඳහා ඉල්ලුම් කළ බවයි.

2024 මහ මැතිවරණය හේතුවෙන් නොවැම්බර් 14 වනදා කොළඹ කොටස් වෙළෙඳපොළේ කටයුතු වරුවකට පමණක් සිමා කර තිබේ. ඒ අනුව එදින කොළඹ කොටස් වෙළඳපොළ උදෑසන 9.30 සිට පස්වරු 12.30 දක්වා පමණක් ගනුදෙනු සිදු කරනු ඇත.

දේශබන්දු තෙන්නකෝන් මහතා පොලිස්පතිධූරයට පත් කිරීමට එරෙහිව තරුණ ජනමාධ්‍යවේදීන්ගේ සංගමයේ සභාපති තරිදු ජයවර්ධන මහතා ඇතුළු පිරිසක් ගොනු කළ මූලික අයිතිවාසිකම් පෙත්සම් ලබන වර්ෂයේ මාර්තු 24 සහ 25 වැනි දිනයන්හි විභාගයට ගැනීමට දින නියම කළ ශ්‍රේෂ්ඨාධිකරණය මෙම පෙත්සම් පූර්ණ විනිසුරු මඩුල්ලක් හමුවේ සලකා බලන ලෙස පොලිස්පති දේශබන්දු තෙන්නකෝන් මහතාද ඊට එරෙහිව පෙත්සමකාර පාර්ශවයෙන්ද ඉදිරිපත් කළ මෝෂන් අගවිනිසුරු ජයන්ත ජයසූරිය මහතා වෙත අද (11) යොමු කළේය.

දසවැනි පාර්ලිමේන්තුව සඳහා මන්ත්‍රීවරුන් ‍‍තෝරා පත්කර ගැනීම වෙනුවෙන් පැවැත්වෙන මහ මැතිවරණය එළඹෙන නොවැම්බර් 14 වැනිදාට යෙදී තිබේ. එහිදී මහජන ඡන්දයෙන් තේරී පත්වන මන්ත්‍රීවරයන් 196ක් සහ ජාතික ලැයිස්තුවෙන් තෝරා පත්කරගනු ලබන මන්ත්‍රීවරයන් 29 දෙනෙක්ද ඇතුළුව පාර්ලිමේන්තුවේ මුළු මන්ත්‍රී සංඛ්‍යාව 225ක් බවට පත්වේ.

උමාඔය ව්‍යාපෘතිය යටතේ ඉඳිකරන ලද අලිකොටආර ජලාශය මේ දිනවල වාන්දමමින් පවතී. වැවේ ඉහළ කොටස වන නමුණුකුල කඳුවැටියට මේ දින වල ඇදහැලෙන ධාරානිපාත වර්ෂාවත් සමඟ ජලාශය ජලයෙන් පිරී පැවතීම නිසා ගංවතුර තත්වය පාලනයකිරීම සඳහා එහි වාන්දොරටු තුනම විවෘතකළ බව ජලාශ භාර වාරිමාර්ග ඉංජිනේරු ආර්.ජී රංජිත් මහතා පවසයි.

මහ මැතිවරණය හේතුවෙන් දින 2ක් එනම් එලඹෙන 14සහ 15 දා සුරාසල් වසාතැබීමට නියමිත බව සුරාබදු දෙපාර්ථමේන්තුව දන්වා සිටියි.

මාලිමාවේ කළුතර දිස්ත්‍රික් කණ්ඩායම් නායක වෛද්‍ය නලින්ද ජයතිස්ස මහතා ඉගෙන ගත් සී ඩබ්ලිව් ඩබ්ලිව් කන්නන්ගර මධ්‍යම මහ විද්‍යාලයේ දෙවන වාර පරීක්ෂණයේ දී උසස් පෙළ දරුවන්ට ලබා දුන් සාමාන්‍ය පොදු පරීක්ෂණයේ ප්‍රශ්න පත්‍රයට ජාතික ජන බලවේගයට සම්බන්ධ ප්‍රශ්න 5ක් අන්තර්ග කර ඇති බවත්, පාසල් දරුවන් දේශපාලනීකරණය කිරීමේ ආණ්ඩුවේ පළමු පියවර මෙයදැයි තමන් ප්‍රශ්න කරණ බවත් පිවිතුරු හෙළ උරුමය නායක සර්වජන බලය කොළඹ දිස්ත්‍රික් අපේක්ෂක නීතිඥ උදය ගම්මන්පිල මහතා පවසයි.

