කොළඹ කොටස් හුවමාරුවේ සුවිශේෂී සංධිෂ්ඨානයක් පසුකරමින් අද දිනයේදී සියලු කොටස් මිල දර්ශකය ඒකක 16000 සීමාව ඉක්මවා ගියේය. දිනය අවසානයේදී සියලු කොටස් මිල දර්ශකය ඒකක 403.9 කින් ඉහළ ගොස් ඒකක 16 348.5ක් දක්වා ඉහළ ගියේය.

පාර්ලිමේන්තුව 2025 ජනවාරි 7 වැනිදා සිට 10 වැනිදා දක්වා රැස්වීමට තීරණය වූ බව පාර්ලිමේන්තුවේ මහලේකම් කුෂානි රෝහණදීර මහත්මිය පැවසුවාය.

සේනානායක සමුද්‍රයේ ජලපෝෂක ප්‍රදේශය වන මොනරාගල බිබිල දොරපොතකන්ද ප්‍රදේශයට මේ දිනවල ඇදහැලෙන වර්ෂාවත් සමඟ මොනරාගල දිස්ත්‍රික්කයේ පිහිටි ඉගිණියාගල සේනානායක සමුද්‍රය ජනවාරි (02) වෙනිදා වන විට ජලයෙන් පිරී වාන් දැමීමට ආසන්නව පවතින බව වාරිමාර්ග නිලධාරීහු පවසති.

කිලිනොච්චිය පුලියන්පොක්කනෙයි ප්‍රදේශයේ මාර්ගයක ඉදිකොට තිබූ පාලමක් යට තිබී හඳුනානොගත් පුද්ගල මළසිරුරු දෙකක් අද (02) උදෑසන සොයාගත් බවට කිලිනොච්චිය පොලීසිය පැවසීය.

ජාතික බුද්ධි ප්‍රධානී මේජර් ජෙනරල් රුවන් වනිගසූරිය (විශ්‍රාමික) මහතා සිය ධුරයේ ඊයේ (01)දින වැඩ ආරම්භ කරනු ලැබීය. ආරක්‍ෂක ලේකම් එයාර් වයිස් මාර්ෂල් සම්පත් තුයියකොන්තා (විශ්‍රාමික) මහතා අතින් මේජර් ජෙනරල් රුවන් වනිගසූරිය (විශ්‍රාමික) මහතා සිය පත්වීම් ලිපිය ලබා ගත්තේය.

රුහුණු මහා කතරගම දේවාලයේ අරමුදලින් කතරගම දෙවියන්ට පිං අනුමෝදම් කිරිම සදහා මහරගම අපේක්ෂා රෝහලට නව ඇට මිදුලු බද්ධ කිරිමේ එකකයක් අද (02) වැනි දින උදෑසන විවෘත කරන ලදි.

නව වසර උදාව සමරමින් පැවැත් වූ මත් පැන් සාදයකදී අසාත්මිකතාවයකට පත්වීමෙන් රෝහල්ගත කළ තරුණයා හෘදයාබාධයකින් මියගොස් ඇති බවට පශ්චාත් මරණ පරීක්ෂණයේදී අනාවරණය වූ බව හෝමාගම හදිසි මරණ පරීක්ෂක සාම විනිසුරු චින්තක උදය කුමාර මහතා පවසයි.

බස් රථවල පනවා තිබෙන බදු ඉවත් නොකර, බස් රථ ගෙන්වීමට සිදුවුවහොත් අවම බස් ගාස්තුව රුපියල් පනහක් බවට පත්කර, එතැන් පටන් ගාස්තුව ඉහළ දැමිය යුතු බව බස් හිමියෝ සඳහන් කරති.

නවසීලන්ත කණ්ඩායමට එරෙහි තෙවන හා අවසන් විස්සයි 20 තරගයෙන් ලකුණු 7ක ජයක් වාර්තා කිරීමට ශ්‍රී ලංකා කණ්ඩායම මීට සුළු මොහොතක​ට පෙර සමත් විය.

බිත්තරයක තොග මිල ඊයේ (01දා) රුපියල් 34ත් රුපියල් 35ත් අතර මිලක් ගෙන තිබූ අතර, මේ අනුව සිල්ලර මිල රුපියල් 40 දක්වා ඉහළ ගොස් තිබුණි.

ඩොලරයේ වටිනාකම අඩු වෙමින් තිබෙන නිසා අහ්‍යාස පොත් ඇතුළුව පාසල් උපකරණවල මිල 20%කින් අඩු කිරීමට කටයුතු කර තිබෙන බව සමස්ත ලංකා කුඩා කර්මාන්තකරුවන්ගේ සංගමය සඳහන් කරයි.

වසර 13ට පසුව ශ්‍රී ලංකා පිතිකරුවෙකු විස්සයි 20 ක්‍රිකට් ශතකයක් වාර්තා කිරීමට අද(02දා) සමත් විය.