ලග්ගල දේවාලදෙනිය ප්‍රදේශයේ කෝටිපති මැණික් ව්‍යාපාරිකයෙකුගේ නිවසට ඇතුළු වී නාදුනන පස් දෙනෙකු කෝටිපති ව්‍යාපාරිකයා බිරිඳ සහ ව්‍යාපාරිකයාගේ පියාණන්ගේ දෑත් දෙපා ගැටගසා 10 දින රාත්‍රියේ රුපියල් කෝටි හතක් පමණ වටිනා මැණික් ස්වර්ණාභරණ සහ මුදල් මෙන්ම මෝටර් රථයක් පැහැරගෙන ගොස් ඇතැයි ලග්ගල පොලිසිය කියයි.

තමන් ද්විත්ව පුරවැසි භාවය ඇති අයෙක් කියා බොහෝ දේශපාලන ප්‍රභලයින් චෝදනා නගන නිසා එය ඉවත්කර ගැනීමේ ලිපිය මාධ්‍යට ඉදිරිපත් කරන බව තිලකරත්න දිල්ෂාන් මහතා අද දහවල් කළුතර දී මාධ්‍ය හමුවක් පවත්වමින් පැවසීය .

ප්‍රවාහන , මහාමාර්ග , වරාය සහ සිවිල් ගුවන් සේවා අමාත්‍ය විජිත හේරත් මහතා කටුනායක ගුවන් තොටුපොළ තුළ 11/10 දින දහවල් නිරීක්ෂණ චාරිකාවක නිරත විය.

නොවැම්බර් 14 දා පැවැත්වෙන පාර්ලිමේන්තු මැතිවරණයේ ප්‍රචාරක කටයුතු තහනම් නිහඬ කාල සීමාව අද (11) මධ්‍යම රාත්‍රි 12.00 න් ආරම්භවන අතර එයින් පසු මැතිවරණයේ ප්‍රචාරක කටයුතු නොකළ කළ යුතු බව මැතිවරණ කොමිෂන් සභාව අවධාරණය කරයි.

මහ මැතිවරණයට අදාළව ඡන්දය භාවිතා කිරීමේදී මෙවර සුලැඟිල්ල වෙනුවට දඹරඟැල්ල වර්ණවත් කිරීමට මැතිවරණ කොමිෂන් සභාව තීරණෙය කර තිබේ.

2006 මැයි 31 දිනට පෙර උපන් වයස අවුරුදු 18 සම්පූර්ණ වන අයගේ නම්ද ඡන්ද හිමි නාමලේඛනයේ ඇති බැවින් අපොස උසස් පෙළ සිසුනට ඡන්දය පුකාශකිරීමට බාධාවක් නොවන අයුරින් උසස්පෙළ උපකාරක පන්ති යොදා ගනනා ලෙසද මැතිවරණ කොමිෂන් සභාව සිය ලිපිය මගින් දැනුම් දී තිබේ.

මරදාන දුම්රිය නිල නිවාස ඉදිරිපිටදි පියා විසින් සිය ජීප් රථය පසුපසට ධාවනය කිරීමේදි එම ජීප් රිය පසුපස සිටි ඔහුගේ දරුවා ජීප් රියට යටවී ජීවිතක්ෂයට පත්ව ඇතැයි පොලීසිය කියයි.

සංචාරක නවසීලන්ත කණ්ඩායම සමග පැවති දෙවැනි විස්සයි 20 තරගය පරාජයවීම සම්බන්ධයෙන් තමා ඇතුළු සියලු පිතිකරුවන් වගකීම භාර ගත යුතු බව ශ්‍රී ලංකා කන්ඩායමේ නායක චරිත් අසලංක පැවසීය.

දෙහිවල ප්‍රදේශයේ නිවසක් බිද රුපියල් 1,900,000/= (දහනව ලක්ෂයකට) අධික වටිනා දේපල සොරාගන්නාලද මාලිගාවත්ත පොලීසියට අනුයුක්තව සේවයේ.නිරත වෙමින් සිටි පොලිස් කොස්තාපල්වරයෙකු දෙහිවල පොලීසිය මගින් අත්අඩංගුවට ගෙන ඇතැයි පොලීසිය පැවසීය.