ඖෂධ හිඟයක් මවාපාමින් ඉන්දීය ණය යෝජනා ක්‍රමය යටතේ ඖෂධ වර්ග 182ක් ගෙන්වීම සඳහා හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඉදිරිපත් කළ කැබිනට් පත්‍රිකාවට අනුමැතිය දීම පිළිබඳව හිටපු ජනාධිපති රනිල් වික්‍රමසිංහ සහ හිටපු අග්‍රාමාත්‍ය දිනේෂ් ගුණවර්ධන මහත්වරුන්ගෙන් ලබන සතිය තුළ ප්‍රකාශ සටහන් කර ගැනීමට කටයුතු සුදානම් කර ඇතැයි රහස් පොලිස් ආරංචි මාර්ග සඳහන් කරයි.

මත්පැන් බොන්නට රුපියල් 300ක් නොදුන්නැයි බහින්බස්වී උදැල්ලෙන් පහරදී 37 හැවිරිදි බිරිය ඝාතනය කළ සැමියෙකු කජු ගසක ගෙලවැලලාගන සියදිවි හානිකරහන ඇතැයි කුලියාපිටිය පොලීසිය කියයි.

ගාලු මුවදොර ජාතික ධජය එසවීම හා කොළඹ ජනාධිපති මන්දිරයේ විශේෂ චාරිත්‍ර සම්මාන මුරය සම්බන්ධ රාජකාරීන් ශ්‍රී ලංකා යුද්ධ හමුදාව වෙතින් නාවික හමුදාව වෙත භාර ගැනීම 2024 දෙසැම්බර් මස 31 වැනි දින සහ අද දින (01) කොළඹ ගාලු මුවදොරදී සහ නාවික හමුදා මූලස්ථානයේදී සිදු කෙරිණි.

උත්සව සමයේ රථවාහන අනතුරු අවම කර ගැනීම සඳහා සිදුකරන පොලිස් මෙහෙයුම් යටතේ අද (01දා) උදේ 6.00 අවසන් වූ පැය 24ක කාලය තුළදී රියදුරන් හත්දහස් දෙසිය හැට හතරකට නීතිය ක්‍රියාත්මක කර තිබේ.

2025 වසරේදී විදේශීය සංචාරකයන් ලක්ෂ 25ක් ශ්‍රී ලංකාවට ගෙන ඒමට සැලසුම් හදා තිබෙන නිසා මේ වසරේ ඇමරිකානු ඩොලර් බිලියන පහක ආදායමක් සංචාරක කර්මාන්තයෙන් උපයා ගැනීමට බලාපොරොත්තු වන බව සංචාරක කටයුතු නියෝජ්‍ය ඇමති මහාචාර්ය රුවන් රණසිංහ මහතා පැවසීය.

කොළඹ පාරිභෝගික මිල දර්ශකයෙහි (කො.පා.මි.ද., 2021=100)1 වාර්ෂික ලක්ෂ්‍යමය වෙනස මගින් මනිනු ලබන මතුපිට උද්ධමනය, ශ්‍රී ලංකා මහ බැංකුව විසින් සිදු කරන ලද කෙටි කාලීන උද්ධමන පුරෝකථන හා අනුකූලව, අඛණ්ඩව සිව්වන මාසයටත් ඍණ අගයක පවතිමින් 2024 නොවැම්බර් මාසයේ දී වාර්තා වූ සියයට 2.1ක අවධමනයට සාපේක්ෂව 2024 දෙසැම්බර් මාසයේ දී සියයට 1.7ක අවධමනයක් වාර්තා කළේය.

ශ්‍රී ලංකා රේගුව විසින් පසුගිය වසරේදී රුපියල් ට්‍රිලියන 1.5ක් ඉක්ම වු ආදායමක් වාර්තා කර ඇති අතර එය රේගු ඉතිහාසය තුළ එක් වසරක් තුළ ඉපයූ ඉහළම ආදායම වෙයි.

කළුතර උතුර ගාලු පාරේ කොස්ගස් හන්දිය ප්‍රදේශයේදී පෞද්ගලික බස් රථයක පිටුපස ගැටි මෝටර් රථය අනතුරකට ලක්වීමෙන් අනතුරුව මෝටර් රථයේ එම ස්ථානයේ දමා පලා ගිය ප්‍රධාන පොලිස් පරීක්ෂකවරයෙකු අත්අඩංගුවට ගත් බව කළුතර උතුර පොලිසිය කියයි.

අධිකරණ සේවා කොමිසමේ සාමාජිකයකු වශයෙන් ශ්‍රේෂ්ඨාධිකරණයේ ජ්‍යෙෂ්ඨතම විනිසුරුවරයා වන ප්‍රීතී පද්මන් සුරසේන මහතා ජනාධිපති අනුර කුමාර දිසානායක මහතා විසින් පත් කරන ලදී.