විවිධ ආරක්ෂක හේතූ මත පවරාගෙන තිබෙන උතුරේ ජනතාවගේ ඉඩම් යළි ඔවුන් ලබා දීමට කටයුතු කරන බව ජනාධිපති අනුර කුමාර දිසානායක මහතා පැවසීය.

ශ්‍රී ලංකා දුම්රිය දෙපාර්තමේන්තුව සඳහා සුහුරු ටිකට්පත් පද්ධතියක් ස්ථාපිත කිරීමට පුද්ගලික උපදේශක සමාගමකට රුපියල් මිලියන 21 ක මුදලක් ගෙවා තිබුණද ව්‍යාපෘතිය සම්බන්ධව කිසිදු ප්‍රගතියක් අත්පත් කරගෙන නොතිබුණු බව ජාතික විගණන කාර්යාලය මගින් නොවැම්බර් මස 09 වැනි දින නිකුත් කොට ඇති නවතම විගණන වාර්තාවක සඳහන් වේ.

රුධිරයේ කැටි ගැසීමට බලපාන ප්‍රධාන සාධකයක් වන අටවැනි සාධකය නොමැති වීම නිසා ඉතා කුඩා සීරීමකින් පවා විශාල රුධිර ගලනයන් නිර්මාණය වන හිමෝෆීලියා රෝගීන්ගේ රෝගී තත්ත්වයන් පාලනය කිරීම සඳහා ලබා දෙන අටවැනි සාධකය ( factor VIII) මෙන්ම අදාළ රෝගී තත්ත්වය පාලනය සඳහා ලෝකය පුරා දැනට අලුතින්ම භාවිත වන Emicizumab නැමැති ඖෂධ මෙරට සෞඛ්‍ය පද්ධතිය තුළ ප්‍රමාණවත් තරම් නොමැති වීමෙන් එම රෝගීන්ගේ ජීවිත අනතුරට ලක්වීමේ විශාල අවදානමක් නිර්මාණය විය හැකි බව සමගි ජන සන්ධාන කොළඹ

මේ මස 14වන දින පවත්වන පාර්ලිමේන්තු මැතිවරණයේදී ඡන්ද පොළේදී භාවිත කළ හැකි අනන්‍යතා පත්‍ර නවයක් මැතිවරණ කොමිෂන් සභාව විසින් ප්‍රකාශයට පත් කර තිබේ.

රේගු දෙපාර්තමේන්තුව මේ වසරේ ගෙවීගිය කාලය තුළදී රුපියල් බිලියන 1200ක් ඉක්ම වූ ආදායමක් උපයා ගෙන තිබෙන බව එම දෙපාර්තමේන්තුව සඳහන් කරයි.

මෙරට තිබෙන විශේෂිත ළමා රෝහල් දෙකේ ස්ථාපිත කර තිබෙන එම්. ආර්. අයි. (MRI) යන්ත්‍ර දෙකම ක්‍රියා විරහිත වී තිබෙන බව රජයේ විකිරණ විද්‍යා තාක්ෂණවේදීන්ගේ සංගමය සඳහන් කරයි.

ඉන්දීය නාවික හමුදාවට අයත් ‘INS Vela’ සබ්මැරීනය නිල සංචාරයක් සඳහා අද දින (2024 නොවැම්බර් 10) උදෑසන කොළඹ වරායට පැමිණි අතර, ශ්‍රී ලංකා නාවික හමුදාව විසින් එම සබ්මැරීනය නාවික හමුදා සම්ප්‍රදායානුකුලව පිළිගැනීමට කටයුතු කෙරිණි.

බේකරි හිමියන්ගේ සංගම්වල ඉල්ලීමට තිරිඟු පිටි මත පනවා ඇති බද්ද ලිහිල් කිරීමට රජය පියවර ගනිමින් සිටින බවත්, මිල ඉහළ යාම සමඟ සහල් පරිභෝජනය පහත වැටී ඇති මොහොතක එය ක්‍රියාත්මක වුවහොත් රට තුළ භයානක තත්ත්වයක් ඇතිවන බවත් සමස්ත ලංකා සහල් නිෂ්පාදකයන්ගේ සංගමයේ සභාපති නිශාන්ත අත්තනායක මහතා පවසයි.