පැවැත්වීමට නියමිත උතුරු මැද පළාතේ 2024 තුන්වන වාර විභාග ප්‍රශ්න පත්‍ර මේ වන විට පිටවී ඇති බව අනුරාධපුර දිස්ත්‍රික් ලංකා ගුරු සේවා සංගමය පවසයි.

නුවරඑළිය මහේස්ත්‍රාත් අධිකරණයේ නඩු භාණ්ඩ කාමරයේ වටිනා දුරකථනයත් අස්ථානගතවීම සම්බන්ධව නුවරඑළිය පොලිසියට ලද පැමිණිල්ලකට අනුව සිදුකළ විමර්ශනයේදී එම දුරකථනය සොරාගත් එම අධිකරණයේ සේවය කරන නිලධාරිනිය අත්අඩංගුවට ගෙන (30) දින නුවරඑලිය මහේස්ත්‍රාත් අධිකරණය වෙත ඉදිරිපත් කිරිමෙන් අනතුරුව සැකකාරිනිය මේ මස (09) දින දක්වා රක්ෂිත බන්ධනාගාර ගත කිරිමට මහෙස්ත්රාැත් ප්ර බුද්ධිකා ලංකාංගනී මෙනවිය නියෝග කෙරිණ.

කොළඹ සිට ගාල්ල බලා ගමන්ගත් දුම්රියක බෙන්තොට දුම්රිය ස්ථානය අසලදී ගැටීමෙන් තුනටිය ප්‍රදේශයට බරපතළ තුවාල ලැබූ 39 හැවිරිදි මවක සහ වමතේ කොටසක් වෙන්වන පරිදි බරපතළ තුවාල ලද ඇයගේ හය හැවිරිදි පුත්‍රයා බෙන්තොට රෝහලට ඇතුළත් කළ බව බෙන්තොට පොලීසිය පැවසිය.

දෙසැම්බර් මාසයේ පළමු වැනිදා සිට 29 වැනිදා දක්වා සංචාරකයන් 233087ක් පැමිණ ඇතැයි ශ්‍රී ලංකා සංචාරක සංවර්ධන අධිකාරිය කියයි. මෙම සංචාරකයන් සංඛ්‍යාවද සමගින් 2024 වසරේ දෙසැම්බර් 29 දා වන විට ශ්‍රී ලංකාවට පැමිණ ඇති සමස්ත සංචාරකයන් සංඛ්‍යාව 2 037 960ක් දක්වා වර්ධනය වි තිබේ.

උතුරු මුහුදු සීමාවේ පසුගිය කාලයේ පැවති අයහපත් කලගුණික බලපෑම් හේතුවෙන් නවතා තිබූ ඉන්දියාව සහ කන්කසන්තුරෙයි අතර මගී නැව් සේවාව හෙට (02) දිනයේ සිට යළි ක්‍රියාත්මක කරන බවට සිව ගංගී නැව් සමාගම නිවේදනය කරයි.

බළපිටියේ මාදුගග අභය භූමියක් ලෙස ප්‍රසිද්ධියට පත්කරන ලද 2006 වර්ෂයේ සිට වසර 18 කට අධික කාලයක් එය නැරඹීමට පැමිණෙන සංචාරකයින්ගෙන් ප්‍රවේශපත්‍ර ගාස්තුවක් අය කිරීමට කටයුතු කර නොමැති බවත් මාදුගග අභය භූමියක් ලෙස ප්‍රකාශයට පත් කිරීමට අදාල 2006 ජූලි 17 දිනැති 1454/7 දරණ අති විශේෂ ගැසට් පත්‍රය මගින් මාදුගග ගාල්ල ප්‍රාදේශීය ලේකම් කොට්ඨාශය තුල පිහිටා තිබෙන බවට වූ වරද නිවැරදි කිරීමට කටයුතු කර නොමැති බවත් ජාතික විගණන මහ ලේකම් කාර්යාලය මගින් කරන ලද විගණන පරීක්ෂ

අස්වැසුම ප්‍රතිලාභී නොවන පවුල්වල දරුවන් සඳහා පාසල් උපකරණ සහ ලිපිද්‍රව්‍ය මිලදී ගැනීම සඳහා රුපි‍යල් 6,000 ක දීමනාව ලබාදීමේදී ඒ සඳහා සුදුසු දරුවන් තෝරා ගැනීම දිවයිනේ පාසල් වල විදුහල්පතිවරුන්ට පවරා ඇත.

රජයේ පාසල් සහ රජයේ අනුමත පෞද්ගලික පාසල්වල 2024 අධ්‍යයන වර්ෂයේ තෙවන පාසල් වාරයේ දෙවන අදියර සඳහා හෙට (2) පාසල් ආරම්භ කරන බව අධ්‍යාපන අමාත්‍යාංශය පවසයි.